Ebrowyon 10:10 - An Bibel Kernewek 20234 (Kernewek Kemmyn)

¹⁰ Ha der an bodh na, ni re beu sanshes, der offrynn korf Yesu Krist unnweyth rag oll.

Ebrowyon 10:10 Iomraidhean Croise

Zekaria 13:1

Y'n jydh na y fydh fenten igerys dhe ji Davydh ha dhe drigoryon Yerusalem rag pegh ha mostedhes.

Yowann 17:19

Hag a-barth dhedha i omsakra a wrav ow honan, rag may fons i ynwedh sakrys y'n gwirder.

Yowann 19:34

Mes onan a'n soudoryon a wanas y denewen gans guw, ha desempis y teuth yn-mes goes ha dowr.

Yowann 6:51

My yw an bara bew a dheuth yn-nans dhiworth nev; mar teber den a'n bara ma, ev a vew bynitha; ha'n bara a rov yw ow hig, rag bewnans an bys.’

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

1 Korinthianys 6:11

Hag yndella y fedha re ahanowgh hwi; mes golghys vewgh, sanshes vewgh, akwitys vewgh yn hanow an Arloedh Yesu Krist ha gans Spyrys agan Duw.

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Efesianys 5:26

ma's gwrella sans, orth hy glanhe dre wolghas an dowr der an ger,

Ebrowyon 10:12

Mes pan offrynnsa Krist unn sakrifis rag peghosow bys vykken, ‘ev a esedhas orth leuv dhyghow Duw’,

Ebrowyon 10:14

Rag der unn offrynn ev re berfydhhas bys vykken an re yw sanshes.

Ebrowyon 10:20

der an fordh vew nowydh a igoras ev der an vayl, henn yw der y gig,

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

Ebrowyon 10:5

Hemm yw prag, pan dheuth Krist dhe'n bys, ev a leveris, ‘A sakrifis hag offrynn, ny' feu hwans, mes korf re bareussys ragov;

Ebrowyon 13:12

Yndellma, Yesu a wodhevis yn-mes a'n yet rag sanshe tus der y woes.

Ebrowyon 2:11

Rag ev neb a sansha, ha'n re yw sanshes, yw oll a'n unn devedhyans. Henn yw prag na'n jeves meth dh'aga gelwel breder,

Ebrowyon 2:14

Ytho, a-ban gemmeras an fleghes rann yn kig ha goes, ev y honan a gevrennas a'n keth traow, may tistrua, dre vernans, neb a'n jeves galloes mernans, henn yw, an jowl,

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

Ebrowyon 7:27

Ny'n jevo edhomm, avel an arghoferysi na, a offrynna sakrifis pub-dydh, kynsa rag y beghosow ev hag ena rag peghosow an bobel; ev a wrug hemma unnweyth pan omoffrynnas y honan.

Ebrowyon 9:12

ev a entras, unnweyth rag oll, dhe'n tyller sans le na gemmeras goes gever na leughi, mes y woes y honan, yndellma ow kavoes daspren bys vykken.

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

Ebrowyon 9:26

rag ena y tegoedhvia dhodho godhevel menowgh a-dhia wrians an bys. Mes lemmyn ev re omdhiskwedhas unnweyth, dhe dhiwedh an oesow, ha dilea peghosow der omsakrifia.

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

1 Yowann 5:6

Hemm yw neb a dheuth dre dhowr ha dre woes, Yesu Krist; ha nyns o unnsel dre dhowr, mes dre dhowr ha dre woes. Ha'n Spyrys yw an dustunier, rag an Spyrys yw gwirder.