Diskwedhyans 6:13 - An Bibel Kernewek 20234 (Kernewek Kemmyn)

¹³ Ha ster an nev a goedhas bys y'n dor, kepar dell dewl figbrenn y figys kriv pan yw shakys gans gwyns bras.

Diskwedhyans 6:13 Iomraidhean Croise

Job 15:33

Ev a vydh avel gwinbrenn a shak dhe-ves y rappys anadhves, kepar hag olewbrenn a dewl dhe-ves y vleujyow.

Ysay 13:10

Rag ster an nevow ha'ga Orionow ny rons aga golow. An howl a vydh tewl pan dhrehav, ha'n loer ny wra dh'y loergann splanna.

Ysay 33:9

An tir a gyn ha gwedhra; Lebanon a gemmer meth ha pedri; Sharon yw avel gwylvos, ha Bashan ha Karmel a shak aga del dhe-ves.

Ysay 34:4

Oll lu nev a wra pedri, ha'n ebron a vydh rolys avel rol-skrifa; oll aga lu a wedher dell wedher delenn dhiworth gwinbrenn, dell wedher figys dhiworth figbrenn.

Ysay 7:2

Y feu derivys dhe ji Davydh, ow leverel, ‘Aram yw keffrysyas Efraym’; ha'y golonn ha kolonn y bobel a grenas kepar dell gren gwydh an koes a-rag an gwyns.

Ezekiel 32:7

Pan y'th tifeudhav, my a gudh an nevow ha tewlhe aga ster; my a gudh an howl gans kommolenn, ha ny re an loer hy golow.

Daniel 4:14

Ev a armas yn fen, ow leverel, “Hakkyewgh an wydhenn dhe'n leur, ha treghewgh hy skorrow dhe-ves; kryghyllewgh hy delyow kwit ha skoellewgh hy frut; fies an bestes a-dhanno, ha'n ydhyn mes a'y skorrow.

Daniel 8:10

Bys yn lu an nev y tevis, hag a wrug dhe dharn an lu, ha dhe dharn an ster koedha dhe'n dor, hag ev a stankyas warnedha.

Yoel 2:31

An howl a vydh treylys dhe dewlder, ha'n loer dhe woes, kyns dos dydh an Arloedh, bras hag euthyk.

Nahum 3:12

Dha geryow oll a vydh avel figbrennyer gans aga figys kynsa adhves; mars yns i shakys, i a goedh a-berth yn ganow neb a vynn aga dybri.

Matthew 24:29

‘A-dhihwans war-lergh galar an dydhyow na an howl a vydh tewlhes, ha'n loer ny re hy golow, an ster a goedh war-nans a'n nev, ha nerthow an nevow a vydh kryghyllys.

Mark 13:25

ha'n ster a vydh ow koedha a'n nevow, ha'n nerthow usi y'n nevow a vydh kryghyllys.

Luk 21:25

‘Hag y fydh toknys y'n howl ha'n loer ha'n ster, ha war an nor angoes dhe'n kenedhlow, fienasow drefenn tarenna an mor ha'n tonnow.

Diskwedhyans 9:1

Ha'n pympes el a hwythas, ha my a welas sterenn koedhys dhiworth an nev bys y'n nor: hag alhwedh shafta an pytt diwoeles a veu res dhodho.