Diskwedhyans 7:14 - An Bibel Kernewek 20234 (Kernewek Kemmyn)

¹⁴ Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.

Diskwedhyans 7:14 Iomraidhean Croise

Job 11:16

Ty a ankev dha anken; ty a berth kov anodho kepar ha dowrow re dremenas.

Eksodus 37:3

Hag ev a deudhis rygdhi peder lagasenn a owr dh'y feder kornell, diw lagasenn dhe'n unn tu ha diw lagasenn dh'y thu arall.

Ysay 1:18

Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Daniel 11:35

Darn a'n re fur a drebuch, rag may fons prevys, purhes ha kannyes, bys yn prys an diwedh, rag hemm yw hwath rag an prysweyth ordenys.

Daniel 12:1

‘Ha dhe'n prys na y sev Mighal, an pryns meur neb a skoedh mebyon dha bobel; hag y fydh seson a ankres, a'n par na veu a-dhia dhalleth an genedhel bys y'n eur na. Mes y'n eur na y hwra dha bobel skapya, pub huni neb a vydh kevys skrifys y'n lyver.

Daniel 7:16

My a dheuth nes dhe onan esa ow sevel ena, ha govynn dhiworto an gwiryonedh a-dro dhe oll a hemma. Ev a gewsis orthiv, hag a wrug dhymm godhvos styr an kas:

Zekaria 13:1

Y'n jydh na y fydh fenten igerys dhe ji Davydh ha dhe drigoryon Yerusalem rag pegh ha mostedhes.

Matthew 24:21

Rag y'n prys na y fydh anken tynn, a'n par na hwarva a-dhia dhalleth an norvys bys y'n jydh hedhyw, na nevra ny vydh.

Mark 13:19

rag y'n dydhyow na y fydh anken dell na veu a dhalleth an kreasyon a wrug Duw y wruthyl, bys lemmyn, na nevra ny vydh.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Romanyon 5:3

Dres henna, ni a bost yn agan galarow, ow kodhvos galar dhe dhri perthyans,

1 Korinthianys 6:11

Hag yndella y fedha re ahanowgh hwi; mes golghys vewgh, sanshes vewgh, akwitys vewgh yn hanow an Arloedh Yesu Krist ha gans Spyrys agan Duw.

2 Thessalonianys 1:4

may hwren ni bostya ahanowgh yn eglosyow Duw, a'gas perthyans ha'gas fydh yn oll an helghyans ha'n galar a wodhevowgh.

Ebrowyon 13:12

Yndellma, Yesu a wodhevis yn-mes a'n yet rag sanshe tus der y woes.

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

1 Peder 1:19

mes gans goes drudh Krist kepar hag oen heb defowt ha heb namm.

1 Yowann 1:7

Mes mar kerdhyn y'n golewder dell usi ev y'n golewder, ni a'gan beus kowethyans an eyl gans y gila, ha goes Yesu Krist a'gan golgh a bub peghes.

Diskwedhyans 1:5

ha dhiworth Yesu Krist, an test len, an kynsa dineythys a'n re varow, ha rewler myghternedh an norvys. Dhe neb a'gan kar ha'gan delivras mes a'gan peghosow der y woes,

Diskwedhyans 12:11

Hag i a'n fethas dre woes an Oen ha dre er aga dustuni, ha ny garsons aga bewnans bys yn ankow.

Diskwedhyans 15:2

Ha my a welas kepar ha pan ve mor gwedrek kemmyskys gans tan: ha'n re a wrussa fetha an best ha'y imaj, ha niver y hanow, ow sevel war an mor gwedrek, ha gansa telynnow Duw.

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.

Diskwedhyans 2:9

‘My a aswonn dha wriansow ha'th halar ha'th voghosogneth (mes rych osta) ha my a aswonn blasfemi an re a lever aga bos Yedhewon, heb bos yndella, mes synaga Satnas yns i.

Diskwedhyans 22:14

Gwynn aga bys neb a wolgh aga dillas may fo dhedha gwir dhe'n wydhenn a vewnans, ha mayth ellens a-ji dhe'n sita der an yetys.

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;