Diskwedhyans 4:7 - An Bibel Kernewek 20234 (Kernewek Kemmyn)

⁷ Ha'n kynsa kreatur bew yw kepar ha lew, ha'n nessa kreatur bew kepar ha leugh, ha'n tressa kreatur bew gans fas den, ha'n peswora kreatur bew kepar hag er ow nija.

Diskwedhyans 4:7 Iomraidhean Croise

Jenesis 49:9

Kolen lew yw Yuda. Dhiworth an preydh, ow mab, ty res eth yn-bann. Ev a blattyas, ev a wrowedhas kepar ha lew, ha kepar ha lewes; piw a wra dhodho sevel?

2 Samuel 1:23

Sowl ha Yonathan, yn aga bewnans meurgerys ha jentyl, hag yn mernans nyns ens rynnys; skaffa es eryon ens, kreffa es lewyon ens.

Lavarow Koth 28:2

Pan wra gwlaskor rebellya yma dhedhi lies rewler; mes gans rewler poellek, adhyskys, faster an wlaskor a bes.

Ysay 40:31

mes an re a worta an Arloedh a nowydhha aga nerth. I a yskynn gans eskelli avel eryon; i a boen heb bos skwith, i a gerdh heb klamdera.

Ezekiel 1:10

Hevelep fasow aga feswar o fas den ha fas lew a-dhyghow, ha fas ojyon a-gledh; ha'ga feswar a's tevo fas er;

Ezekiel 1:8

Yth esa diwla den yn-dann aga eskelli war aga feswar tenewen. An fasow ha'n eskelli anedha aga feswar o yndella:

Ezekiel 10:14

Yth esa peswar fas dhe bubonan: an kynsa fas o fas an cherub, ha'n nessa fas o fas den, ha'n tressa o fas lew, ha'n peswora o fas er.

Ezekiel 10:21

Pubonan a'n peswar a's tevo peswar fas ha peder askell, ha hevelep diwla den o yn-dann aga eskelli.

Daniel 7:4

An kynsa o kepar ha lew, hag a'n jevo eskelli er. Ha my ow mires, y dhiwaskell a veu dibluvys, hag y feu sevys dhiwar an dor ha gorrys dhe sevel war y dhewdroes avel den; ha kolonn den a veu res dhodho.

Obadia 1:4

Kyn nijydh ughel kepar ha'n er, ha kyn settydh dha neyth yn mysk an ster, my a'th tre yn-nans alena, yn-medh an Arloedh.

Niverow 23:24

Awotta pobel a sev avel lewes, hag a omdhrehav avel lew; ny wrowedh bys pan dhevor an preydh, hag eva goes an re ledhys.’

Niverow 24:9

Ev a blattyas, ev a wrowedhas avel lew, hag avel lewes; piw a'n gwra dhe dhifuna? Benniges re bo pubonan a'th vennik, ha milliges re bo pubonan a'th villik.’

1 Korinthianys 14:20

Breder, na vedhewgh fleghes yn agas tybyans, mes bedhewgh babanes yn droktra, hag yn tybyans bedhewgh adhves.

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,

Diskwedhyans 4:6

hag a-dherag an tron yma mor gwedrek, haval dhe wrys. Hag yn mysk an tron, hag a-dro dhe'n tron peswar kreatur bew leun a lagasow a-rag hag a-dhelergh.

Diskwedhyans 6:3

Ha pan igoras an nessa sel, my a glewas an nessa kreatur bew ow leverel, ‘Deus.’

Diskwedhyans 6:5

Ha pan igoras an tressa sel, my a glewas an tressa kreatur bew ow leverel, ‘Deus.’ Ha my a welas hag otta, margh du, ha neb o esedhys warnodho ow synsi mantol yn y dhorn.

Diskwedhyans 6:7

Ha pan igoras an peswora sel my a glewas lev an peswora kreatur bew ow leverel, ‘Deus.’