Diskwedhyans 4:4 - An Bibel Kernewek 20234 (Kernewek Kemmyn)

⁴ Hag a-dro dhe'n tron yth esa peswar tron warn ugens; ha war an tronys y hwelis peswar henavek warn ugens owth esedha, gwiskys yn dillas gwynn, ha war aga fenn kurun owrek.

Diskwedhyans 4:4 Iomraidhean Croise

Ester 8:15

Ena Mordekay eth yn-mes dhiworth golok an myghtern, yn gwisk ryel, glas ha gwynn y liw, ha dhodho kurun vras a owr ha goen a lien fin ha purpur: ha'n sita Shushan a arma hag a lowenhi.

Salmow 21:3

Rag ty a a-dheragdho gans bennathow dader; ty a worr kurun a owr fin war y benn.

Matthew 19:28

Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael.

Luk 22:30

may typprowgh hag eva orth ow moes y'm gwlaskor, hag esedha war dronyow, ow preusi dewdhek loeth Ysrael.’

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Diskwedhyans 11:16

Ha'n peswar henavek warn ugens o esedhys war aga thronys, a goedhas war aga fas ha gordhya Duw,

Diskwedhyans 14:3

Hag i a ganas kan nowydh a-dherag an tron hag a-dherag an peswar kreatur bew ha'n henavogyon, ha denvyth ny ylli dyski an gan marnas an kans peswar ha dew-ugens mil re beu prenys dhiworth an norvys.

Diskwedhyans 19:14

Ha'n luyow esa yn nev a'n siwyas war vergh gwynn, gwiskys yn sendal, gwynn ha glan.

Diskwedhyans 19:4

Ha'n peswar henavek warn ugens ha'n peswar kreatur bew a goedhas ha gordhya Duw owth esedha war an tron, ow leverel, ‘Amen, Alleluya!’

Diskwedhyans 2:10

Na borth own a nagonan a'n taklow na a wredh godhav. Otta, an jowl a wra tewlel re ahanowgh yn prison may fewgh prevys, ha galar a'gas bydh deg dydh. Bydh len bys yn ankow, ha kurun bewnans dhiso a rov.

Diskwedhyans 20:4

Ha my a welas tronys, hag yth esa owth esedha warnedha an re a veu grontys breus dhedha; ha my a welas an enevow a neb re bia dibennys rag dustuni Yesu, ha rag ger Duw, na wrussa gordhya an best, na'y imaj, ha na wrussa degemmeres an merk war aga thal na'ga diwla, hag i a vewas ha reynya gans Krist mil vlydhen.

Diskwedhyans 3:18

My a'th kusul a brena owr prevys y'n tan dhiworthiv may fi rych, ha dillas gwynn may fi gwiskys ha na omdhiskwettho an meth a'th noethedh, ha prena eli rag ura dha dhewlagas may hylli gweles.

Diskwedhyans 4:10

an peswar henavek warn ugens a wra koedha dhe'n dor a-dherag neb yw esedhys war an tron, hag omblegya dhe neb a vew trank heb worfenn, ha tewlel aga hurunyow a-dherag an tron, ow leverel,

Diskwedhyans 4:6

hag a-dherag an tron yma mor gwedrek, haval dhe wrys. Hag yn mysk an tron, hag a-dro dhe'n tron peswar kreatur bew leun a lagasow a-rag hag a-dhelergh.

Diskwedhyans 5:11

Ha my a viras, ha klewes lev lies el a-dro dhe'n tron, ha'n kreaturs bew ha'n henavogyon; ha'n niver anedha o deg milweyth deg mil, ha milyow a vilyow,

Diskwedhyans 5:14

Hag yn-medh an peswar kreatur bew, ‘Amen.’ Ha'n peswar henavek warn ugens a goedhas dhe'n dor ha gordhya.

Diskwedhyans 5:6

Ha my a welas yn mysk an tron ha'n peswar kreatur bew, hag yn mysk an henavogyon, y sevi Oen kepar ha pan ve ledhys, gans seyth korn ha seyth lagas, yw seyth Spyrys Duw dannvenys yn-rag yn oll an norvys.

Diskwedhyans 5:8

Ha pan gemmeras an rol, an peswar kreatur bew, ha'n peswar henavek warn ugens a goedhas dhe'n dor a-dherag an Oen, pubonan gans telynn ha fiolyow owrek leun a ynkys, yw pysadow an syns.

Diskwedhyans 6:11

Ha pows wynn a veu res dhe bubonan anedha, hag y feu leverys dhedha i dhe bowes a dermyn berr moy, bys may fe kowlwrys ynwedh niver aga heswesyon ha'ga breder a vedha ledhys kepar dell vons i ledhys kekeffrys.

Diskwedhyans 7:11

Hag oll an eledh a sevis a-dro dhe'n tron, hag a-dro dhe'n henavogyon ha'n peswar kreatur bew, hag i a goedhas a-dherag an tron war aga fasow ha gordhya Duw,

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;

Diskwedhyans 9:7

Ha semlans an lokustes o kepar ha mergh parys dhe gas, hag yth esa semlans kurunyow owrek war aga fennow, ha'ga fas o haval dhe fas den,