Diskwedhyans 6:10 - An Bibel Kernewek 20234 (Kernewek Kemmyn)

¹⁰ Hag i a armas, ughel aga lev, ow leverel, ‘Pygemmys prys, A Arloedh sans ha gwir, na vreusydh na diella agan goes war an re a drig war an norvys?’

Diskwedhyans 6:10 Iomraidhean Croise

Jenesis 4:10

Hag ev a leveris, ‘Pandr'a wruss'ta? Yma lev goes dha vroder ow karma warnav dhiworth an dor.

Salmow 119:84

Py lies yw dydhyow dha was? P'eur hwredh jy breus erbynn an re a wra ow helghya?

Salmow 13:1

Pygemmys prys A Arloedh? A wredh ow ankevi bynitha? Pygemmys prys y kudhydh dha fas dhiworthiv?

Salmow 35:17

Arloedh, pygemmys prys y firydh? Delirv ow enev dhiworth an re a us, ow bewnans dhiworth an lewyon.

Salmow 79:10

Prag y lever an kenedhlow, ‘Ple'ma aga Duw?’ Bedhes diskwedhys dhe'n kenedhlow yn agan golok ni dial rag an goes skoellys a'th wesyon.

Salmow 9:12

Rag neb a wovynn goes yn dial a berth kov anedha; ny ankev garm an voghosogyon.

Ysay 61:2

dhe dhisklerya blydhen favour an Arloedh, ha dydh dial agan Duw; dhe gonfortya oll kynoryon;

Kynvannow 3:64

Attal dhedha aga gwrians A Arloedh herwydh ober aga diwleuv.

Daniel 12:6

Ha leverys veu dhe'n gour gwiskys yn lien esa a-ugh dowrow an avon, ‘Pes termyn y fydh bys diwedh an anethow ma?’

Daniel 8:13

Ha my a glewas unn sans ow kewsel; ha sans arall a leveris dhodho ev neb a gewsi, ‘Dre bes termyn y fydh an welesigeth a-dro dhe'n offrynn pub-dydhyek, ha'n treuspass a dhifeythyans, hag omrians an tyller sans ha'n lu dhe vos stankys yn-dann dreys?’

Zekaria 1:12

Hag el a'n Arloedh a worthybis, ‘Arloedh an luyow, pes termyn ny gemmerydh truedh a Yerusalem hag a sitys Yuda, may serrsys orta an deg blydhen ha tri-ugens ma?’

Luk 2:29

‘Lemmyn, ty a as dha was dhe omdenna, A Arloedh, herwydh dha er yn kres;

Luk 21:22

rag hemm yw dydhyow a gessydhyans, pan vydh kowlwrys pup-tra a veu skrifys.

Romanyon 12:19

Na omdhialewgh, hwi garadowyon, mes rewgh le dhe gonnar Duw; rag skrifys yw, ‘Dial yw dhymm, my a attal’, yn-medh an Arloedh.

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

Diskwedhyans 11:18

Ha'n kenedhlow o serrys, ha'th sorr yw devedhys, ha'n termyn dhe vreusi an re varow, ha dhe ri gober dhe'th wesyon an brofoesi ha dhe'n syns ha dhe'n re a berth own a'th hanow, dhe'n re vyghan ha'n re veur ha dhe dhiswul an re a dhiswra an dor.’

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 18:24

Hag ynni hi y feu kevys goes profoesi ha syns, hag oll an re a veu ledhys war an nor.’

Diskwedhyans 19:2

rag gwir hag ewn yw y vreusow; rag ev re vreusis an hora vras a legris an nor gans hy fornikasyon, hag ev re dhiallas goes y wesyon warnedhi.’

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger:

Breusysi 16:28

Ena Samson a elwis dhe'n Arloedh ha leverel, ‘Arloedh Duw porth kov ahanav ha'm krevhe unnweyth an prys ma, a Dhuw, rag may tylliv dial yn unn lamm war an Filistysi rag ow dewlagas.’

1 Samuel 24:12

Re vreusso an Arloedh yntra my ha ty. Re dallo an Arloedh dial ragov warnas; mes ny vydh ow leuv er dha bynn.