Diskwedhyans 6:8 - An Bibel Kernewek 20234 (Kernewek Kemmyn)

⁸ Ha my a welas, hag otta, margh glas; ha hanow neb o esedhys warnodho o Ankow, hag ifarn a siwyas ganso. Ha galloes a veu res dhedha war beswora rann an norvys dhe ladha gans kledha, ha gans divoetter, gans mernans ha gans bestes an norvys.

Diskwedhyans 6:8 Iomraidhean Croise

Lavarow Koth 5:5

Hy threys a dhiyskynn dhe ankow, ha'y hammow a led troha ifarn;

Ysay 25:8

Ev a gollenk ankow bys vykken. An Arloedh Duw a sygh an dagrow dhiworth pub fas; ha kemmeres mewl y bobel dhe-ves a-dhiwar oll an norvys, rag an Arloedh re gewsis.

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Yeremia 16:16

Otta, my a dhannvon war-lergh lies pyskador, yn-medh an Arloedh, hag i a wra aga hachya; hag a-wosa my a dhannvon lies helghor, hag i a's helgh a-dhiworth pub menydh ha pub bre, hag yn-mes a folsyow an kerrek.

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Yeremia 24:10

Ha my a dhannvon an kledha, divoetter, ha'n pla yntredhon, bys pan vydhons distruys yn tien a'n tir a res dhedha ha dh'aga thasow.

Yeremia 29:17

Yndellma y lever Arloedh an luyow: Otta, my a dhannvon warnedha an kledha, an divoetter, ha'n pla, ha'ga gul avel fygys pedrys na yll bos dybrys drefenn aga bos mar dhrog.

Yeremia 43:11

Ev a dheu ha gweskel pow Ejyp, ow ri dhe'n mernans an re yw destnys rag mernans, ha dhe gethneth an re yw destnys rag kethneth, ha dhe'n kledha an re yw destnys rag an kledha.

Ezekiel 29:5

My a'th as, tewlys y'n difeythtir, ty hag oll puskes dha avonyow. Ty a goedh war an gwel, ha ny vydhydh kuntellys nag ynkleudhys. My a'th re dhe vestes an gwel ha dhe ydhyn an nev rag boes.

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.

Hosea 13:14

My a's daspren dhiworth leuv ifarn; my a's delirv dhiworth ankow. Ple'mons dha blagys, A ankow? Ple'ma dha vros, A ifarn? Truedh a vydh kudhys dhiworth ow dewlagas.

Habakkuk 2:5

Rychys ynwedh yw fals, ny dhur an den goethus, neb re ledanhas y vryansenn avel ifarn, ha kepar hag ankow na yll bos gwalghys, mes ev a guntell a-dro dhodho oll an kenedhlow, hag assembla dhodho oll an poblow.

Zekaria 6:3

an tressa charett a'n jeva mergh gwynn, ha'n peswora a'n jeva mergh brithek; nerthek vons.

Matthew 11:23

Ha ty, Kapernaum, a vydhydh ughelhes bys yn nev? Ty a vydh iselhes bys yn ifarn. Rag mar pe gwrys yn Sodom an oberow galloesek a veu gwrys ynnos jy, hi a wrussa durya bys y'n jydh hedhyw.

Matthew 24:7

Rag kenedhel a sev erbynn kenedhel ha gwlaskor erbynn gwlaskor hag y hwyrvydh divoetter ha dorgrysyow yn divers tylleryow.

1 Korinthianys 15:55

‘A ankow, ple'ma dha drygh? A ankow, ple'ma dha vros?’

Diskwedhyans 1:18

ha neb a vew; hag yth eth ha bos marow; hag otta, bew ov vy trank heb worfenn, hag y'm beus alhwedhow ankow hag ifarn.

Diskwedhyans 12:4

Ha'y lost a skubas an tressa rann a'n ster a nev ha'ga thewlel dhe'n dor ha'n dhragon a sevis a-dherag an venyn a vedha ow tineythi, may teppra hy flogh kettell wrella hi y dhineythi.

Diskwedhyans 9:15

Hag y feu lowsys an peswar el re bia gwithys yn parys dhe'n eur ha'n jydh ha'n mis ha'n vlydhen, may latthens an tressa rann a vab-den.

Diskwedhyans 9:18

Der an tri fla ma y feu ledhys an tressa rann a vab-den der an tan ha'n mog ha'n loskven ow tos yn-mes a'ga ganow.