Diskwedhyans 4:10 - An Bibel Kernewek 20234 (Kernewek Kemmyn)

¹⁰ an peswar henavek warn ugens a wra koedha dhe'n dor a-dherag neb yw esedhys war an tron, hag omblegya dhe neb a vew trank heb worfenn, ha tewlel aga hurunyow a-dherag an tron, ow leverel,

Diskwedhyans 4:10 Iomraidhean Croise

1 Kroniklys 29:20

Ena Davydh a leveris dhe oll an kuntelles, ‘Bennigewgh an Arloedh agas Duw.’ Hag oll an kuntelles a wormolas an Arloedh, Duw aga thasow, hag omblegya, ow plegya dhe'n dor a-rag Arloedh ha'n myghtern.

2 Kroniklys 7:3

Pan welas oll mebyon Ysrael an tan ow tiyskynna ha glori an Arloedh war an tempel, i a omblegyas war an leur ha'ga fas dhe'n dor, hag a wordhyas hag a ros grasow dhe'n Arloedh ow leverel, ‘Rag ev yw da, rag y dregeredh a dhur bys vykken.’

Job 1:20

Ena Job a sevis ha skwardya y bows, ha treghi gols y benn ha koedha war an dor ha gordhya.

Salmow 115:1

Na ro dhyn ni, A Arloedh, na ro dhyn ni an gordhyans, mes dhe'th hanow jy, a-barth dha dregeredh ha'th wiryonedh.

Salmow 47:8

Reynya a wra Duw war an kenedhlow; Duw yw esedhys war dron y sansoleth.

Salmow 72:11

Re omblekko myghternedh oll a-dheragdho; hag oll an kenedhlow bos y sojets.

Salmow 95:6

Deun, gordhyen hag omblegya, gwren ni mos war benn-dewlin a-rag an Arloedh agan Gwrier.

Ysay 6:1

Y'n vlydhen may ferwis myghtern Uzzia, my a welas an Arloedh esedhys yn se, ughel ha drehevys, ha lostennow y bows a lenwis an tempel.

Daniel 12:7

Hag y klewis an gour gwiskys yn lien esa a-ugh dowrow an avon; ev a dhrehevis y dhorn dhyghow ha'y dhorn gledh war-tu ha'n nevow, hag ev a dos ti re Dhuw a vew bys vykken: ‘Wosa oes, dew oes ha hanter oes, pan vydh kowlwrys shyndyans nerth an bobel sans, oll an taklow ma a vydh kewerys.’

Daniel 4:34

Orth diwedh an dydhyow, my, Nebukadnessar, a dhrehevis ow dewlagas dhe nev, ha'm skians a dheuth arta dhymm. My a vennigas an Ughella, ha gul gormel ha gologhas dhe'n neb a vew bys vykken. Rag y vestrynses yw mestrynses a bes vynitha, ha'y wlaskor a dhur a henedh dhe henedh;

Matthew 2:11

Ha devedhys y'n chi i a welas an flogh gans Maria y vamm, hag i a goedhas dhe'n dor ha'y wordhya; hag owth igeri aga thresoryow, i a brofyas rohow dhodho, owr ha frankynkys ha myrr.

Luk 24:52

Hag i a'n wordhyas, hag ena dehweles dhe Yerusalem gans lowena veur;

1 Korinthianys 15:10

mes dre ras Duw yth ov vy an pyth hag yth ov, ha nyns o euver y ras orthiv. Yn kontrari, my a lavuryas yn kreffa agessa oll, kyn nag o my, mes gras Duw usi genev.

Dewteronomi 32:40

Rag my a dhrehav ow leuv dhe nev, ha leverel: Dell vewav bynitha,

Diskwedhyans 10:6

ha lia re neb a vew trank heb worfenn, a wrug gul an nev, ha'n taklow usi ynno, ha'n dor ha'n taklow usi ynno, ha'n mor ha'n taklow usi ynno, ‘Na vedha lett namoy;

Diskwedhyans 11:16

Ha'n peswar henavek warn ugens o esedhys war aga thronys, a goedhas war aga fas ha gordhya Duw,

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’

Diskwedhyans 15:7

Hag onan a'n peswar kreatur bew a ros dhe'n seyth el seyth fiol owrek lenwys a'n sorr a Dhuw, neb a vew trank heb worfenn.

Diskwedhyans 19:4

Ha'n peswar henavek warn ugens ha'n peswar kreatur bew a goedhas ha gordhya Duw owth esedha war an tron, ow leverel, ‘Amen, Alleluya!’

Diskwedhyans 4:2

Hag a-dhesempis, yth esen y'n spyrys, hag otta, tron esa gorrys y'n nev, hag onan owth esedha war an tron.

Diskwedhyans 4:4

Hag a-dro dhe'n tron yth esa peswar tron warn ugens; ha war an tronys y hwelis peswar henavek warn ugens owth esedha, gwiskys yn dillas gwynn, ha war aga fenn kurun owrek.

Diskwedhyans 4:9

Ha pan wra an kreaturs bew ri gordhyans hag enor ha grasow dhe neb yw esedhys war an tron, neb a vew trank heb worfenn,

Diskwedhyans 5:14

Hag yn-medh an peswar kreatur bew, ‘Amen.’ Ha'n peswar henavek warn ugens a goedhas dhe'n dor ha gordhya.

Diskwedhyans 5:8

Ha pan gemmeras an rol, an peswar kreatur bew, ha'n peswar henavek warn ugens a goedhas dhe'n dor a-dherag an Oen, pubonan gans telynn ha fiolyow owrek leun a ynkys, yw pysadow an syns.

Diskwedhyans 7:11

Hag oll an eledh a sevis a-dro dhe'n tron, hag a-dro dhe'n henavogyon ha'n peswar kreatur bew, hag i a goedhas a-dherag an tron war aga fasow ha gordhya Duw,