Ebrowyon 11:13 - An Bibel Kernewek 20234 (Kernewek Kemmyn)

¹³ Dre fydh y ferwis oll an re ma, heb degemmeres an ambosow; mes i a's gwelas ha'ga salusi a-bell, ow konfessya aga bos estrenyon ha godrigoryon war an nor.

Ebrowyon 11:13 Iomraidhean Croise

Jenesis 21:34

Hag yth esa Abraham trigys avel alyon yn pow an Filistysi lies dydh.

Jenesis 23:4

‘My yw alyon ha godriger yn agas mysk; grontyewgh dhymm perghennogeth rag ynkleudhva genowgh, may hylliv ynkleudhyas an korf mes a'm golok.’

Jenesis 25:8

Ena Abraham a dremenas hag a verwis yn kothni dha, den koth, leun a vlydhynyow, hag y feu kuntellys dh'y bobel.

Jenesis 47:9

Hag yn-medh Yakob dhe Faro, ‘Dydhyow blydhynyow ow godrigow yw deg ha hwegh-ugens. Boghes ha drog re beu dydhyow blydhynyow ow bewnans, ha ny wrussons dos nes dhe dhydhyow blydhynyow bewnans ow thasow yn dydhyow aga godrigow i.’

Jenesis 48:21

Hag yn-medh Ysrael dhe Yosep, ‘Otta, yth esov ow merwel, mes y fydh Duw genowgh ha'gas dri arta dhe bow agas tasow.

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Jenesis 49:18

‘My a wayt dha selwyans, A Arloedh.

Jenesis 49:28

Oll an re ma yw dewdhek loeth Ysrael, ha hemm yw an pyth a leveris aga thas dhedha pan wrug ev aga benniga; ev a's bennigas pubonan war-lergh y vennath y honan.

Jenesis 49:33

Ha Yakob a worfennas erghi dh'y vebyon ha tenna yn-bann y dreys a-berth yn y weli, hag anella y dhiwettha anall. Hag ev a veu kuntelles dh'y bobel.

Jenesis 50:24

Hag yn-medh Yosep dh'y vreder, ‘Yth esov ow merwel. Duw sertan a wra agas visitya, ha'gas dri yn-bann mes a'n pow ma bys y'n pow a ambosas ev dre di dhe Abraham, dhe Ysak ha dhe Yakob.’

Job 19:25

Rag my a woer ow dasprenyas dhe vos yn few, hag ev dhe sevel wortiwedh war an dor;

Salmow 119:19

Alyon ov vy war an nor; na gudh dha worhemmynnow ragov.

Salmow 39:12

‘Klew ow fysadow, A Arloedh, ha ro skovarn dhe'm kri; na vydh tawesek orth ow dagrow. Rag alyon ov vy genes, godriger, avel ow thasow oll.

Eksodus 2:22

ha hi a dhineythis mab ha gelwel y hanow Gershom, rag y leveris, ‘Alyon re beuv yn bro estren.’

Levitikus 25:23

Ny vydh an tir gwerthys bys vykken, rag my a bew an tir; rag hwi yw alyons ha godrigoryon genev.

Niverow 10:30

Mes ev a leveris dhodho, ‘Ny vynnav mos; mes my a wra diberth dhe'm tir ow honan ha dhe'm neshevin.’

Niverow 24:17

My a'n gwel, mes a-der lemmyn; my a'n aspi, mes a-der yn ogas; sterenn a wra dos war-rag yn-mes a Yakob, ha ternwelenn a wra sevel yn-mes a Ysrael; hi a wra brewi talyow Moab, ha kregyn oll mebyon Sheth.

Matthew 13:17

Rag yn hwir y lavarav dhywgh, lies profoes ha den gwiryon re beu hwansek dhe weles an taklow a welowgh hwi mes ny welsons ha dhe glewes an taklow a glewowgh hwi mes ny glewsons.

Yowann 12:41

Ysay a leveris hemma rag ev dhe weles y wolewder, hag ev a gewsis anodho ev.

Yowann 8:56

Abraham agas tas a lowenhas dhe weles ow dydh; ev a'n gwelas, ha lowen veu.’

Romanyon 4:21

hag ow pos sur y hylli Duw gul an pyth re ambossa.

Romanyon 8:24

Rag y'n govenek may feun selwys, mes govenek gwelys nyns yw govenek, rag piw a wayt an pyth a wel?

2 Korinthianys 4:18

drefenn na wren ni vri a'n pyth yw gwelys, mes a'n pyth nag yw gwelys; rag an pyth yw gwelys ny dhur mann, mes an pyth nag yw gwelys a dhur bynitha.

2 Korinthianys 5:6

Prest leun a fydhyans on ni, ytho; ha ni a woer, ha ni yn chi y'n korf, agan bos a-dre dhiworth an Arloedh,

Efesianys 2:19

Ytho nyns owgh hwi namoy estrenyon hag alyons, mes kesburjysi gans an syns, hag eseli teylu Duw,

Ebrowyon 11:14

Rag an re a gews yndellma a dhiskwa yn kler aga bos ow hwilas mammvro.

Ebrowyon 11:17

Dre fydh Abraham, pan veu prevys, a offrynnas Ysak hag ev neb re dhegemmersa an ambosow o parys dhe offrynna y unn vab dineythys,

Ebrowyon 11:27

Dre fydh ev a asas Ejyp, heb perthi own a sorr an myghtern; rag y parghas, kepar dell ve ow kweles neb yw diwel.

Ebrowyon 11:39

Hag oll an re ma, dustuniys der aga fydh, ny dhegemmersons an pyth a veu ambosys,

1 Peder 1:1

Peder, abostol Yesu Krist dhe'n bobel dhewisys, godrigoryon skattrys yn Pontus, Galatia, Kappadokia, Asia, ha Bithynia,

1 Peder 1:17

Ha mar kelwowgh warnodho avel Tas, ev neb a vreus heb plegyans war-lergh gwrians pub den, gwrewgh spena termyn agas godrik yn own.

1 Peder 2:11

Karadowyon, my a'gas pys avel alyons ha divresow mayth omwithewgh rag hwansow an kig a wra gwerrya erbynn an enev.

1 Yowann 3:19

Ha dredhi y hwodhon ni dhe vos a'n gwir, ha ni a hebaskha agan kolonn a-dheragdho.