Ebrowyon 1:2 - An Bibel Kernewek 20234 (Kernewek Kemmyn)

² mes y'n dydhyow diwettha ma ev re gewsis dhyn dre Vab, neb a wrug y ordena an her a bup-tra, dredho ynwedh may hwrug an oesow,

Ebrowyon 1:2 Iomraidhean Croise

Jenesis 49:1

Ena Yakob a elwis y vebyon ha leverel, ‘Omguntellewgh war-barth, may hwrylliv derivas dhywgh an pyth a hwyrvydh dhywgh y'n dydhyow a dheu.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Ysay 44:24

Yndellma y lever an Arloedh, dha Dhasprenyas, neb a'th formyas y'n dorr: My yw an Arloedh, a wrug pup-tra, neb a ystynnas an nevow ow honan, hag a lesas an norvys ow honan;

Ysay 45:12

My yw neb a wrug an norvys, ha my a greatyas mab-den warnodho; ow diwla y feu a lesas an nevow, ha my a worhemmynnis aga luyow oll.

Ysay 45:18

Rag yndellma y lever an Arloedh, Kreador an nevow, Duw yw ev; ev a formyas an norvys ha'y wruthyl; ev a'n fastyas, ny'n kreatyas dhe vos gwag, ev a'n formyas dhe vos annedhys: My yw an Arloedh, nyns eus arall.

Yeremia 30:24

Ny dreyl konnar fers an Arloedh dhe-ves bys pan gollanwo ha kowlwul towlow y golonn. Y'n dydhyow diwettha hwi a gonvedh hemma.

Yeremia 48:47

Mes my a dreyl kethneth Moab y'n dydhyow diwettha, yn-medh an Arloedh. Bys hemma yma an varn war Moab.

Ezekiel 38:16

Ty a yskynn erbynn ow fobel Ysrael kepar ha kommolenn dhe gudha an tir. Y'n dydhyow diwettha my a'th tro erbynn ow thir, rag may hwrello an kenedhlow ow aswonn, pan vydhav sanshes dredhowgh, A Gog, a-rag aga dewlagas.

Daniel 10:14

Devedhys ov rag gul dhis konvedhes an pyth a hwyrvydh dhe'th pobel yn diwedh an dydhyow, rag bos an welesigeth rag an dydhyow a dheu.’

Daniel 2:28

mes yma yn nev Duw neb a dhiskudh kevrinyow, hag ev re dherivas dhe vyghtern Nebukadnessar pandr'a hwyrvydh y'n dydhyow diwettha. Dha hunros, ha'n gwelesigethow y'th penn war dha weli, o an re ma:

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Mika 4:1

Y'n dydhyow diwettha, menydh chi an Arloedh a vydh fastys avel penn an menydhyow, hag y fydh drehevys yn-bann dres an breow, ha poblow a dheu dhodho yn fros.

Niverow 24:14

Ha lemmyn, otta, yth av dhe'm pobel; deus, my a'th warn a'n pyth a wra an bobel ma dhe'th pobel jy y'n dydhyow diwettha.’

Matthew 13:39

ha'n eskar neb a's gonedhas yw an jowl, ha'n drevas yw diwedh an oes, ha'n vysoryon yw eledh.

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Matthew 21:38

Mes an diogyon, pan welsons an mab a leveris an eyl dh'y gila, “Hemm yw an her; dewgh, gwren ni y ladha ha kavoes y ertach!”

Matthew 26:63

Mes Yesu a dewis. Hag yn-medh an arghoferyas dhodho, ‘My a wra dha gonjorya re'n Duw bew dhe leverel dhyn mars osta an Krist, Mab Duw.’

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Mark 1:1

Dalleth aweyl Yesu Krist, Mab Duw.

Mark 12:6

Yth esa dhodho hwath unn mab karadow; ev a'n dannvonas dhedha wortiwedh, ow leverel, “Gul vri a'm mab i a wra.”

Mark 12:7

Mes an diogyon na a leveris an eyl dh'y gila, “Hemm yw an her; deun, ledhyn ev, ha'n ertach a vydh dhyn ni.”

Yowann 1:10

Yth esa ev y'n bys, ha'n bys a veu gwrys ganso, ha ny'n aswonnis an bys.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 1:3

Pup-tra a veu gwrys ganso, ha hebdho ny veu gwrys travyth a veu gwrys.

Yowann 13:3

ow kodhvos an Tas dhe ri pup-tra oll ynter y dhiwleuv, hag ev dhe dhos dhiworth Duw ha dehweles dhe Dhuw,

Yowann 13:32

Mars yw Duw glorifiys ynno, Duw ynwedh a'n glorifi ynno y honan, hag a'n glorifi a-dhistowgh.

Yowann 15:15

Ny wrav agas henwel gwesyon na fella, rag ny woer an gwas pandr'a wra y vester; mes my re'gas henwis kowetha, rag pup-tra a wrug vy klewes a'w Thas my a wrug y dheklarya dhy'hwi.

Yowann 16:15

Pup-tra a'n jeves an Tas yw dhymm; rakhenna y leveris vy, y hwra ev kemmeres dhiworth an pyth yw dhymm ha'y dherivas dhywgh.

Yowann 17:2

kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Yowann 3:25

Ena dadhel a sordyas yntra re a dhyskyblon Yowann hag unn Yedhow a-dro dhe lanheans.

Yowann 5:26

Rag kepar dell eus dhe'n Tas bewnans ynno y honan, yndella ynwedh ev re wrontyas dhe'n Mab kavoes bewnans ynno y honan.

Yowann 5:27

Hag ev a ros dhodho galloes dhe vreusi, rag ev dhe vos Mab an den.

Yowann 9:29

Ni a woer, Duw dhe gewsel dhe Moyses, mes an den ma, ny wodhon a-ble teuth.’

Oberow 10:36

Hwi a woer an ger a dhannvonas ev dhe vebyon Ysrael, ow pregoth kres dre Yesu Krist neb yw Arloedh peub oll.

Oberow 2:17

“Hag y fydh y'n dydhyow diwettha, yn-medh Duw, my a dhinwa a'm Spyrys war gig oll, ha'gas mebyon ha'gas myrghes a wra profoesa ha'gas gwer yowynk a wra gweles gwelesigethow ha'gas gwer goth a wra hunrosa hunrosow;

Romanyon 1:4

hag a veu henwys Mab Duw yn nerth war-lergh Spyrys sansoleth dre dhasserghyans an re varow, Yesu Krist agan Arloedh;

Romanyon 8:17

ha mars on ni fleghes, ytho heryon, heryon a Dhuw ha kes-heryon a Grist, mar kodhevyn ganso rag may fyn ni ynwedh kevrennek a'y wolewder.

1 Korinthianys 2:7

Mes ni a gews furneth Duw, kevrinek ha kudh, a ragdhestnas Duw kyns an oesow rag agan glori.

1 Korinthianys 8:6

hwath ragon nyni yma unn Duw, an Tas, dhiworth neb yw pup-tra, ha rag neb yth on ni, hag unn Arloedh, Yesu Krist, dre neb yw pup-tra ha dre neb yth on ni.

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,

Efesianys 1:10

avel towl rag keweras an termynyow, dhe guntell pup-tra war-barth yn Krist, an taklow yn nev, ha'n re y'n nor, ynno ev;

Efesianys 3:9

ha golowi dhe bub den towl an mysteri kudhys dres an oesow yn Duw neb a wrug pup-tra,

Dewteronomi 18:15

An Arloedh dha Dhuw a dhrehav profoes ragos yn-mes ahanas, dhiworth dha vreder, haval dhymm. Orto ev hwi a woslow.

Dewteronomi 31:29

Rag my a woer, wosa ow mernans, hwi dhe omlegri yn sur, ha treylya dhiworth an fordh a worhemmynnis dhywgh; drog a wra agas metya y'n dydhyow diwettha, drefenn hwi dhe wul drog a-wel dhe'n Arloedh, dh'y serri der ober agas diwla.’

Dewteronomi 4:30

Pan vydhydh yn ahwer, hag oll an taklow ma yw devedhys warnas y'n dydhyow diwettha, mar tehwelydh dhe'n Arloedh dha Dhuw hag obaya y lev,

Ebrowyon 1:5

Rag dhe by el y leveris Duw bythkweth, ‘Ty yw ow Mab; hedhyw my re'th tineythis’? Po arta, ‘My a vydh Tas dhodho, hag ev a vydh dhymm Mab’?

Ebrowyon 1:8

Mes a-dro dhe'n Mab y lever, ‘Dha dron, a Dhuw, yw bys vykken ha bynnari; gwelenn wiryon yw gwelenn dha wlaskor.

Ebrowyon 11:3

Dre fydh y konvedhyn bos an bys gwrys dre er Duw, may feu gwrys an pyth a welir dhiworth an pyth anwelys.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Ebrowyon 3:6

mes Krist o len avel Mab dres chi Duw. Ha ni yw y ji mar synsyn agan fydhyans ha goeth yn agan govenek, fyrv dhe'n diwedh.

Ebrowyon 4:14

Ytho, a-ban y'gan beus arghoferyas meur re dremenas der an nevow, Yesu, Mab Duw, synsyn fast agan professyans.

Ebrowyon 5:8

Kynth o Mab, ev a dhyskas gostytter der an pyth a wodhevis;

Ebrowyon 7:28

Rag an lagha a orden tus yn aga gwannder avel arghoferysi, mes ger an ti, hag a dheuth diwettha ages an lagha, a apoynt Mab re beu gwrys perfydh bys vykken.

Ebrowyon 7:3

Ev yw heb tas na mamm nag aghskrif ha ny'n jeves na dallethvos dydhyow na diwedh bewnans, mes, haval dhe Vab Duw, ev a bes yn oferyas bys vykken.

Ebrowyon 9:26

rag ena y tegoedhvia dhodho godhevel menowgh a-dhia wrians an bys. Mes lemmyn ev re omdhiskwedhas unnweyth, dhe dhiwedh an oesow, ha dilea peghosow der omsakrifia.

1 Peder 1:20

Ragaswonnys ova kyns selyans an bys, mes diskwedhys y'n termynyow diwettha ragowgh hwi,

2 Peder 3:3

Godhvydhewgh hemma kyns oll: y'n dydhyow diwettha y hwra dos gesyoryon ow kul ges, ow kerdhes war-lergh aga drokhwansow i,

Lyther Yud 1:18

pan lavarsons i dhywgh, ‘Y'n termyn diwettha y fydh gesyoryon ow kerdhes war-lergh aga hwansow ansans aga honan.’