Diskwedhyans 8:5 - An Bibel Kernewek 20234 (Kernewek Kemmyn)

⁵ Ha'n el a gemmeras an ynkyslester, ha'y lenwel a dan an alter ha'y dewlel dhe'n dor, hag y feu taranow ha sonyow ha lughes ha dorgrys.

Diskwedhyans 8:5 Iomraidhean Croise

1 Myghternedh 19:11

Ev a leveris, ‘Ke ha sevel war an menydh a-rag an Arloedh, rag yma an Arloedh ow tremena.’ Gwyns krev a dheuth, ow folsa menydhyow ha terri kerrek dhe demmyn a-rag an Arloedh, mes nyns esa an Arloedh y'n gwyns; ha wosa an gwyns yth esa dorgrys, mes nyns esa an Arloedh y'n dorgrys;

Salmow 18:13

An Arloedh ynwedh a darennas y'n nevow, ha'n Ughella a ros y lev, keser ha kolennow tan.

Eksodus 19:16

Dhe vyttin an tressa dydh yth esa taran ha lughes, ha kommolenn dew war an menydh, ha son pur ughel an hirgorn may krenas oll an bobel esa y'n kamp.

Ysay 29:6

Arloedh an luyow a dheu dhis gans taran ha dorgrys ha gans tros meur, gans tewedh hag annawel, ha flamm a dan ow kowlleski.

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ysay 66:6

Son tervans dhiworth an sita, son dhiworth an tempel! Son an Arloedh owth attyli gober dh'y eskerens!

Yeremia 51:11

Lymmewgh an sethow! Lenwewgh an goenyow! An Arloedh re dhrehevis spyrys myghternedh an Medys, rag y dowl a-dro dhe Babylon yw hy distrui, rag henn yw dial an Arloedh, dial rag y dempel.

Levitikus 16:12

Hag ev a gemmer ynkyslester lenwys a golennow tan dhiworth an alter dherag an Arloedh, ha dhew dhornas a ynkys hweg, gweskys munys, ha'y dhri a-ji dhe'n vayl.

Zekaria 14:5

Hwi a wra fia dre nans ow menydhyow; rag nans an menydhyow a dhrehedh bys Asal. Hwi a wra fia dhe'n fo kepar dell fisowgh a-rag an dorgrys yn dydhyow Uzzia myghtern Yuda. Ena an Arloedh ow Duw a dheu, hag oll an syns genes.

Matthew 24:7

Rag kenedhel a sev erbynn kenedhel ha gwlaskor erbynn gwlaskor hag y hwyrvydh divoetter ha dorgrysyow yn divers tylleryow.

Luk 12:49

‘My re dheuth dhe worra tan y'n bys, hag ass ov vy hwansek ev dhe vos seulabrys gans tan!

Oberow 16:26

hag a-dhesempis yth esa dorgrys meur, may feu kryghyllys selyow an prison; hag a-dhistowgh an darasow oll a veu igerys, ha kolmow pub huni a veu lowsys.

Oberow 4:31

Hag i ow pysi, an tyller mayth ens i kuntellys a veu kryghyllys, hag i oll a veu lenwys a'n Spyrys Sans, hag i a gewsis ger Duw gans kolonnekter.

Diskwedhyans 11:13

Hag y'n keth eur y feu dorgrys bras ha'n degves rann a'n sita a goedhas, hag y'n dorgrys seyth mil dhen a veu ledhys, ha'n re erell a veu dyegrys ha ri gordhyans dhe Dhuw nev a wrussons i.

Diskwedhyans 11:19

Ha tempel Duw yn nev a veu igerys hag argh y gevambos a veu gwelys yn y dempel hag y feu lughesennow ha sonyow ha taranow ha dorgrys, ha keser meur.

Diskwedhyans 4:5

Hag yn-mes a'n tron y teuth lughesennow ha sonyow ha taranow yn-rag, hag yth esa seyth faglenn tan, yw seyth Spyrys Duw, ow leski a-dherag an tron;

Diskwedhyans 6:12

Ha my a welas pan igoras an hweghves sel, ha dorgrys bras a hwarva ha'n howl a dhuhas kepar ha saghlenn blew ha'n loer leun eth kepar ha goes.

Diskwedhyans 8:3

Ha ken el a dheuth ha sevel orth an alter, hag ynkyslester owrek ganso, ha meur a ynkys a veu res dhodho ma'n proffya gans pysadow an syns oll war an alter owrek esa a-dherag an tron.