Diskwedhyans 21:6 - An Bibel Kernewek 20234 (Kernewek Kemmyn)

⁶ Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Diskwedhyans 21:6 Iomraidhean Croise

Salmow 36:9

Rag genes jy yma fenten bewnans; y'th wolow jy y hwelyn ni golow.

Ysay 12:3

Hwi a denn dowr gans lowena dhiworth an fentynyow a selwyans.

Yeremia 2:13

rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Hosea 14:4

My a wra aga sawya dhiworth aga dislelder, ha'ga hara heb ahwer, rag ow sorr re dreylyas anodho.

Yoel 3:18

Y'n jydh na an menydhyow a dhever gans sugen grappys, an breow a dhinwa leth resek a wra oll goverow Yuda gans dowr. Fenten a dheu yn-mes dhiworth chi an Arloedh ha dowra nans Shittim.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Yowann 4:11

Yn-medh an venyn dhodho, ‘Syrra, nyns eus genes na hwath kelorn, ha'n puth yw down; ytho a-ble kevydh an dowr bew na?

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Romanyon 3:24

justifiys yns gans y ras yn ro, der an daspren usi yn Krist Yesu,

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

1 Korinthianys 2:12

Ha ny dhegemmersyn spyrys an bys mes an Spyrys usi dhiworth Duw, may konvetthyn an taklow res yn hel dhyn ni gans Duw.

1 Korinthianys 3:12

Mar trehav nebonan, ytho, war an sel gans owr, arghans, meyn drudh, prenn, goera, kala,

1 Korinthianys 3:21

Ytho, nagonan na vostyes a-dro dhe dus. Pup-tra yw dhywgh hwi:

1 Korinthianys 3:5

Ytho, pyth yw Apollos? Pyth yw Powl? Gwesyon dredha may kryssowgh par dell ros an Arloedh dhe gettep onan.

Diskwedhyans 1:11

ow leverel, ‘An pyth a welydh skrif yn rol-skrifa, ha dannvon dhe'n seyth eglos, dhe Efesus, ha dhe Smyrna, ha dhe Pergamum, ha dhe Thyatira ha dhe Sardis, ha dhe Filadelfia, ha dhe Laodikea.’

Diskwedhyans 1:17

Ha pan y'n gwelis, my a goedhas orth y dreys kepar ha pan ven marow. Hag ev a worras y dhorn dhyghow warnav, ow leverel, ‘Na borth own. My yw an kynsa ha'n diwettha,

Diskwedhyans 1:8

‘My yw an Alfa ha'n Omega’, yn-medh an Arloedh Duw, neb yw, ha neb o, ha neb a dheu, an Ollgalloesek.

Diskwedhyans 10:6

ha lia re neb a vew trank heb worfenn, a wrug gul an nev, ha'n taklow usi ynno, ha'n dor ha'n taklow usi ynno, ha'n mor ha'n taklow usi ynno, ‘Na vedha lett namoy;

Diskwedhyans 16:17

Ha'n seythves a skoellyas y fiol war an ayr, ha lev ughel a dheuth yn-mes a'n tempel dhiworth an tron ow leverel, ‘Gwrys yw!’

Diskwedhyans 22:13

Alfa hag Omega ov vy, an kynsa ha'n diwettha, an dalleth ha'n diwedh.’

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.

Diskwedhyans 3:14

‘Ha dhe el a'n eglos yn Laodikea skrif: An taklow ma a lever an Amen, an test len ha gwir, dalleth kreasyon Duw:

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’