Ebrowyon 11:10 - An Bibel Kernewek 20234 (Kernewek Kemmyn)

¹⁰ Rag y hwaytya an sita hag a's tevo selveyn, ha'n pennser ha'n byldyer anedhi yw Duw.

Ebrowyon 11:10 Iomraidhean Croise

Ysay 14:32

Fatell worthyp kannasow an genedhel? ‘Yth yw an Arloedh neb re selyas Sion, ha boghosogyon y bobel a hwila harber ynni.’

Yowann 14:2

Yn chi ow Thas yma lies trigva. Mar ny ve, a wrussen vy leverel dhywgh my dhe vos dhe bareusi tyller ragowgh?

2 Korinthianys 5:1

Rag ni a woer hemma: mars yw distruys agan chi y'n bys, an tylda ma, yma dhyn drehevyans a Dhuw, chi nag yw gwrys gans leuv, a dhur bynitha y'n nevow.

Filippianys 3:20

Rag yma agan sita y'n nevow, ha ni a wayt gans mall Selwador dhiworti, an Arloedh Yesu Krist,

Ebrowyon 11:16

Mes lemmyn bro well a hwansons, henn yw, onan nevek. Ytho, Duw ny'n jeves meth bos gelwys aga Duw, rag ev re dharbaris dhedha sita.

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,

Ebrowyon 12:28

Ytho godhvydhyn gras a dhegemmeres ruvaneth na yll degrena, ha rakhenna profyn dhe Dhuw gordhyans plegadow yn revrons hag agha;

Ebrowyon 13:14

Rag omma ny'gan beus sita a dhur, mes y hwilyn an sita dhe dhos.

Ebrowyon 3:4

Rag pub chi yw drehevys gans nebonan, mes neb a dhrehevis pup-tra yw Duw.

Diskwedhyans 21:2

Ha my a welas an sita sans, Yerusalem nowydh, ow tiyskynna yn-mes a nev dhiworth Duw, parys kepar ha benyn bries afinys rag hy gour.