Diskwedhyans 9:2 - An Bibel Kernewek 20234 (Kernewek Kemmyn)

² Hag ev a igoras shafta an pytt diwoeles ha mog a yskynnas yn-mes a'n shafta kepar ha mog fornes vras ha'n howl ha'n ayr a veu tewlhes dre vog an shafta.

Diskwedhyans 9:2 Iomraidhean Croise

Jenesis 15:17

Hag y hwarva, pan sedhis an howl hag yth o tewl, awotta, forn ow megi ha faglenn ow leski a dremenas ynter an rannow na.

Jenesis 19:28

Hag ev a viras war-woeles troha Sodom ha Gomorra ha trohag oll an plen a-dro, ha gweles, hag otta, yth esa mog an pow ow mos yn-bann kepar ha mog fornes.

Eksodus 19:18

Ha menydh Sinay a veu maylys yn mog, drefenn an Arloedh dhe dhiyskynna warnodho yn tan; ha'n mog anodho a yskynnas avel mog an fornes, ha'n menydh oll a grenas yn feur.

Ysay 14:31

Oul a yet, kri a sita; teudh yn own, Filistia, ty oll. Mog a dheu dhiworth an gogledh, ha nyns eus termynek yn y renkow.

Daniel 3:6

Ha piwpynag na goettho dhe'n leur ha gul gologhas a vydh y'n keth eur na tewlys yn kres fornes a dan ow flammya.’

Yoel 2:10

An dor a wra krysya a-dheragdha; an nevow a gren: an howl ha'n loer a dewlha, an ster a skon a derlentri.

Yoel 2:2

dydh tewlder ha tewlyjyon, dydh kommol ha tewolgow tew. Dell les an bora war an menydhyow y teu pobel vras ha krev; nyns esa bythkweth aga far, na ny vydh namoy a'y wosa, bys vlydhynyow henedhow ha henedhow.

Yoel 2:30

My a dhiskwa marthusyon y'n nevow hag y'n norvys, goes ha tan ha kolovenyow a vog.

Oberow 2:19

Ha my a dhiskwedh marthusyon y'n nev a-vann, hag toknys y'n norvys a-woeles, goes ha tan hag ethenn mog.

Diskwedhyans 14:11

Ha mog aga thorment a wra yskynna trank heb worfenn ha nyns eus powes dydh ha nos dhe neb a wordh an best ha'y imaj ha pypynag a dhegemmerro merk y hanow.’

Diskwedhyans 16:10

Ha'n pympes a skoellyas y fiol war dron an best; ha'y wlaskor a veu tewlhes ha tus a gnias aga thaves dre bayn.

Diskwedhyans 8:12

Ha'n peswora el a hwythas hag y feu an tressa rann a'n howl gweskys, ha'n tressa rann a'n loer ha'n tressa rann a'n ster, may feu an tressa rann anedha tewlhes ha ny omdhiskwedhas an jydh rag an tressa rann anodho, ha'n nos kekeffrys.

Diskwedhyans 9:1

Ha'n pympes el a hwythas, ha my a welas sterenn koedhys dhiworth an nev bys y'n nor: hag alhwedh shafta an pytt diwoeles a veu res dhodho.

Diskwedhyans 9:11

Yma myghtern a-ughta i, yw el an pytt diwoeles, yn Ebrow Abaddon y hanow, hag yn Greka Apollyon.

Diskwedhyans 9:17

Hag yndella my a welas an vergh y'n welesigeth, ha'n re owth esedha warnedha gans lurik liw tan, hyakinth, ha loskven, ha penn an vergh o kepar ha penn lewyon, ha tan ha mog ha loskven a dheu yn-mes a'ga ganow.