Ebrowyon 10:30 - An Bibel Kernewek 20234 (Kernewek Kemmyn)

³⁰ Rag ni a'n aswonn neb a leveris, ‘Dhymmo vy yw an dial; my a attal.’ Hag arta, ‘An Arloedh a wra breusi y bobel.’

Ebrowyon 10:30 Iomraidhean Croise

Salmow 135:14

Rag an Arloedh a vreus y bobel, ha kemmeres truedh a'y wesyon.

Salmow 50:4

Ev a elow war an nevow a-vann ha war an nor, may freusso y bobel.

Salmow 94:1

A Arloedh, ty Dhuw a dhial, ty Dhuw a dhial, omdhiskwa.

Salmow 96:13

a-dherag an Arloedh; rag ev a dheu, ev a dheu dhe vreusi an norvys. Ev a vreus an norvys gans ewnder, ha'n poblow gans y lelder.

Salmow 98:9

a-dherag an Arloedh, rag ev a dheu dhe vreusi an norvys. Ev a vreus an norvys gans gwiryonedh, ha'n poblow gans ewnder.

Ysay 59:17

Ev a wiskas ewnder avel hoberjon, ha basnett a selwyans war y benn; ev a wiskas dillas dial rag gwisk, hag omvaylya yn diwysykter avel mantell.

Ysay 61:2

dhe dhisklerya blydhen favour an Arloedh, ha dydh dial agan Duw; dhe gonfortya oll kynoryon;

Ysay 63:4

Rag yth esa dydh dial y'm kolonn, ha blydhen ow daspren re dheuth.

Ezekiel 18:30

Rakhenna my a'gas breus pubonan war-lergh y fordhow, a ji Ysrael, yn-medh an Arloedh Duw. Koedhewgh yn edrek ha treylyewgh agas honan dhiworth oll agas kammweythresow; ena ny vydh drogober dhywgh ken a drebuchya.

Ezekiel 34:17

Ha hwi, ow deves, yndellma y lever an Arloedh Duw: Ottavy ow preusi ynter unn dhavas ha davas arall, yntra hordhes ha boghes.

Levitikus 19:18

Ny wre'ta diella, na berthi envi erbynn fleghes dha bobel, mes ty a gar dha gentrevek kepar ha ty dha honan. An Arloedh ov vy.

Nahum 1:2

An Arloedh yw Duw neb a berth avi, hag a gemmer dial; dialor yw an Arloedh ha meur y sorr; an Arloedh a gemmer dial war y eskerens, hag ev a with y sorr erbynn y envi.

Romanyon 12:19

Na omdhialewgh, hwi garadowyon, mes rewgh le dhe gonnar Duw; rag skrifys yw, ‘Dial yw dhymm, my a attal’, yn-medh an Arloedh.

Romanyon 13:4

Rag gwas Duw yw ev rag dha dhader. Mar kwredh drog, porth own, rag ny dheg ev an kledha yn euver. Gwas Duw yw ev, dialor rag konnar war an drogoberer.

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

1 Samuel 25:26

‘Ha lemmyn, ow arloedh, dell vew an Arloedh, ha dell vewydh dha honan, drefenn an Arloedh dhe'th lettya rag kabel-goes ha diella dre dha leuv dha honan, lemmyn ytho gas dha eskerens, ha'n re neb a hwila gul drog dhe'm arloedh, bos kepar ha Nabal.

1 Samuel 26:10

Hag yn-medh Davydh ynwedh, ‘Dell vew an Arloedh, an Arloedh a'n gwysk dhe'n dor; po y jydh a dheu dhe verwel; po ev a wra mos yn-nans yn batel ha merwel.