Diskwedhyans 6:14 - An Bibel Kernewek 20234 (Kernewek Kemmyn)

¹⁴ Ha'n nev eth dhe-ves kepar ha rol-skrifa ow pos rolys war-barth, ha pub menydh hag ynys a veu removyes yn-mes a'y le.

Diskwedhyans 6:14 Iomraidhean Croise

Salmow 102:26

I a dhe goll, mes ty a sev; i a gothha avel kweth. Avel dillas ty a's treyl hag i a dremen;

Ysay 34:4

Oll lu nev a wra pedri, ha'n ebron a vydh rolys avel rol-skrifa; oll aga lu a wedher dell wedher delenn dhiworth gwinbrenn, dell wedher figys dhiworth figbrenn.

Ysay 54:10

Rag kyn fo an menydhyow removyes, ha'n breow kemmerys dhe-ves, ny vydh ow thregeredh removyes dhiworthis, na ny vydh ow hevambos a gres kemmerys dhe-ves, yn-medh an Arloedh, neb a gemmer truedh ahanas.

Yeremia 3:23

Yn hwir euver yw toell an breow, ha tervans an menydhyow: yn hwir y'n Arloedh agan Duw yma selwyans Ysrael.

Yeremia 51:25

Otta, yth esov er dha bynn, A venydh a dhistruyans, yn-medh an Arloedh, a dhistru oll an nor; my a ystynn ow leuv er dha bynn ha dha dhraylya dhe'n leur a'n klegeryow, ha gul dhis bos menydh leskys.

Ezekiel 38:20

Puskes an mor, ydhyn an nev, bestes an gwel, pub kreatur a slynk war an dor, hag oll an dus usi war enep an tir, a gren a-ragov, ha'n menydhyow a vydh tewlys dhe'n dor, ha'n alsyow a goedh, ha pub fos a goedh dhe'n leur.

Nahum 1:5

An menydhyow a dhegren a-ragdho, ha'n bronnow a deudh: an dor yw difeythys a-ragdho, an norvys ha myns eus trigys ynno.

Habakkuk 3:10

An menydhyow a'th welas hag i a grenas; liv a dhowrow a dremenas; an islonk a dhellos y lev ha drehevel y dhiwleuv yn-bann.

Habakkuk 3:6

Ev re sevis ha musura an norvys, ev re welas an kenedhlow, ha gul dhedha lemmel; brewys veu an menydhyow heb diwedh, omblegya a wrug an breow a bes vynitha: dhodho yw an fordhow a bes vynitha.

2 Peder 3:10

Mes dydh an Arloedh a dheu kepar ha lader, hag ynno an nevow a wra tremena gans tros ughel hwyflyn, ha'n elvennow ow leski a vydh teudhys, ha'n norvys ha'n gwriansow usi ynno a vydh diskudhys.

Diskwedhyans 16:20

Ha pub ynys a fias, ha ny veu kevys an menydhyow.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Diskwedhyans 21:1

Ha my a welas nev nowydh ha nor nowydh: rag an kynsa nev ha'n kynsa nor re dremensa dhe-ves, ha nyns esa mor namoy.