Ebrowyon 1:14 - An Bibel Kernewek 20234 (Kernewek Kemmyn)

¹⁴ A nyns yns i oll spyrysyon menystra dannvenys rag gonis, a-barth an re a wra erita selwyans?

Ebrowyon 1:14 Iomraidhean Croise

Jenesis 32:24

Yakob a veu gesys y honan, ha gour a omdewlis ganso bys dydh-tardh

1 Myghternedh 22:19

Ena Mikaya a leveris, ‘Ytho klew ger an Arloedh: My a welas an Arloedh esedhys war y dron, gans oll an lu nevek a'ga sav rybdho dhe'n dyghow ha dhe'n kledh.

Job 1:6

Yth esa dydh pan dheuth mebyon Duw dhe sevel a-dherag an Arloedh, ha Satnas a dheuth yn aga mysk ynwedh.

Salmow 104:4

Ev a wra y eledh spyrysyon, ha'y venystrys tan ow flammya.

Salmow 34:7

El an Arloedh a gamp a-dro dhe'n re a berth own anodho hag ev a's delirv.

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Daniel 6:22

Ow Duw a dhannvonas y el ha degea ganow an lewyon, ha ny wrens ow shyndya, drefenn ow bos kevys divlam a-ragdho; hag ynwedh a-ragos, A vyghtern, ny wrug drog vyth.’

Daniel 7:10

Liv a dan a resa ha tardha dhiworto; milvil a'n servya, hag yth esa ow sevel dheragdho deg milweyth deg mil. An vreuslys a esedhas, ha'n lyvrow a veu igerys.

Matthew 1:20

Hag ev owth ombrederi a-dro dhe'n taklow ma, awotta, el an Arloedh a omdhiskwedhas dhodho dre hunros, ow leverel, ‘Yosep mab Davydh, na borth own a gemmeres Maria yn gwreg dhis; rag an pyth usi omdhegys ynni yw der an Spyrys Sans.

Matthew 13:41

Mab an den a vynn dyllo y eledh hag i a guntell yn-mes a'y wlaskor pub acheson a drebuchya, ha'n re a wra anlaghedh,

Matthew 18:10

‘Gwaytyewgh na wryllowgh dispresya onan a'n re vyghan ma; rag yn-medhav dhywgh bos aga eledh y'n nevow pup-prys ow mires war fas ow Thas eus y'n nevow.

Matthew 2:13

Wosa i dhe vos gyllys yn-kerdh, otta, el an Arloedh a omdhiskwedhas dhe Yosep dre hunros, ow leverel, ‘Sav yn-bann ha kemmer an flogh ha'y vamm ha fi dhe Ejyp ha bydh ena erna leverriv dhis; rag Herod a vynn hwilas an flogh rag y dhistrui.’

Matthew 24:31

hag ev a dhannvon y eledh gans son bras a hirgorn, hag i a guntell war-barth y bobel dhewisys, yn-mes a'n peswar gwyns dhiworth a'n eyl penn a'n nevow dh'y gila.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Matthew 4:11

Ena an jowl a'n gasas hag otta, eledh a dheuth dh'y servya.

Mark 10:17

Ha pan esa ev ow mos yn-kerdh war an fordh, nebonan a boenyas dhodho ha koedha war benn-dewlin a-ragdho, ha govynn orto, ‘A Vester mas, pandr'a wrav may hylliv erita bewnans heb diwedh?’

Luk 1:19

Ha'n el a worthybis dhodho, ‘Gabriel ov vy, neb a sev a-rag Duw, ha dannvenys veuv dhe gewsel orthis, ha dhe dhri dhis an nowodhow da a hemma.

Luk 1:23

Ena pan veu dydhyow y wonis dhe benn, ev a omdennas dh'y ji.

Luk 16:22

Ena an den boghosek a verwis hag a veu degys dhe-ves gans an eledh bys yn askra Abraham. An den rych ynwedh a verwis hag a veu ynkleudhys;

Luk 2:13

Ha distowgh yth esa gans an el routh veur a'n lu nevek ow kormel Duw, hag ow leverel,

Luk 2:9

Hag otta, el an Arloedh a sevis a-dheragdha, ha golewder an Arloedh a splannas a-dro dhedha, hag own bras a's teva.

Oberow 11:22

Nowodhow a henna a dheuth dhe skovornow an eglos yn Yerusalem, hag i a dhannvonas Barnabas dhe Antiogh.

Oberow 12:23

Hware el an Arloedh a'n gweskis, drefenn na ros ev an gordhyans dhe Dhuw, ha devorys gans pryves ev a verwis.

Oberow 12:7

Hag otta, el an Arloedh a sevis ogas dhodho, ha golow a splannas y'n vagh; hag ow kweskel tenewen Peder ev a'n drehevis yn-bann, ow leverel, ‘Sav yn-bann, fisten.’ Ha'n chaynys a goedhas dhiworth y dhiwla.

Oberow 13:2

Hag i ow kordhya an Arloedh hag ow penys, an Spyrys Sans a leveris, ‘Diberthewgh ragov Barnabas ha Sowl rag an gonis ma's gelwis vy.’

Oberow 16:26

hag a-dhesempis yth esa dorgrys meur, may feu kryghyllys selyow an prison; hag a-dhistowgh an darasow oll a veu igerys, ha kolmow pub huni a veu lowsys.

Oberow 27:23

Rag nyhewer y sevis rybov el a'n Duw neb a'm piw hag ynwedh neb a servyav,

Oberow 5:19

Mes nosweyth el an Arloedh a igoras darasow an prison, ha'ga hembronk yn-mes, ha leverel,

Romanyon 11:14

rag may hwrylliv dhe'n re yw a'm kig evy perthi avi, hag yndella selwel rann anedha.

Romanyon 13:6

Rag an keth skila y telydh trubyt, rag an routers yw gwesyon Duw prest owth omri poran dhe'n keth tra ma.

Romanyon 15:16

rag may fiv vy menyster Yesu Krist dhe'n kenedhlow, avel oferyas dhe aweyl Yesu Krist rag may fo offrynn an kenedhlow kemmeradow, sanshes gans an Spyrys.

Romanyon 15:27

Rag da o gansa ha kendonoryon dhedha yns, rag mar kevrenna an kenedhlow gansa yn aga thaklow spyrysel, y tegoedh dhedha ynwedh yn taklow a'n kig menystra dhedha.

Romanyon 8:17

ha mars on ni fleghes, ytho heryon, heryon a Dhuw ha kes-heryon a Grist, mar kodhevyn ganso rag may fyn ni ynwedh kevrennek a'y wolewder.

1 Korinthianys 1:21

Rag yn skentoleth Duw, a-ban na wrug an bys aswonn Duw dre skentoleth, Duw a veu plesys, dre follneth an pyth a veu pregewthys, dhe selwel an re a grys.

2 Korinthianys 9:12

drefenn bos menystrans an gonis ma ow provia rag edhommow an syns, keffrys palshe gans meur a rasow dhe Dhuw;

Galatianys 3:29

ha mars owgh hwi dhe Grist, ytho yth owgh hwi has Abraham, heryon herwydh ambos.

Galatianys 3:7

godhvydhewgh ytho an re ma, an dus mayth eus dhedha fydh, dhe vos mebyon Abraham.

Galatianys 3:9

ytho an re a fydh yw benniges war-barth gans Abraham, an den a fydh.

Efesianys 3:6

an Jentilys dhe vos kes-heryon ha keskorf, ha kevrennoryon a'n ambos yn Krist Yesu der an aweyl.

Filippianys 2:17

Mes dhe wir, mars ov skoellys avel offrynn diwes war agas sakrifis ha'n gonis a'gas fydh, my a lowenha ha keslowenhe genowgh hwi oll;

Filippianys 2:25

Mes my a dybis bos res dannvon dhywgh Epafroditus, ow broder, kesoberer ha kessouder ha'gas kannas, ha menyster a'm edhomm,

2 Thessalonianys 1:7

ha ri powes genen ni dhywgh hwi yw duwenhes, orth diskwedhyans an Arloedh Yesu dhiworth nev gans y eledh nerthek,

Titus 3:7

may teffyn ha bos heryon war-lergh govenek bewnans heb worfenn, justifiys gans y ras.

Ebrowyon 10:11

Ha pub oferyas a sev pub-dydh ow menystra, owth offrynna menowgh an keth sakrifisow na yllons nevra dilea peghosow.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Ebrowyon 5:9

ha wosa bos gwrys perfydh, y teuth ha bos fenten a selwyans bys vykken dhe beub yw gostydh dhodho,

Ebrowyon 6:12

ma na vowgh syger mes holyoryon an re a erit, dre fydh ha perthyans, an ambosow.

Ebrowyon 6:17

Ytho, pan vynnas Duw diskwedhes dhe glerra dhe eryon an ambos gnas antreylyadow y dowl, ev a'n fastyas gans ti

Ebrowyon 8:6

Mes lemmyn, Krist re gavas menystrans hag yw hwath bryntinna ages an onan koth a-ban yw ev an mayn a gevambos gwell, selys war ambosow gwell.

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

1 Peder 1:12

Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.

1 Peder 1:4

dhe ertach heb pedri, andhefolys, ha heb gwedhra, yw gwithys yn nev ragowgh hwi

1 Peder 3:7

Y'n keth vaner an wer, gwrewgh kesvewa gansa yn konvedhes, ow tiskwedhes enor dhe'n wreg avel dhe'n gwanna lester, kepar ha dhe heryon genowgh ynwedh a'n ras a vewnans, ma na vo lettys agas pysadow.

Lyther Yud 1:14

A-dro dhe'n re ma y'n seythves henedh a Adam y profoesas Enok pan leveris, ‘Otta, an Arloedh a dheuth gans y dheg-vilyow a syns,

Diskwedhyans 5:6

Ha my a welas yn mysk an tron ha'n peswar kreatur bew, hag yn mysk an henavogyon, y sevi Oen kepar ha pan ve ledhys, gans seyth korn ha seyth lagas, yw seyth Spyrys Duw dannvenys yn-rag yn oll an norvys.