Diskwedhyans 8:12 - An Bibel Kernewek 20234 (Kernewek Kemmyn)

¹² Ha'n peswora el a hwythas hag y feu an tressa rann a'n howl gweskys, ha'n tressa rann a'n loer ha'n tressa rann a'n ster, may feu an tressa rann anedha tewlhes ha ny omdhiskwedhas an jydh rag an tressa rann anodho, ha'n nos kekeffrys.

Diskwedhyans 8:12 Iomraidhean Croise

Ysay 13:10

Rag ster an nevow ha'ga Orionow ny rons aga golow. An howl a vydh tewl pan dhrehav, ha'n loer ny wra dh'y loergann splanna.

Ysay 24:23

An loer a's tevydh meth ha'n howl a vydh shamys; rag Arloedh an luyow a reyn yn menydh Sion hag yn Yerusalem, ha glorifiys vydh a-rag y henavogyon.

Yeremia 4:23

My a viras war an nor, hag, otta heb furv o, ha gwag; ha war an nevow ha ny's tevo golow.

Yoel 2:10

An dor a wra krysya a-dheragdha; an nevow a gren: an howl ha'n loer a dewlha, an ster a skon a derlentri.

Yoel 2:31

An howl a vydh treylys dhe dewlder, ha'n loer dhe woes, kyns dos dydh an Arloedh, bras hag euthyk.

Yoel 3:15

Tewlhes yw an howl ha'n loer, ha'n ster a skon a ri aga golow.

Amos 8:9

Hag y hwyrvydh y'n jydh na, yn-medh an Arloedh Duw, my a wra an howl dhe sedhi y'n hanter-dydh, ha tewlhe an dor yn lagas an howl.

Matthew 24:29

‘A-dhihwans war-lergh galar an dydhyow na an howl a vydh tewlhes, ha'n loer ny re hy golow, an ster a goedh war-nans a'n nev, ha nerthow an nevow a vydh kryghyllys.

Matthew 27:45

Ha dhiworth an hweghves eur yth esa tewolgow war oll an nor bys y'n nawves eur.

Mark 13:24

‘Mes y'n dydhyow na, wosa an galar na, an howl a vydh tewlhes, ha'n loer ny re hy golow,

Mark 15:33

Ha pan dheuth an hweghves eur, yth esa tewolgow dres oll an tir bys y'n nawves eur.

Luk 21:25

‘Hag y fydh toknys y'n howl ha'n loer ha'n ster, ha war an nor angoes dhe'n kenedhlow, fienasow drefenn tarenna an mor ha'n tonnow.

Oberow 2:20

An howl a vydh treylys dhe dewlder ha'n loer dhe woes kyns dos dydh meur ha splann an Arloedh;

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

Diskwedhyans 12:4

Ha'y lost a skubas an tressa rann a'n ster a nev ha'ga thewlel dhe'n dor ha'n dhragon a sevis a-dherag an venyn a vedha ow tineythi, may teppra hy flogh kettell wrella hi y dhineythi.

Diskwedhyans 16:10

Ha'n pympes a skoellyas y fiol war dron an best; ha'y wlaskor a veu tewlhes ha tus a gnias aga thaves dre bayn.

Diskwedhyans 6:12

Ha my a welas pan igoras an hweghves sel, ha dorgrys bras a hwarva ha'n howl a dhuhas kepar ha saghlenn blew ha'n loer leun eth kepar ha goes.

Diskwedhyans 9:15

Hag y feu lowsys an peswar el re bia gwithys yn parys dhe'n eur ha'n jydh ha'n mis ha'n vlydhen, may latthens an tressa rann a vab-den.

Diskwedhyans 9:18

Der an tri fla ma y feu ledhys an tressa rann a vab-den der an tan ha'n mog ha'n loskven ow tos yn-mes a'ga ganow.