Diskwedhyans 3:3 - An Bibel Kernewek 20234 (Kernewek Kemmyn)

³ Kovha, ytho, fatell re wrussys degemmeres ha goslowes; ha syns fast, ha kemmer edrek. Mar ny vynn'ta difuna, dos a wrav kepar ha lader, ha ny wre'ta godhvos py eur tyffiv er dha bynn.

Diskwedhyans 3:3 Iomraidhean Croise

Ezekiel 20:43

Ena hwi a berth kov a'gas fordhow, hag oll agas drogoberow may fewgh defolys dredha; ha kasadow dhywgh agas honan a vydh oll agas drogoberow a wrussowgh.

Ezekiel 36:31

Ena hwi a berth kov a'gas drog fordhow ha'gas gweythresow na vons da; ha hwi a wra divlasa agas honan rag agas kammweythresow ha'gas gwriansow kasadow.

Matthew 25:13

Goelyewgh ytho, rag ny wodhowgh naneyl an jydh na'n eur may teu Mab an den.

Mark 13:33

Bedhewgh war, goelyewgh ha pysewgh; rag ny wodhowgh p'eur fydh an termyn.

Mark 13:36

rag own ev dhe dhos yn tromm ha'gas kavoes hwi ow koska.

1 Thessalonianys 5:2

rag hwi agas honan a woer yn kewar dydh an Arloedh dhe vos kepar ha lader yn nos.

1 Timothi 6:20

A Timothi, gwra gwitha an dra re beu res y'th charj, ow treylya dhiworth lavarow gwag hag ansans, ha tybyansow an eyl kontrari dh'y gila, yw henwys ‘Godhvos’ yn fals;

2 Timothi 1:13

Gwith an patron a lavarow yagh a glewsys dhiworthiv y'n fydh ha'n kerensa esa yn Krist Yesu.

Ebrowyon 2:1

Rakhenna y tegoedh dhyn koela dhe voy orth an traow yw klewys, ma nag ellen gans an liv.

2 Peder 1:13

My a dyb y vos gwiw, hedre viv y'n tylda ma, gul dhywgh difuna, orth agas kovhe,

2 Peder 3:1

Hemm yw an nessa lyther, lemmyn, a skrifav dhywgh, karadowyon, hag y'n dhew anedha my a dhifun agas brys lel yn unn govhe,

2 Peder 3:10

Mes dydh an Arloedh a dheu kepar ha lader, hag ynno an nevow a wra tremena gans tros ughel hwyflyn, ha'n elvennow ow leski a vydh teudhys, ha'n norvys ha'n gwriansow usi ynno a vydh diskudhys.

Diskwedhyans 16:15

(‘Otta, my a dheu kepar ha lader. Gwynnvys neb a woel ha gwitha y dhillas na gertho noeth, ha na wello tus y noethedh.’)

Diskwedhyans 2:25

Mes an pyth usi genowgh seulabrys synsewgh ev fast erna dhyffiv.

Diskwedhyans 2:5

Kovha, ytho, le may koedhsys anodho, ha kemmer edrek ha gwra an oberow dell wrussys kyns; poken dos dhiso yn skon a vynnav, ha gorra dha gantolbrenn mes a'y le, mar ny gemmerydh edrek.

Diskwedhyans 22:7

Otta, my a dheu yn skon: gwynnvys neb a with lavarow profoesans an rol-skrifa ma.’

Diskwedhyans 3:11

My a dheu yn skon; syns yn fast an pyth usi genes ma na gemmerro denvyth dha gurun.

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.

Diskwedhyans 3:2

Bydh difun, ha krevha an taklow yw gesys, yw parys dhe verwel, rag ny gevis dha wriansow kowlwrys a-dherag ow Duw.