Diskwedhyans 19:4 - An Bibel Kernewek 20234 (Kernewek Kemmyn)

⁴ Ha'n peswar henavek warn ugens ha'n peswar kreatur bew a goedhas ha gordhya Duw owth esedha war an tron, ow leverel, ‘Amen, Alleluya!’

Diskwedhyans 19:4 Iomraidhean Croise

1 Kroniklys 16:36

Benniges re bo an Arloedh, Duw Ysrael, trank heb worfenn.’ Hag oll an bobel a leveris, ‘Amen’ ha gormel an Arloedh.

Nehemia 5:13

Ynwedh my a shakyas pleg ow fows ha leverel, ‘Yndellma re shakkyo Duw yn-mes dhiworth y ji ha dhiworth y lavur pub gour na with an ambos ma. Yndella re bo shakys yn-mes ha gwakhes.’ Hag oll an gesva a leveris ‘Amen’ ha gormel an Arloedh. Ha'n bobel a wrug war-lergh an ambos ma.

Nehemia 8:6

Hag Ezra a vennigas an Arloedh, an Duw meur. Hag oll an bobel a worthybis, ‘Amen, Amen’, ow trehevel aga diwleuv: hag i a blegyas aga fenn, ha gordhya an Arloedh gans aga fas dhe'n dor.

Salmow 104:35

Gas peghadoryon dhe vos kisys yn-mes a'n nor, ha na as an debeles dhe besya namoy. Bennik an Arloedh, ow enev. Gormelewgh an Arloedh.

Salmow 106:48

Benniges re bo an Arloedh, Duw Ysrael, trank heb worfenn ha bys vykken ha bynnari. Ha leveres oll an bobel, ‘Amen.’ Gormelewgh an Arloedh.

Salmow 41:13

Benniges re bo an Arloedh, Duw Ysrael, bys vykken ha bynnari. Amen, hag Amen.

Salmow 72:19

Ha benniges re bo y hanow gloryus bynitha, hag oll an nor a vydh lenwys a'y wolewder. Amen hag Amen.

Salmow 89:52

Benniges re bo an Arloedh bys vykken ha bynnari. Amen hag Amen.

Yeremia 28:6

ha'n profoes Yeremia a leveris, ‘Amen! Re wrello an Arloedh yndella; re gollanwo an Arloedh an geryow re brofoessys, ha daskorr lestri chi an Arloedh, hag oll an dhivresow, a-dhiworth Babylon dhe'n tyller ma.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Matthew 6:13

Ha na wra agan dri yn temptasyon, mes delirv ni dhiworth drog.

1 Korinthianys 14:16

Poken mar pennigydh y'n spyrys, fatell yll nebonan usi ynter an re heb dyskans leverel ‘Amen’ dhe'th grasyans, pan na woer an pyth a leverydh?

Diskwedhyans 15:7

Hag onan a'n peswar kreatur bew a ros dhe'n seyth el seyth fiol owrek lenwys a'n sorr a Dhuw, neb a vew trank heb worfenn.

Diskwedhyans 19:1

Wosa an taklow ma, my a glewas kepar ha pan ve lev bras lies den yn nev ow leverel, ‘Alleluya; selwyans, ha gordhyans, ha galloes dh'agan Duw:

Diskwedhyans 19:3

Hag arta i a leveris, ‘Alleluya; ha'y mog a yskynn trank heb worfenn.’

Diskwedhyans 19:6

Ha my a glewas kepar ha pan ve lev routh veur, ha son lies dowr, ha lev taran veur ow leverel, ‘Alleluya; rag an Arloedh agan Duw, an Ollgalloesek, a reyn.

Diskwedhyans 5:14

Hag yn-medh an peswar kreatur bew, ‘Amen.’ Ha'n peswar henavek warn ugens a goedhas dhe'n dor ha gordhya.