Diskwedhyans 6:4 - An Bibel Kernewek 20234 (Kernewek Kemmyn)

⁴ Ha margh arall eth yn-mes, onan rudh, ha grontys veu dhe neb o esedhys warnodho kemmeres kres yn-mes a'n norvys, may latthens i an eyl y gila, ha kledha meur a veu res dhodho.

Diskwedhyans 6:4 Iomraidhean Croise

Salmow 17:13

Sav, A Arloedh, deus er y bynn, doro e dhe'n dor! Delirv ow enev dhiworth an tebelwas, dre dha gledha;

Daniel 5:19

ha drefenn an meuredh na hag a veu res dhodho, oll an poblow, kenedhlow ha tavosow a grena ha kavoes own a-ragdho. Neb a vynna, ev a ladha; ha neb a vynna, ev a synsi yn few; neb a vynna, ev a ughelhi; ha neb a vynna, ev a iselhi.

Zekaria 1:8

Y'n nos my a viras, hag otta gour ow marghogeth war vargh rudh, ow sevel yn mysk an myrtwydh yn kownans, hag a-dryv dhodho mergh rudh, gorm ha gwynn.

Zekaria 6:2

An kynsa charett a'n jeva mergh rudh, an nessa a'n jeva mergh du,

Matthew 10:34

‘Na dybewgh ow bos vy devedhys rag dannvon kres war an norvys; nyns ov devedhys rag dannvon kres saw kledha.

Matthew 24:6

Hwi a glewvydh a vreselyow ha son a vreselyow; gwaytyewgh na gemmerrowgh own, rag res yw henna dhe hwarvos, mes ny vydh hwath an diwedh.

Yowann 19:11

Yesu a worthybis, ‘Ny via dhis maystri warnav mar ny ve res dhis a wartha; rakhenna yma dhe neb a'm daskorras dhis an brassa pegh.’

Diskwedhyans 12:3

Ha ken tokyn a veu gwelys yn nev, hag otta, dragon rudh meur gans seyth penn ha deg korn ha seyth diadem war hy fennow.

Diskwedhyans 13:10

Neb a ello yn kethneth, yn kethneth yth a: neb a vo ledhys gans kledha, gans kledha y fydh ledhys. Ottomma perthyans ha fydh an syns.

Diskwedhyans 17:3

Hag ev a'm dug a-bervedh yn difeyth y'n spyrys, ha my a welas benyn esedhys war best rudh, leun a henwyn blasfemus, gans seyth penn ha deg korn.

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.