Diskwedhyans 7:1 - An Bibel Kernewek 20234 (Kernewek Kemmyn)

¹ Ha wosa hemma, my a welas peswar el ow sevel war an peswar korn a'n norvys, ow synsi peswar gwyns an norvys ma na hwyttha gwyns war an dor na war an mor, na war wydhenn vyth.

Diskwedhyans 7:1 Iomraidhean Croise

Ysay 11:12

Ev a dhrehav baner rag an kenedhlow ha kuntell divresow Ysrael, ha dri war-barth an re skattrys a Yuda dhiworth peswar korn an norvys.

Ysay 27:3

My, an Arloedh, a's gwith; prest my a wra hy dowrhe. My a's gwith mo ha myttin rag na's pystikko nagonan.

Ysay 27:8

Orth aga fellhe, orth aga divroa ty a strivyas gansa; gans y hwyth fers ev a's removas yn dydh gwyns an Est.

Yeremia 49:36

ha my a dhre war Elam an peswar gwyns a beswar korn nev; ha my a's skatter dhe oll an gwynsow ma, ha ny vydh kenedhel vyth dhedhi ma na dheu dhodho fowesigyon Elam.

Ezekiel 37:9

Ev a leveris dhymm, ‘Profoes dhe'n anall, gwra profoesa, A vab den, ha lavar dhe'n anall: Yndellma y lever an Arloedh Duw: Deus dhiworth an peswar gwyns, A anall, hag anella war an dus ledhys ma, may fons bew.’

Ezekiel 7:2

Ha ty, A vab den, yndellma y lever an Arloedh Duw dhe bow Ysrael: Diwedh! an diwedh a dheuth war beswar korn an tir.

Daniel 11:4

Ha kettell sev, y ruvaneth a vydh terrys ha rynnys dhe'n peswar gwyns a nev; ny vydh res dh'y dhiyskynnysi, na herwydh an galloes dredho may rewlyas ev, rag y ruvaneth a vydh diwreydhys, ha res dhe gen re.

Daniel 7:2

Daniel a leveris: My a welas y'm gwelesigeth y'n nos, hag ottena an peswar gwyns a nev ow kul freudh y'n mor bras;

Daniel 8:8

Ena an bogh a omvoghhas dres eghenn; mes kettell dheuth ha bos krev, an korn bras a veu terrys, hag yn y le y sevis peswar korn hewel, war-tu ha'n peswar gwyns a nev.

Yona 1:4

Mes an Arloedh a dheghesis gwyns bras war an mor, hag yth esa annawel vras y'n mor, may feu an gorhel yn peryll a vos terrys.

Zekaria 6:1

Arta my a dhrehevis ow dewlagas ha mires, hag awotta peswar charett a dheuth yn-mes dhiworth an bolgh yntra dew venydh, ha'n menydhyow a veu menydhyow a vrons!

Zekaria 6:5

An el a worthybis dhymm, ‘An re ma yw an peswar gwyns a nev esa ow mos yn-mes dhiworth aga savla a-rag Arloedh oll an norvys.

Matthew 24:31

hag ev a dhannvon y eledh gans son bras a hirgorn, hag i a guntell war-barth y bobel dhewisys, yn-mes a'n peswar gwyns dhiworth a'n eyl penn a'n nevow dh'y gila.

Mark 13:27

Hag ena ev a dhannvon an eledh ha kuntell war-barth y re dhewisys dhiworth an peswar gwyns, dhiworth penn pella an norvys bys yn penn pella an nevow.

Diskwedhyans 20:8

Hag ev a wra mos yn-mes dhe doella an kenedhlow usi yn peswar sorn an norvys, Gog ha Magog, rag aga huntell war-barth dhe'n gas; ha'ga niver yw kepar ha tewes an mor.

Diskwedhyans 6:6

Ha my a glewas kepar dell ve lev yn mysk an peswar kreatur bew ow leverel, ‘Kwart a waneth rag diner ha tri hwart a varlys rag diner, ha na wra pystiga an olew ha'n gwin.’

Diskwedhyans 7:3

ow leverel, ‘Na wrewgh pystiga an dor, na'n mor, na'n gwydh erna sellyn gwesyon agan Duw war aga thal.’

Diskwedhyans 8:7

Ha'n kynsa a hwythas hag y siwyas keser ha tan kemmyskys gans goes hag a veu tewlys dhe'n dor, ha'n tressa rann a'n norvys a veu leskys, ha'n tressa rann a'n gwydh a veu leskys hag oll an gwyrwels a veu leskys.

Diskwedhyans 9:14

ow leverel dhe'n hweghves el ha ganso an hirgorn, ‘Lows an peswar el yw kelmys war an avon veur Ewfrates.’

Diskwedhyans 9:4

Hag y feu erghys dhedha na bystikkens gwels an dor, na travyth gwer, na gwydhenn vyth, marnas an dus na yn unnsel na's teffo sel Duw war aga thal.