Ebrowyon 10:1 - An Bibel Kernewek 20234 (Kernewek Kemmyn)

¹ Rag an lagha, na'n jeves marnas skeus a'n traow mas dhe dhos a-der an purra imaj a'n traow ma, ny yll nevra, der an keth sakrifisow yw offrynnys blydhen wosa blydhen heb lett, perfydhhe an re a dheu nes.

Ebrowyon 10:1 Iomraidhean Croise

Levitikus 9:16

Hag ev a dhros an offrynn leskys ha'y offrynna war-lergh an rewl.

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

Kolossianys 2:17

hag yw skeus a daklow a dheu, mes an substans yw a Grist.

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

Ebrowyon 7:11

Ytho, mar teuth perfydhder der oferyaseth leviek (rag yn-danno an bobel a dhegemmeras dega an lagha), ena pana edhomm eus a gen oferyas dhe sevel war-lergh ordyr Melkisedek, a-der war-lergh ordyr Aron?

Ebrowyon 8:5

I a serv yn ensampel ha skeus a'n sentri nevek; rag pan o Moyses parys dhe dhrehevel an tabernakel, gwarnys veu gans Duw, ow leverel, ‘Gwith may hwrylli pup-tra herwydh an patron a veu diskwedhys dhis war an menydh.’

Ebrowyon 9:11

Mes pan omdhiskwedhas Krist avel arghoferyas an traow mas dhe dhos, ena der an tabernakel moyha ha perfyttha (na veu gwrys gans leuv, henn yw nag yw a'n kreasyon ma)

Ebrowyon 9:23

Ytho y feu res, a'n unn tu, bos glanhes toknys an traow nevek y'n gis ma, mes an traow nevek aga honan gans sakrifisow gwell ages an re ma.

Ebrowyon 9:25

Ha nyns o dhe omoffrynna menowgh, par dell enter an arghoferyas a-ji dhe'n Tyller Sans pub blydhen gans goes dhiworth re erell;