Diskwedhyans 20:11 - An Bibel Kernewek 20234 (Kernewek Kemmyn)

¹¹ Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Diskwedhyans 20:11 Iomraidhean Croise

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Job 9:6

Ev a shak an norvys yn-mes a'y le, ha'y golovenyow a gren.

Salmow 102:26

I a dhe goll, mes ty a sev; i a gothha avel kweth. Avel dillas ty a's treyl hag i a dremen;

Salmow 47:8

Reynya a wra Duw war an kenedhlow; Duw yw esedhys war dron y sansoleth.

Salmow 89:14

Ewnder ha gwirvreus yw sel dha se; tregeredh ha gwirder a a-dherag dha fas.

Salmow 97:2

Yma kommol ha tewlder a-dro dhodho; ewnder ha gwirvreus yw sel y se.

Ysay 6:1

Y'n vlydhen may ferwis myghtern Uzzia, my a welas an Arloedh esedhys yn se, ughel ha drehevys, ha lostennow y bows a lenwis an tempel.

Daniel 2:35

Ena an horn, an priweyth, an brons, an arghans, ha'n owr, oll war-barth, a veu terrys dhe demmyn, hag a dheuth ha bos kepar hag us leuryow-drushya an hav, ha'n gwyns a's hwythas dhe-ves, ma na veu kevys ol vyth anedha. Mes an men hag a weskis an delow a dheuth ha bos menydh bras ha lenwel oll an norvys.

Daniel 7:10

Liv a dan a resa ha tardha dhiworto; milvil a'n servya, hag yth esa ow sevel dheragdho deg milweyth deg mil. An vreuslys a esedhas, ha'n lyvrow a veu igerys.

Matthew 11:22

Mes yn-medhav dhywgh, y fydh moy perthadow rag Tyr ha Sidon dydh breus es dell vydh ragowgh hwi.

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

2 Peder 3:7

Mes an nevow ha'n nor a'n termyn ma re beu gwithys der an keth ger rag tan, synsys bys dydh breus, ha diswrians an re dhidhuw.

Diskwedhyans 12:8

ha ny fethsons i; ha ny veu aga thyller kevys namoy yn nev.

Diskwedhyans 16:20

Ha pub ynys a fias, ha ny veu kevys an menydhyow.

Diskwedhyans 19:11

Ha my a welas nev igerys, hag otta, margh gwynn hag ev neb o esedhys warnodho o henwys Len ha Gwir, hag yn ewnder ev a vreus ha gwerrya.

Diskwedhyans 20:2

Hag ev a settyas dalghenn y'n dhragon, an sarf goth na, yw an Jowl ha Satnas, hag a's kolmas mil vlydhen;

Diskwedhyans 21:1

Ha my a welas nev nowydh ha nor nowydh: rag an kynsa nev ha'n kynsa nor re dremensa dhe-ves, ha nyns esa mor namoy.

Diskwedhyans 21:5

Ha neb esa owth esedha war an tron a leveris, ‘Otta, nowydh a wrav pup-tra oll.’ Hag ev a leveris dhymm, ‘Skrif, rag len ha gwir yw an geryow ma.’

Diskwedhyans 4:2

Hag a-dhesempis, yth esen y'n spyrys, hag otta, tron esa gorrys y'n nev, hag onan owth esedha war an tron.

Diskwedhyans 6:14

Ha'n nev eth dhe-ves kepar ha rol-skrifa ow pos rolys war-barth, ha pub menydh hag ynys a veu removyes yn-mes a'y le.