Diskwedhyans 2:14 - An Bibel Kernewek 20234 (Kernewek Kemmyn)

¹⁴ Mes yma genev nebes taklow er dha bynn, rag yma genes ena an re a syns dyskas Balaam a dhyskas dhe Balak gorra maglenn a-dherag mebyon Ysrael dhe dhybri taklow offrynnys dhe idolys ha gul fornikasyon.

Diskwedhyans 2:14 Iomraidhean Croise

Ysay 57:14

Y leverir, ‘Drehevewgh, drehevewgh, pareusewgh fordh! Kemmerewgh yn-mes an lett dhiworth fordh ow fobel.’

Yeremia 6:21

Ytho yndellma y lever an Arloedh: Otta, my a worr a-rag an bobel ma sklanderyow may hwra koedha warnedha tasow ha mebyon war-barth; an kentrevek ha'y goweth a dhe goll.

Ezekiel 3:20

Ha mar treyl den gwiryon dhiworth y ewnder ha gul drog, my a worr men a drebuchya a-ragdho; ev a verow. Drefenn na'n gwarnsys, ev a verow yn y begh. Ny vydh kovhes y wiryonedh re wrug; mes y woes a hwilav a'th leuv.

Ezekiel 44:12

Rag i dhe venystra dhedha a-rag aga idolys, ha gul dhe ji Ysrael trebuchya yn kammhynseth, rakhenna my re dos er aga fynn, yn-medh an Arloedh Duw, hag i a berth aga hessydhyans.

Niverow 24:14

Ha lemmyn, otta, yth av dhe'm pobel; deus, my a'th warn a'n pyth a wra an bobel ma dhe'th pobel jy y'n dydhyow diwettha.’

Niverow 31:16

Otta, an re ma a wrug dhe vebyon Ysrael, dre gusul Balaam, omdhegi yn tislel erbynn an Arloedh yn negys Peor, hag y teuth an pla yn mysk kuntelles an Arloedh.

Niverow 31:8

I a ladhas myghternedh Midyan, gans an re erell anedha a veu ledhys – Evi, Rekem, Sur, Hur, ha Reba, an pymp myghtern a Midyan; hag ynwedh i a ladhas Balaam mab Beor gans an kledha.

Matthew 18:7

Go-ev an bys drefenn sklanderyow; rag res yw sklanderyow dhe dhos, mes go-ev an den may teu an sklander dredho!

Oberow 15:29

goheles boes sakrifiys dhe idolys, ha goes, ha taklow tegys, ha dijastita; ha hwi owth omwitha orth an re ma, hwi a wra yn ta. Farwell.’

Oberow 21:25

Hag a-dro dhe'n Jentilys neb re grysis, ni re skrifas lyther, ow ri agan ervirans y koedh dhedha omwitha rag an pyth re beu sakrifiys dhe idolys ha rag goes ha rag an pyth re beu tegys ha rag dijastita.’

Romanyon 11:9

Ha Davydh a lever, ‘Bedhes aga moes maglenn ha roes hag antell hag attal dhedha;

Romanyon 14:13

Ytho na vreusyn an eyl ahanan y gila mes breusyn yn kynsa na worryn men trebuchya po maglenn yn fordh an broder.

Romanyon 14:21

Ewn yw bos heb dybri kig po eva gwin po bos heb gul travyth hag a wra may trebucchyo dha vroder.

Romanyon 9:32

Praga? Drefenn na'n siwya dre fydh mes der oberow. I re drebuchyas orth an men a drebuchya,

1 Korinthianys 1:23

mes ni a bregoth Krist krowsys, sklander dhe Yedhewon ha follneth dhe Jentilys,

1 Korinthianys 7:2

Mes drefenn fornikasyon y koedh dhe bub gour kavoes y wreg y honan, ha pub benyn hy gour hy honan.

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

Yoshua 24:9

Ena Balak mab Sippor, myghtern Moab, a sevis dhe omladh erbynn Ysrael. Ev a dhannvonas ha gelwel dhe Balaam mab Beor, dh'agas mollethi.

1 Peder 2:8

ha, ‘Men a wra dhe dhen trebuchya, ha karrek a offens.’ I a goedh rag nyns yns i gostydh dhe'n ger. Henna a veu aga thenkys.

2 Peder 2:15

Ow kasa an fordh ewn, i a sowdhanas, ow siwya fordh Balaam mab Beor a garas gober droktra,

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.

Diskwedhyans 2:20

Byttegyns, yma genev hemma er dha bynn: ty dhe asa an venyn na Yezebel a elow hy honan profoeses dhe dhyski ha dynya ow gwesyon dhe wul fornikasyon ha dybri taklow offrynnys dhe idolys.

Diskwedhyans 2:4

Byttegyns yma genev neppyth er dha bynn: ty re asas dha gerensa, kepar dell vedha wostalleth.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.