Diskwedhyans 7:12 - An Bibel Kernewek 20234 (Kernewek Kemmyn)

¹² ow leverel, ‘Amen. Bennath, ha gordhyans, ha furneth, ha grasyans, hag enor, ha nerth, ha galloes re bo dh'agan Duw trank heb worfenn. Amen.’

Diskwedhyans 7:12 Iomraidhean Croise

Nehemia 12:46

Rag yn dydhyow Davydh hag Asaf nans yw pell, yth esa chyf an ganoryon, hag yth esa kanow gormola ha grasyans dhe Dhuw.

Nehemia 12:8

Ha'n Levysi: Yeshua, Binnuy, Kadmiel, Sherebia, Yuda, ha Mattania neb, gans y vreder, o yn charj a ganow an gormola.

Salmow 100:4

Ewgh yn y borthow gans grasyans, hag yn y glosyow gans gormola. Godhvydhewgh gras dhodho, ha bennigewgh y hanow.

Salmow 106:48

Benniges re bo an Arloedh, Duw Ysrael, trank heb worfenn ha bys vykken ha bynnari. Ha leveres oll an bobel, ‘Amen.’ Gormelewgh an Arloedh.

Salmow 107:22

Ha gwrens i offrynna offrynnow grasyans, ha derivas y wriansow gans kanow lowena.

Salmow 116:17

My a offrynn dhis sakrifis a rasyans ha gelwel war hanow an Arloedh.

Salmow 147:7

Kenewgh dhe'n Arloedh gans grasyans; kenewgh gormola war an sowtri dh'agan Duw;

Salmow 41:13

Benniges re bo an Arloedh, Duw Ysrael, bys vykken ha bynnari. Amen, hag Amen.

Salmow 50:14

Offrynn grasyans dhe Dhuw, ha kollanw dha ambosow dhe'n Ughella.

Salmow 72:19

Ha benniges re bo y hanow gloryus bynitha, hag oll an nor a vydh lenwys a'y wolewder. Amen hag Amen.

Salmow 89:52

Benniges re bo an Arloedh bys vykken ha bynnari. Amen hag Amen.

Salmow 95:2

Deun ni a-dheragdho gans grasyans, ha gul tros heudhik dhodho gans salmow.

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Yona 2:9

Mes my, gans lev a rasyans, a wra sakrifis dhis; an pyth a ambosis my a gollenow. Selwyans yma dhe'n Arloedh.

Matthew 6:13

Ha na wra agan dri yn temptasyon, mes delirv ni dhiworth drog.

Romanyon 11:36

Rag anodho ha dredho ha dhodho yma pup-tra. Dhodho re bo gordhyans bys vykken!

1 Korinthianys 14:16

Poken mar pennigydh y'n spyrys, fatell yll nebonan usi ynter an re heb dyskans leverel ‘Amen’ dhe'th grasyans, pan na woer an pyth a leverydh?

2 Korinthianys 4:15

Rag pup-tra yw a-barth dhywgh hwi, may hwrello an gras, res yn hel dhe voy ha dhe voy a dus, gul grasyans dhe balshe, dhe wormola Duw.

Kolossianys 2:7

gwreydhys ha drehevys ynno, ha kennerthys y'n fydh dell dhys'sowgh, ow palshe yn grasyans.

Kolossianys 3:17

Ha pup-tra oll a wrewgh yn ger po yn gwrians, gwrewgh pup-tra yn hanow an Arloedh Yesu, ow krassa dhe Dhuw an Tas dredho ev.

Lyther Yud 1:25

dhe'n unn Duw agan Selwyas, dre Yesu Krist agan Arloedh, dhodho re bo gordhyans, meuredh, mestrynses, ha galloes kyns pub oes ha lemmyn ha bys vynnari. Amen.

Diskwedhyans 1:18

ha neb a vew; hag yth eth ha bos marow; hag otta, bew ov vy trank heb worfenn, hag y'm beus alhwedhow ankow hag ifarn.

Diskwedhyans 19:4

Ha'n peswar henavek warn ugens ha'n peswar kreatur bew a goedhas ha gordhya Duw owth esedha war an tron, ow leverel, ‘Amen, Alleluya!’