Diskwedhyans 2:19 - An Bibel Kernewek 20234 (Kernewek Kemmyn)

¹⁹ ‘My a aswonn dha wriansow ha'th kerensa ha'th fydh ha'th wasonieth ha'th perthyans; ha'th wriansow wortiwedh yw moy es dha wriansow wor'talleth.

Diskwedhyans 2:19 Iomraidhean Croise

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Salmow 92:14

I a dheg frut hwath yn aga hothni, hag y fydhons yr ha glas,

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Luk 1:23

Ena pan veu dydhyow y wonis dhe benn, ev a omdennas dh'y ji.

Yowann 15:2

Pub skorrenn ynnov ha na dheg frut, ev a's kemmer dhe-ves, ha pubonan hag a dheg frut, ev a's skether, may tokko frut moy.

Kolossianys 3:14

Ha dres oll an taklow ma, gwiskewgh kerensa, yw an golmenn a berfydhder.

1 Thessalonianys 3:6

Mes Timothi re dheuth nammnygen dhyn ni dhiworthowgh, ha derivas dhyn nowodhow da a'gas fydh ha'gas kerensa, ha hwi dhe berthi kov da ahanan pup-prys, ha hwi hwansek dh'agan gweles, kepar dell on ni dh'agas gweles hwi;

2 Thessalonianys 1:3

Y koedh dhyn grassa dhe Dhuw pup-prys yn agas kever, a vreder, dell yw gwiw, rag agas fydh a wra tevi yn fras ha'gas kerensa pubonan dh'y gila a wra palshe,

1 Timothi 1:5

Mes towl an arghadow yw kerensa yn-mes a golonn lan ha kowses da ha fydh heb gil.

1 Peder 4:8

Kyns oll, kevewgh kerensa yntredhowgh heb hedhi, rag kerensa a gudh peghosow pals.

2 Peder 1:7

hag yn sansoleth kuvder dhe vreder, hag yn kuvder dhe vreder kerensa.

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.

Diskwedhyans 2:9

‘My a aswonn dha wriansow ha'th halar ha'th voghosogneth (mes rych osta) ha my a aswonn blasfemi an re a lever aga bos Yedhewon, heb bos yndella, mes synaga Satnas yns i.