Diskwedhyans 22:17 - An Bibel Kernewek 20234 (Kernewek Kemmyn)

¹⁷ Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.

Diskwedhyans 22:17 Iomraidhean Croise

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Yowann 7:37

Y'n jydh diwettha, dydh meur an goel, Yesu a sevis ha kria, ow leverel, ‘Den mara'n jeves syghes, des ev dhymmo vy, hag eva.

Ysay 12:3

Hwi a denn dowr gans lowena dhiworth an fentynyow a selwyans.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Salmow 34:8

Gwrewgh tastya ha gweles an Arloedh dhe vos da; gwynnvys an den a hwila skovva ynno ev.

Ysay 2:5

Chi Yakob, dewgh, kerdhyn ni yn golow an Arloedh.

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 21:9

Hag onan a'n seyth el neb a's tevo an seyth fiol lenwys a'n seyth pla diwettha a dheuth dhymm ha kewsel orthiv ow leverel, ‘Deus, ha my a vynn diskwedhes dhis an venyn bries, gwreg an Oen.’

Diskwedhyans 21:2

Ha my a welas an sita sans, Yerusalem nowydh, ow tiyskynna yn-mes a nev dhiworth Duw, parys kepar ha benyn bries afinys rag hy gour.

Romanyon 3:24

justifiys yns gans y ras yn ro, der an daspren usi yn Krist Yesu,

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Diskwedhyans 22:16

‘My, Yesu, re dhannvonas ow el dhe dhustunia dhywgh an taklow ma rag an eglosyow. My yw gwreydhenn hag agh Davydh, an Vorlowenn splann.’

Diskwedhyans 2:7

Neb a'n jeffo skovarn, klewes ev an pyth a lever an Spyrys dhe'n eglosyow. Dhodho ev a fettho, my a re dhe dhybri a'n wydhenn a vewnans usi yn mysk paradhis Duw.

Yeremia 50:5

I a wovynn an fordh dhe Sion ha'ga fasow treylys war-tu hag ev, hag i a dheu ow leverel, ‘Dewgh ha glena agan honan dhe'n Arloedh gans kevambos bys vykken, na vydh ankevys.’

1 Korinthianys 2:12

Ha ny dhegemmersyn spyrys an bys mes an Spyrys usi dhiworth Duw, may konvetthyn an taklow res yn hel dhyn ni gans Duw.

Mika 4:2

Kenedhlow pals a dheu, ha leverel, ‘Dewgh, ha deun ni yn-bann dhe venydh an Arloedh, ha dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Yowann 4:29

‘Dewgh, gwelewgh den neb a leveris dhymm pup-tra re wrugavy; a nyns yw hemma an Krist?’

Ezekiel 47:1

Ena ev a'm dros arta dhe entrans an tempel; hag otta, yth esa dowr ow resek a-dhann dreudhow an tempel troha'n est (rag yth esa an tempel ow mires troha'n est); hag yth esa an dowr ow resek a-dhann denewen soth an tempel, a'n soth dhe'n alter.

Yowann 4:11

Yn-medh an venyn dhodho, ‘Syrra, nyns eus genes na hwath kelorn, ha'n puth yw down; ytho a-ble kevydh an dowr bew na?

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’

Diskwedhyans 14:13

Ha my a glewas lev dhiworth nev ow leverel, ‘Skrif: Gwynnvys an re varow a verow y'n Arloedh alemma rag.’ ‘Ya’, yn-medh an Spyrys, ‘may hallons i powes a'ga lavur, rag yma aga oberow orth aga siwya.’

Yowann 1:37

Ha'n dhew dhyskybel a'n klewas ow kewsel, hag i a holyas Yesu.