Diskwedhyans 8:13 - An Bibel Kernewek 20234 (Kernewek Kemmyn)

¹³ Ha my a welas ha klewes er ow nija yn kres an nev, ow leverel, ughel y lev, ‘Tru, tru, tru, dhe drigoryon an norvys dhiworth sonyow erell a hirgorn an tri el neb a vydh ow hwytha.’

Diskwedhyans 8:13 Iomraidhean Croise

Salmow 103:20

Bennigewgh an Arloedh, hwi eledh ev, hwi alloesogyon a wra herwydh y er ev, seul a woslow orth y lev pan gews ev.

Ezekiel 2:10

Ena ev a's lesas a-ragov; yth esa skrif war hy dew denewen, ha skrifys warnedhi yth esa galargan ha kynvann ha guw.

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Diskwedhyans 11:14

Ha'n nessa guw yw tremenys; otta, an tressa guw a dheu yn skon.

Diskwedhyans 12:12

Ytho, lowenhewgh, a nevow, ha hwi a drig ynna. Tru dhe'n dor ha dhe'n mor, rag an Jowl re dhiyskynnas dhywgh hwi, ha sorr bras ganso, rag ev a woer bos termyn berr ganso ev.’

Diskwedhyans 14:3

Hag i a ganas kan nowydh a-dherag an tron hag a-dherag an peswar kreatur bew ha'n henavogyon, ha denvyth ny ylli dyski an gan marnas an kans peswar ha dew-ugens mil re beu prenys dhiworth an norvys.

Diskwedhyans 14:6

Ha my a welas ken el ow nija yn kres nev gans an aweyl heb hedhi dhe bregoth dhe neb a drig war an norvys, ha dhe bub kenedhel ha loeth ha taves ha pobel,

Diskwedhyans 19:17

Ha my a welas unn el ow sevel y'n howl; hag ev a armas, ughel y lev, ow leverel dhe oll an ydhyn ow nija yn kres nev, ‘Dewgh, omguntellewgh war-barth dhe'n goen vras a Dhuw,

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.

Diskwedhyans 8:2

Ha my a welas an seyth el usi ow sevel a-dherag Duw, ha seyth hirgorn a veu res dhedha.

Diskwedhyans 9:1

Ha'n pympes el a hwythas, ha my a welas sterenn koedhys dhiworth an nev bys y'n nor: hag alhwedh shafta an pytt diwoeles a veu res dhodho.

Diskwedhyans 9:12

Unn tru re dremenas; otta, y teu dew dru wosa henna.