Diskwedhyans 7:17 - An Bibel Kernewek 20234 (Kernewek Kemmyn)

¹⁷ Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’

Diskwedhyans 7:17 Iomraidhean Croise

Salmow 22:26

An dus truan a dheber hag a vydh lenwys; an re a hwila an Arloedh a'n gormel; re vewo agas kolonn bynnari.

Salmow 23:5

Ty a bareus moes a-dheragov yn golok ow eskerens; ty re untyas ow fenn gans oyl, ow hanaf yw gorlenwys.

Salmow 28:9

Salw dha bobel, ha bennik dha ertach; bydh aga bugel, ha'ga drehevel bynitha.

Ysay 12:3

Hwi a denn dowr gans lowena dhiworth an fentynyow a selwyans.

Ysay 25:6

War an menydh ma Arloedh an luyow a wra rag oll an poblow kevewi a voes rych gans oyl, kevewi a win koth, boes rych sawrys gans mer, gwin koth sidhlys.

Ysay 25:8

Ev a gollenk ankow bys vykken. An Arloedh Duw a sygh an dagrow dhiworth pub fas; ha kemmeres mewl y bobel dhe-ves a-dhiwar oll an norvys, rag an Arloedh re gewsis.

Ysay 30:19

Ytho an bobel yn Sion, trigys yn Yerusalem, ny oel namoy. Ev a gemmer truedh ahanas orth son dha gri; kettell y'n klew, ev a'th worthyp.

Ysay 30:25

War bub menydh ughel ha pub bre ughel y fydh goverow ow resek gans dowr, yn dydh an ladhva vras pan goedh an touryow.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 49:9

rag leverel dhe'n brisnoryon, ‘Dewgh yn-mes’, dhe'n re usi yn tewlder, ‘Omdhiskwedhewgh!’ Peuri a wrons ryb an fordhow, war oll an ugheldiryow moel y fydh aga feurva.

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Ysay 60:20

Ny sedh dha howl byth moy, na ny leha dha loer; ha diwedha a wra dydhyow dha gynvann; an Arloedh a vydh dhis golow bys vykken, ha dydhyow dha gynvann a dheu dhe dhiwedh.

Ysay 65:19

My a lowenha yn Yerusalem ha bos heudhik y'm pobel; ny vydh klewys son oelva ynni, na son kri rag gweres na fella.

Yeremia 2:13

rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Ezekiel 34:23

My a dhrehav warnedha unn bugel, ow gwas Davydh, hag ev a's mag; ev a's mag, ha bos dhedha bugel.

Mika 5:4

Hag ev a sev, ha bugelya yn nerth an Arloedh, yn braster hanow an Arloedh y Dhuw. Hag i a drig yn sawder, rag lemmyn ev a vydh meur bys yn finweth an norvys.

Mika 7:14

Bugel dha bobel gans dha vagel, para dha eretons, hag a drig y honan yn koeswik y'n kres a dir feyth; peurens yn Bashan ha Gilead kepar hag y'n dydhyow koth.

Matthew 2:6

“Ha ty, Bethlehem, pow Yuda, nyns os mann an lyha yn mysk gwelhevin Yuda, rag yn-mes ahanas y teu hembrenkyas neb a wra bugelya ow fobel Ysrael.” ’

Matthew 5:4

‘Gwynn aga bys an re usi ow kalari, rag i a vydh konfortys.

Yowann 10:11

‘My yw an bugel da. An bugel da a dhaskorr y vewnans rag y dheves.

Yowann 10:14

My yw an bugel da, ha my a aswonn ow deves ow honan, ha'm re ow honan a'm aswonn vy.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Yowann 4:11

Yn-medh an venyn dhodho, ‘Syrra, nyns eus genes na hwath kelorn, ha'n puth yw down; ytho a-ble kevydh an dowr bew na?

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

1 Peder 5:2

bugelyewgh flokk Duw usi yn agas mysk, ow korweles heb konstryna mes bolonjedhek, war-lergh bodh Duw; heb hwansa gwayn plos, mes yn tiwysyk;

Diskwedhyans 14:4

An re ma yw neb na veu mostys gans benynes, rag aga bos chast. An re ma yw neb a hol an Oen py le pynag yth ello. An re ma a veu prenys dhiworth mab-den, kynsa frut dhe Dhuw ha dhe'n Oen.

Diskwedhyans 21:22

Ha tempel ny welis ynni, rag bos an Arloedh Duw Ollgalloesek ha'n Oen hy thempel.

Diskwedhyans 21:23

Ha dhe'n sita nyns esa edhomm a'n howl nag a'n loer dhe splanna ynni, rag splannder Duw a's golowi, ha'n Oen yw hy lugarn.

Diskwedhyans 21:4

Hag ev a sygh pub dagrenn dhiworth aga dewlagas, ha ny vydh ankow namoy, na ny vydh keudh, nag oela, nag anken namoy, rag bos an kynsa taklow tremenys.’

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 4:11

‘Gwiw osta, agan Arloedh ha'gan Duw dhe dhegemmeres gordhyans hag enor ha galloes, rag ty a wrug pup-tra ha dre dha vodh yth esens i, hag y fons i gwrys.’

Diskwedhyans 5:6

Ha my a welas yn mysk an tron ha'n peswar kreatur bew, hag yn mysk an henavogyon, y sevi Oen kepar ha pan ve ledhys, gans seyth korn ha seyth lagas, yw seyth Spyrys Duw dannvenys yn-rag yn oll an norvys.