Diskwedhyans 3:21 - An Bibel Kernewek 20234 (Kernewek Kemmyn)

²¹ Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.

Diskwedhyans 3:21 Iomraidhean Croise

Matthew 19:28

Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael.

Matthew 25:21

Yn-medh y vester dhodho, “Yn ta re wruss'ta, ty gethwas da ha lel, war nebes ty re beu lel, my a re dhis charj a lies tra. Ke dhejy a-bervedh yn lowena dha vester.”

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Luk 22:30

may typprowgh hag eva orth ow moes y'm gwlaskor, hag esedha war dronyow, ow preusi dewdhek loeth Ysrael.’

Yowann 13:32

Mars yw Duw glorifiys ynno, Duw ynwedh a'n glorifi ynno y honan, hag a'n glorifi a-dhistowgh.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

2 Timothi 2:12

Mar kwren ni durya, kesreynya ynwedh ganso a wren; mar skonyn, ev ynwedh a wra agan skonya ni.

Diskwedhyans 1:6

ha'gan gul gwlaskor, oferysi dhe Dhuw y Das; dhodho ev re bo gordhyans ha galloes trank heb worfenn. Amen.

Diskwedhyans 12:11

Hag i a'n fethas dre woes an Oen ha dre er aga dustuni, ha ny garsons aga bewnans bys yn ankow.

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’

Diskwedhyans 2:7

Neb a'n jeffo skovarn, klewes ev an pyth a lever an Spyrys dhe'n eglosyow. Dhodho ev a fettho, my a re dhe dhybri a'n wydhenn a vewnans usi yn mysk paradhis Duw.

Diskwedhyans 20:4

Ha my a welas tronys, hag yth esa owth esedha warnedha an re a veu grontys breus dhedha; ha my a welas an enevow a neb re bia dibennys rag dustuni Yesu, ha rag ger Duw, na wrussa gordhya an best, na'y imaj, ha na wrussa degemmeres an merk war aga thal na'ga diwla, hag i a vewas ha reynya gans Krist mil vlydhen.

Diskwedhyans 20:6

Gwynnvys ha sans yw neb a'n jeves rann y'n kynsa dasserghyans: an nessa mernans ny'n jeves galloes vydh warnedha, mes i a vydh oferysi Duw ha Krist, hag a wra reynya mil vlydhen ganso.

Diskwedhyans 5:10

ha ty a's gwrug gwlaskor hag oferysi dh'agan Duw, hag i a wra reynya war an norvys.’

Diskwedhyans 6:2

Ha my a welas, hag otta, margh gwynn, ha gwarak gans neb o esedhys warnodho, ha kurun a veu res dhodho, hag ev eth dhe-ves ow fetha ha dhe fetha.

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’