Ebrowyon 10:5 - An Bibel Kernewek 20234 (Kernewek Kemmyn)

⁵ Hemm yw prag, pan dheuth Krist dhe'n bys, ev a leveris, ‘A sakrifis hag offrynn, ny' feu hwans, mes korf re bareussys ragov;

Ebrowyon 10:5 Iomraidhean Croise

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Ysay 1:11

Pandra yw dhymm sakrifisow pals? yn-medh an Arloedh. Gwalghys ov a offrynnow leskys a hordhes ha blonek lodhnow peskys. Nyns eus dhymm delit yn goes terewi, nag eyn gorow, na gever.

Ysay 40:16

Nyns yw Lebanon lowr rag keunys an tan, na'y vestes lowr rag offrynn leskys.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Yeremia 31:22

Pes termyn a hokydh, A vyrgh dhislel? Rag an Arloedh re greatyas tra nowydh y'n nor: Benyn a dhifres gour.

Yeremia 6:20

Pandr'a amont dhymm frankynkys a-dhiworth Sheba, ha'n kalamus drudh a bow pell? Nyns yw agas offrynnow leskys kemmeradow, na nyns yw agas sakrifisow hweg plegadow dhymm.

Matthew 11:3

dhe wovynn orto, ‘Yw ty an den a dal dos po ken onan a wortyn?’

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Luk 7:19

ha'ga dannvon dhe'n Arloedh ow leverel, ‘Yw ty an den a dal dos, po ken onan a wortyn?’

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

Ebrowyon 1:6

Hag arta, pan dhre ev y'n bys an kynsa-genys, y lever, ‘Eledh Duw oll, gordhyens ev.’

Ebrowyon 10:10

Ha der an bodh na, ni re beu sanshes, der offrynn korf Yesu Krist unnweyth rag oll.

Ebrowyon 10:7

Ena y leveris vy, “Otta, deuvev, may hwrylliv dha vodh, a Dhuw”, dell yw skrifys ahanav yn rol an lyver.’

Ebrowyon 10:8

Pan leveris yndellma, ‘Ny' feu na hwans na plesour yn sakrifisow hag offrynnow hag offrynnow leskys hag offrynnow pegh’ (an re ma yw offrynnys herwydh an lagha),

Ebrowyon 2:14

Ytho, a-ban gemmeras an fleghes rann yn kig ha goes, ev y honan a gevrennas a'n keth traow, may tistrua, dre vernans, neb a'n jeves galloes mernans, henn yw, an jowl,

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

Ebrowyon 8:3

Rag pub oferyas yw ordenys dhe offrynna rohow ha sakrifisow; yndellma yth yw res bos gans an oferyas ma neppyth dhe offrynna.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

2 Yowann 1:7

Rag toelloryon bals re entras y'n bys, na gonfessyons Yesu Krist dhe vos devedhys y'n kig. Hemm yw an toeller ha'n Antekrist.