Ebrowyon 10:36 - An Bibel Kernewek 20234 (Kernewek Kemmyn)

³⁶ Rag hwi a'gas beus edhomm a berthyans, may hwryllowgh bodh Duw ha kavoes an pyth yw ambosys.

Ebrowyon 10:36 Iomraidhean Croise

Salmow 37:7

Bydh kosel a-dherag an Arloedh, ha gwra y wortos gans perthyans; na sorr drefenn an den a sewen yn y fordh, drefenn an gour a ober droktowlow.

Salmow 40:1

My a wortas an Arloedh gans perthyans; hag ev a blegyas dhymm ha klewes ow kri.

Matthew 10:22

Ha hwi a vydh kesys gans pub den oll a-barth ow hanow, mes neb a dhur bys y'n diwedh, ev a vydh selwys.

Matthew 12:50

rag seul a wrello bodh ow Thas eus y'n nevow, an keth henna yw ow broder ha'm hwoer ha'm mamm.’

Matthew 21:31

Pyneyl a'n dhew a wrug bodh y das?’ Yn-medhons, ‘An kynsa.’ Yesu a leveris dhedha, ‘Yn hwir y lavarav dhywgh, bos an dolloryon ha'n horys ow mones a-bervedh yn gwlaskor Duw kyns es dell wrewgh hwi.

Matthew 24:13

Mes neb a dhur bys yn diwedh, ev a vydh selwys.

Matthew 7:21

‘Nyns a a-bervedh yn gwlaskor nev pubonan a lever dhymm, “Arloedh, Arloedh”, mes ev neb a wra bodh ow Thas eus yn nevow.

Mark 3:35

Rag neb a wrello bodh Duw, an keth henna yw ow broder, ha'm hwoer, ha'm mamm.’

Luk 21:19

Der agas perthyans hwi a wayn agas enev.

Luk 8:15

Mes an dra y'n tir da, yth yns i an re a glew an ger gans kolonn len ha da ha'y witha, ha doen frut gans perthyans.

Yowann 7:17

Mar mynn nebonan gul y volonjedh, ev a woer a-dro dhe'n dyskas, pyneyl y vos a Dhuw, po my dhe gewsel a'm awtorita ow honan.

Oberow 13:22

Ha wosa y remova, ev a dhrehevis Davydh dhe vos aga myghtern; anodho ev a leveris, ow tustunia, “My re gavas bos Davydh mab Yesse gour war-lergh ow holonn, neb a vynn gul oll ow bodh.”

Oberow 13:36

Rag Davydh, wosa ev dhe servya bodh Duw yn y henedh y honan, a goskas hag a veu gorrys gans y dasow hag a welas podredhes.

Romanyon 12:12

yn govenek ow lowenhe, yn galar ow tiskwedhes perthyans, ow pesya yn tiwysyk yn pysadow,

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

Romanyon 8:25

Mes mar kwaytir an pyth na welir, gans mall y'n gwaytir.

1 Korinthianys 13:7

Hi a berth pup-tra, a grys pup-tra, a wayt pup-tra, a wodhev pup-tra.

Galatianys 6:9

Yn masobereth na vedhen digolonnek; rag y'n prys ewn y hwren ni mysi mar ny glamderyn.

Efesianys 6:6

Na wrewgh hemma may fewgh gwelys, ow plegya dhe dus, mes avel gwesyon Krist, ow kul bodh Duw dhiworth an enev,

Kolossianys 1:11

nerthys gans pub galloes war-lergh krevder y splannder dhe bub perthyans ha godhevyans; gans lowena

Kolossianys 3:24

ow kodhvos hwi dhe dhegemmeres gober an eretons dhiworth an Arloedh. Hwi a serv an Arloedh Krist.

Kolossianys 4:12

Epafras a'gas dynnergh, onan ahanowgh, kethwas Krist Yesu, ow strivya pup-prys ragowgh yn y bysadow, may seffowgh perfydh ha surhes yn tien y'n bolonjedh oll a Dhuw.

1 Thessalonianys 1:3

ow perthi kov a'gas ober a fydh ha'gas lavur a gerensa ha'gas perthyans a wovenek yn agan Arloedh Yesu Krist a-dherag Duw agan Tas,

Ebrowyon 11:39

Hag oll an re ma, dustuniys der aga fydh, ny dhegemmersons an pyth a veu ambosys,

Ebrowyon 12:1

Ytho, ni ynwedh, a-ban eus kommolenn mar veur a dhustunioryon a-dro dhyn, tewlyn a-denewen pub ankombrans ha pegh hag a len mar ogas, ha dre bargh, resyn an resegva yw settys a-dheragon,

Ebrowyon 13:21

re'gas provio gans pub tra vas may hwryllowgh y vodh, ow kul ynnon an pyth yw plegadow yn y wolok dre Yesu Krist; dhe neb bedhes gordhyans bys vykken ha bynnari. Amen.

Ebrowyon 6:12

ma na vowgh syger mes holyoryon an re a erit, dre fydh ha perthyans, an ambosow.

Ebrowyon 6:15

Hag yndellma wosa perthi hirneth, ev a dhegemmeras an ambos.

Ebrowyon 6:17

Ytho, pan vynnas Duw diskwedhes dhe glerra dhe eryon an ambos gnas antreylyadow y dowl, ev a'n fastyas gans ti

Ebrowyon 9:15

Yndella ev yw mayn an kevambos nowydh, may hwrello an re yw gelwys degemmeres an eretons ambosys bys vykken, a-ban mernans dhe hwarvos rag aga daspren a'n peghadow yn-dann an kynsa kevambos.

1 Peder 1:9

ow tegemmeres siwyans agas fydh: selwyans enevow.

1 Yowann 2:17

Ha'n bys a dremen, ha'y lust: mes neb a wra bodh Duw a vew bys vykken.

Diskwedhyans 13:10

Neb a ello yn kethneth, yn kethneth yth a: neb a vo ledhys gans kledha, gans kledha y fydh ledhys. Ottomma perthyans ha fydh an syns.

Diskwedhyans 14:12

Ottomma perthyans an syns, neb a with gorhemmynnow Duw, ha fydh Yesu.