Diskwedhyans 19:7 - An Bibel Kernewek 20234 (Kernewek Kemmyn)

⁷ Gwren lowenhe ha heudhhe, ha ri gordhyans dhodho; rag dydh demmedhyans an Oen a dheuva, ha'y wreg re ombareusis.

Diskwedhyans 19:7 Iomraidhean Croise

Salmow 107:42

An re ewnhynsek a wel henna, ha lowenhe; ha pub sherewneth a dhege y anow.

Salmow 48:11

Lowenhes menydh Sion, bedhes myrghes Yuda heudhik drefenn dha vreusow jy.

Salmow 9:14

rag may teriffiv oll dha wormola yn porthow myrgh Sion; my a lowenha y'th selwyans.

Lavarow Koth 29:2

Pan ynkress an re wiryon, an bobel a lowenha, mes pan y'n jeves tebelwas an rewl, an bobel a gyn.

An Gan a Ganow 3:11

Ewgh yn-mes ha mirewgh, a vyrghes Sion, orth myghtern Solomon gans an gurun may hwrug y vamm y guruna gensi yn dydh y dhemmedhyans, ha'n jydh mayth o lowen y golonn.

Ysay 52:1

Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

Ysay 62:5

Rag kepar dell wra gour yowynk demmedhi gwyrghes, yndella dha vebyon a'th temmedh; ha kepar dell wra gour pries lowenhe y'n venyn bries, yndella y hwra dha Dhuw lowenhe ynnos.

Ysay 66:10

Lowenhewgh gans Yerusalem ha bedhewgh heudh rygdhi, oll hwi neb a's kar; lowenhewgh yn feur gensi, oll hwi neb a gyn warnedhi;

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Matthew 1:20

Hag ev owth ombrederi a-dro dhe'n taklow ma, awotta, el an Arloedh a omdhiskwedhas dhodho dre hunros, ow leverel, ‘Yosep mab Davydh, na borth own a gemmeres Maria yn gwreg dhis; rag an pyth usi omdhegys ynni yw der an Spyrys Sans.

Matthew 22:2

‘Gwlaskor nev yw hevelebys dhe unn myghtern a wrug goel demmedhyans dh'y vab.

Luk 12:36

ha hwi agas honan kepar ha tus ow kortos aga mester pan dhehwel dhiworth demmedhyans, mayth igorrons dhodho dison kettell dheffo ha knoukya.

Yowann 3:29

Ev neb a gyv an briesvyrgh yw an gour pries; mes koweth an gour pries neb a sev ha goslowes orto a lowenha yn feur drefenn lev an gour pries. Ytho an lowena ma usi dhymmo vy yw kollenwys.

2 Korinthianys 11:2

Avi a'm beus ragowgh, gans avi Duw, drefenn my dh'agas dedhewi dhe unn gour, rag agas profya avel gwyrghes pur dhe Grist,

Efesianys 5:23

Rag an gour yw penn an venyn kepar dell yw Krist penn an eglos, ev y honan Selwador an korf.

Efesianys 5:32

Meur yw an mysteri ma, mes my a gews a Grist ha'n eglos.

Dewteronomi 32:43

Germewgh yn lowen, kenedhlow, gans y bobel, rag ev a gemmer dial war woes y servysi, ha tewlel dial war y eskerens, ha dasprena tir y bobel.

Filippianys 3:3

Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –

Diskwedhyans 11:13

Hag y'n keth eur y feu dorgrys bras ha'n degves rann a'n sita a goedhas, hag y'n dorgrys seyth mil dhen a veu ledhys, ha'n re erell a veu dyegrys ha ri gordhyans dhe Dhuw nev a wrussons i.

Diskwedhyans 19:9

Hag ev a leveris dhymm, ‘Skrif: Gwynn aga bys an re gelwys dhe woel demmedhyans an Oen.’ Hag ev a leveris dhymm, ‘An re ma yw gwir lavarow Duw.’

Diskwedhyans 21:2

Ha my a welas an sita sans, Yerusalem nowydh, ow tiyskynna yn-mes a nev dhiworth Duw, parys kepar ha benyn bries afinys rag hy gour.

Diskwedhyans 21:9

Hag onan a'n seyth el neb a's tevo an seyth fiol lenwys a'n seyth pla diwettha a dheuth dhymm ha kewsel orthiv ow leverel, ‘Deus, ha my a vynn diskwedhes dhis an venyn bries, gwreg an Oen.’

1 Samuel 2:1

Ena Hanna a bysis ha leverel, ‘Ow holonn a lowenha y'n Arloedh; ow horn yw ughelhes y'n Arloedh. Ow ganow yw moghhes dres ow eskerens, drefenn my dhe lowenhe y'th selwyans.