Diskwedhyans 20:8 - An Bibel Kernewek 20234 (Kernewek Kemmyn)

⁸ Hag ev a wra mos yn-mes dhe doella an kenedhlow usi yn peswar sorn an norvys, Gog ha Magog, rag aga huntell war-barth dhe'n gas; ha'ga niver yw kepar ha tewes an mor.

Diskwedhyans 20:8 Iomraidhean Croise

1 Myghternedh 4:20

Yuda hag Ysrael o diniver avel tewes an vorlann; i a dhybri hag eva ha lowen ens.

2 Kroniklys 18:21

Ev a worthybis, “Yth av yn-mes, ha my a vydh spyrys gowek yn ganow oll y brofoesi.” Ena an Arloedh a leveris, “Ty a'n dyn, ha ty a sewen; ke yn-rag ha'y wul.”

Ysay 10:22

Kyn fydh dha bobel Ysrael avel tewes an mor, unnsel remenant anedhi a dhehwel. Kollva yw erghys, ow fenna gans ewnder.

Yeremia 33:22

Dell na yllir nivera lu nev, na musura tewes an mor, yndellma my a ynkress has Davydh ow gwas, ha'n Levysi a venyster dhymm.

Ezekiel 38:1

Ger an Arloedh a dheuth dhymm, ow leverel:

Ezekiel 38:2

Mab den, sett dha fas erbynn Gog, tir Magog, chyf pennsevik Meshek ha Tubal, ha profoes er y bynn,

Ezekiel 39:1

Ha ty, A vab den, profoes erbynn Gog, ha lever, Yndellma y lever an Arloedh Duw: Otta, yth esov er dha bynn, A Gog, chyf pennsevik Meshek ha Tubal;

Ezekiel 39:6

My a dhannvon tan war Magog ha war an re trigys yn sawder y'n ynysow; i a woer my dhe vos an Arloedh.

Ezekiel 7:2

Ha ty, A vab den, yndellma y lever an Arloedh Duw dhe bow Ysrael: Diwedh! an diwedh a dheuth war beswar korn an tir.

Ebrowyon 11:12

Hag yndellma dhiworth unn den, hag ev kepar hag onan marow, y feu genys diyskynnysi avel ster an nev orth niver, ha diniver avel tewes an morrep.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 16:14

Rag yth yns i spyrysyon dywolow ow kul toknys hag a yn-rag dhe vyghternedh oll an bys rag aga huntell war-barth dhe gas an jydh bras na a Dhuw Ollgalloesek.

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.

Diskwedhyans 20:3

hag ev a's tewlys y'n pytt diwoeles hag a'n degeas, hag a worras sel warnodho, na doella an kenedhlow namoy bys pan vo an mil vlydhen kowlwrys. A-wosa y koedh dhodho bos delivrys berr dermyn.

Diskwedhyans 7:1

Ha wosa hemma, my a welas peswar el ow sevel war an peswar korn a'n norvys, ow synsi peswar gwyns an norvys ma na hwyttha gwyns war an dor na war an mor, na war wydhenn vyth.

Breusysi 7:12

An Midyanysi ha'n Amalekysi hag oll mebyon an est a wrowedha y'n nans avel hes a lokustes; ha'ga howrvergh o diniver, avel tewes an morrep.

1 Samuel 13:5

An Filistysi a omguntellas war-barth dhe vatalyas orth Ysrael, tri mil jarett, ha hwegh mil varghek, ha pobel kepar ha'n tewes usi war an morrep yn niver; hag i a dheuth yn-bann ha kampya yn Mikmash, a'n est dhe Beth-aven.