Diskwedhyans 6:11 - An Bibel Kernewek 20234 (Kernewek Kemmyn)

¹¹ Ha pows wynn a veu res dhe bubonan anedha, hag y feu leverys dhedha i dhe bowes a dermyn berr moy, bys may fe kowlwrys ynwedh niver aga heswesyon ha'ga breder a vedha ledhys kepar dell vons i ledhys kekeffrys.

Diskwedhyans 6:11 Iomraidhean Croise

Daniel 12:13

Ha ty, ke bys y'n diwedh, hag y hwredh powes, ha degemmeres dha rann orth diwedh an dydhyow.’

Matthew 10:21

Broder a dhaskorr broder dhe'n mernans ha'n tas y flogh, ha fleghes a sev erbynn kerens ha gul dhedha bos ledhys.

Luk 15:22

Mes y das a erghis dh'y gethwesyon, “Drewgh uskis an gwella pows ha'y gorra warnodho, ha rewgh bysow war y leuv hag eskisyow war y dreys.

Yowann 16:2

I a wra agas emskemuna a'n synaga; mes an eur a dheu pan dyb peub a wra agas ladha, ev dhe brofya gordhyans dhe Dhuw.

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

2 Thessalonianys 1:7

ha ri powes genen ni dhywgh hwi yw duwenhes, orth diskwedhyans an Arloedh Yesu dhiworth nev gans y eledh nerthek,

2 Timothi 4:7

My re strivyas an strivyans da ha kowlwul an resegva. My re withas an fydh.

Ebrowyon 11:40

drefenn Duw dhe ragweles tenkys gwell ragon, na vedhens gwrys perfydh hebon ni.

Ebrowyon 12:23

ha dhe eglos an re gynsa-genys omrolys yn nev, ha dhe Dhuw, an breusydh a bup-tra, ha dhe spyrysyon tus ewnhynsek gwrys perfydh,

Ebrowyon 4:10

rag piwpynag a dheffo a-ji dhe bowesva Duw, henna a hedh a'y oberow, dell wrug Duw a'y oberow ev.

Diskwedhyans 10:6

ha lia re neb a vew trank heb worfenn, a wrug gul an nev, ha'n taklow usi ynno, ha'n dor ha'n taklow usi ynno, ha'n mor ha'n taklow usi ynno, ‘Na vedha lett namoy;

Diskwedhyans 13:15

Hag y feu grontys dhodho dhe ri bewnans dhe imaj an best may kowssa imaj an best, ha may hwrella, kemmys na vynnens gordhya imaj an best dhe vos ledhys.

Diskwedhyans 14:13

Ha my a glewas lev dhiworth nev ow leverel, ‘Skrif: Gwynnvys an re varow a verow y'n Arloedh alemma rag.’ ‘Ya’, yn-medh an Spyrys, ‘may hallons i powes a'ga lavur, rag yma aga oberow orth aga siwya.’

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;