Diskwedhyans 7:9 - An Bibel Kernewek 20234 (Kernewek Kemmyn)

⁹ Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;

Diskwedhyans 7:9 Iomraidhean Croise

Jenesis 13:16

Ha my a wra dha has kepar ha doust an dor: mar kyll den nivera doust an dor, dha has ynwedh a yll bos niverys.

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Salmow 2:8

Govynn orthiv, ha my a re dhis an kenedhlow y'th ertach, ha pennow pella an nor y'th perghennogeth.

Salmow 22:27

Oll pennow an norvys a berth kov ha treylya dhe'n Arloedh; hag oll teyluyow an kenedhlow a wordh a-dheragos.

Salmow 76:4

Splanna osta ha kreffa ages an menydhyow heb diwedh.

Salmow 77:2

Yn dydh ow anken my a hwilas an Arloedh; ow leuv o ystynnys y'n nos, ha nyns o skwith; ow enev a skonyas a gavoes hebaska.

Salmow 98:3

Ev re borthas kov a'y dregeredh ha'y lelder orth chi Ysrael. Oll pennow an norvys re welas selwyans agan Duw.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Yeremia 3:17

Y'n termyn na i a elow Yerusalem Tron an Arloedh; hag oll an kenedhlow a vydh kuntellys dhedhi, dhe hanow an Arloedh yn Yerusalem: ha ny holyons yn hworth namoy aga thebel golonn.

Ezekiel 47:5

Arta ev a vusuras mil, hag yth o avon na yllis vy tremena dresti, rag an dowr re dhrehavsa lowr dhe neuvya ynno, avon na yllys tremena dredhi.

Daniel 4:1

Nebukadnessar an myghtern, dhe oll an poblow, an kenedhlow ha'n tavosow trigys y'n norvys oll: Pals re bo agas kres!

Daniel 6:25

Ena myghtern Darius a skrifas dhe oll an poblow, kenedhlow ha tavosow trigys y'n norvys oll: ‘Pals re bo agas kres!

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Levitikus 23:40

Y'n kynsa dydh hwi a gemmer frut a wydh splann, delyow palmwydh, skorrennow a wydh delyek ha helyk a'n gover; ha hwi a lowenha seyth dydh dherag an Arloedh agas Duw.

Zekaria 10:8

My a wra aga huntelles gans hwiban, rag my re wrug aga dasprena. I a vydh niverus kepar dell vons kyns.

Zekaria 2:11

Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.

Luk 12:1

Y'n keth termyn, pan veu lies mil a'n routh kuntellys war-barth, may stankyens an eyl y gila, ev a dhallathas leverel dh'y dhyskyblon yn kynsa, ‘Omwithewgh a woell an Fariseow, yw falsuri.

Luk 21:36

Bedhewgh hewoel pup-prys, ow pysi may fo dhywgh nerth dhe fia dhiworth pup-tra eus ow tegynsiwa, ha dhe sevel a-rag Mab an den.’

Yowann 12:13

a gemmeras skorrennow palm ha mos yn-mes dh'y vetya, hag i a grias, ‘Hosanna! Benniges yw neb a dheu yn hanow an Arloedh! Myghtern Ysrael!’

Romanyon 11:25

Rag ny vynnav hwi dhe vos heb godhvos, a vreder, a'n kevrin ma, ma na vewgh ynnowgh hwi agas honan fur: kalesenn dhe vos devedhys yn rann war Ysrael, bys pan dheffo a-ji an myns kowal a'n kenedhlow,

Efesianys 6:13

Rakhenna, kemmerewgh leun-arvwisk Duw may hallowgh sevel y'n drog dhydh, ha wosa gul pup-tra, sevel hwath.

Ebrowyon 11:12

Hag yndellma dhiworth unn den, hag ev kepar hag onan marow, y feu genys diyskynnysi avel ster an nev orth niver, ha diniver avel tewes an morrep.

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 22:3

Ha ny vydh kevys travyth milliges namoy, mes tron Duw ha'n Oen a vydh ynni; ha'y wesyon a wra y wordhya:

Diskwedhyans 3:18

My a'th kusul a brena owr prevys y'n tan dhiworthiv may fi rych, ha dillas gwynn may fi gwiskys ha na omdhiskwettho an meth a'th noethedh, ha prena eli rag ura dha dhewlagas may hylli gweles.

Diskwedhyans 4:4

Hag a-dro dhe'n tron yth esa peswar tron warn ugens; ha war an tronys y hwelis peswar henavek warn ugens owth esedha, gwiskys yn dillas gwynn, ha war aga fenn kurun owrek.

Diskwedhyans 5:11

Ha my a viras, ha klewes lev lies el a-dro dhe'n tron, ha'n kreaturs bew ha'n henavogyon; ha'n niver anedha o deg milweyth deg mil, ha milyow a vilyow,

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;

Diskwedhyans 6:11

Ha pows wynn a veu res dhe bubonan anedha, hag y feu leverys dhedha i dhe bowes a dermyn berr moy, bys may fe kowlwrys ynwedh niver aga heswesyon ha'ga breder a vedha ledhys kepar dell vons i ledhys kekeffrys.

Diskwedhyans 7:8

A loeth Zebulun y feu selys dewdhek mil. A loeth Yosep y feu selys dewdhek mil. A loeth Benyamin y feu selys dewdhek mil.