Diskwedhyans 2:7 - An Bibel Kernewek 20234 (Kernewek Kemmyn)

⁷ Neb a'n jeffo skovarn, klewes ev an pyth a lever an Spyrys dhe'n eglosyow. Dhodho ev a fettho, my a re dhe dhybri a'n wydhenn a vewnans usi yn mysk paradhis Duw.

Diskwedhyans 2:7 Iomraidhean Croise

Jenesis 2:9

Ha'n Arloedh Duw a wrug dhe devi mes a'n dor pub gwydhenn a vo teg dhe weles ha da rag boes, an wydhenn a vewnans ynwedh yn kres an lowarth, ha'n wydhenn a wodhvos da ha drog.

Lavarow Koth 11:30

Froeth an den gwiryon yw gwydhenn a vewnans, mes neb a wayn enevow yw fur.

Lavarow Koth 13:12

Govenek delatys a wra dhe'n golonn bos klav, mes hwans kowlwrys yw gwydhenn a vewnans.

Lavarow Koth 15:4

Taves medhel yw gwydhenn a vewnans, mes kammder ynno a derr an spyrys.

Lavarow Koth 3:18

Gwydhenn a vewnans yw hi dhe'n re a's syns, ha gwynn y vys neb a's dalghenn fast.

Ezekiel 28:13

Yth eses yn Eden, lowarth Duw; pub men drudh o dha gudhans, rubi, topaz, ha gwyrven, owrven, onyks, ha yasper, saffir, garnet, ha beryl. Ober a owr o dha settyansow ha'th gravyansow ynnos; y'n jydh may feus formys y fons parys.

Ezekiel 31:8

An kederwydh yn lowarth Duw nyns ens hy far, nyns o sybwydh haval dh'y skorrennow; nyns o meryw kepar ha'y barrennow; nyns o gwydhenn vytholl y'n lowarth Duw haval dhedhi yn hy thekter.

Matthew 11:15

Neb a'n jeves diwskovarn rag klewes, ev klewes.

Matthew 13:43

Ena y terlenter an re wiryon avel an howl yn gwlaskor aga Thas. Neb a'n jeves diwskovarn, ev klewes.

Matthew 13:9

Neb a'n jeves diwskovarn, ev klewes.’

Mark 4:9

Hag yn-medh ev, ‘Neb a'n jeva diwskovarn rag klewes, ev klewes.’

Mark 7:15

Nyns eus tra a'n tu a-ves dhe dhen, owth entra dhodho, a yll y dhefola, mes yth yw an taklow a dheu yn-mes anodho hag a wra defola an den.

Mark 7:16

Seul a'n jeffo diwskovarn rag klewes, ev klewes.’

Luk 23:43

Hag yn-medh ev dhodho, ‘Yn hwir y lavarav dhis, hedhyw y fydhydh genev yn Paradhis.’

Luk 8:8

Ha rann arall a goedhas yn dor mas, ha pan devis, hi a dhug trevas, kansplek.’ Hag ow leverel hemma, ev a grias, ‘Neb a'n jeves diwskovarn rag klewes, ev klewes.’

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

1 Korinthianys 2:10

Duw re dhiskwedhas hemma dhyn ni der an Spyrys; rag an Spyrys a hwither pup-tra, ynwedh downderyow Duw.

2 Korinthianys 12:4

dhe vos kemmerys yn-bann yn paradhis, ha klewes lavarow na yll denvyth aga leverel.

1 Yowann 2:13

My a skrif dhywgh hwi, tasow, drefenn hwi dh'y aswonn neb usi a-dhia'n dalleth. My a skrif dhywgh, gwer yowynk, drefenn hwi dhe fetha an tebel el. My a skrif dhywgh hwi, fleghigyow, drefenn hwi dhe aswonn an Tas.

Diskwedhyans 13:9

Den mara'n jeves skovarn, klewes ev.

Diskwedhyans 14:13

Ha my a glewas lev dhiworth nev ow leverel, ‘Skrif: Gwynnvys an re varow a verow y'n Arloedh alemma rag.’ ‘Ya’, yn-medh an Spyrys, ‘may hallons i powes a'ga lavur, rag yma aga oberow orth aga siwya.’

Diskwedhyans 15:2

Ha my a welas kepar ha pan ve mor gwedrek kemmyskys gans tan: ha'n re a wrussa fetha an best ha'y imaj, ha niver y hanow, ow sevel war an mor gwedrek, ha gansa telynnow Duw.

Diskwedhyans 2:11

Neb a'n jeffo skovarn, klewes ev an pyth a lever an Spyrys dhe'n eglosyow. Seul a fettho ny vydh pystigys der an nessa mernans.

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.

Diskwedhyans 21:7

Neb a feth a wra erita an taklow ma; ha my a vydh y Dhuw, hag ev a vydh ow mab.

Diskwedhyans 22:14

Gwynn aga bys neb a wolgh aga dillas may fo dhedha gwir dhe'n wydhenn a vewnans, ha mayth ellens a-ji dhe'n sita der an yetys.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.

Diskwedhyans 22:2

Yn kres hy stret, hag orth pub tu a'n avon, yma gwydhenn bewnans, ow toen dewdhek trevas a frut, ow ri hy frut pub mis, hag yma del an wydhenn rag yaghheans an kenedhlow.