Diskwedhyans 19:10 - An Bibel Kernewek 20234 (Kernewek Kemmyn)

¹⁰ Ha my a goedhas orth y dreys rag y wordhya. Hag ev a leveris dhymm, ‘Na wra henna. My yw dha geskethwas, ha keskethwas dha vreder a's teves dustuni Yesu. Gwra gordhya Duw, rag dustuni Yesu yw an spyrys a brofoesans.’

Diskwedhyans 19:10 Iomraidhean Croise

2 Myghternedh 17:36

mes hwi a wordh an Arloedh, a'gas dros mes a bow Ejyp gans nerth bras ha gans bregh ystynnys; hwi a ombleg dhodho, ha sakrifia dhodho.

Salmow 45:11

ha'n Myghtern a vydh hwansek dhe'th tekter; rag ev yw dha ARLOEDH, ytho gwra y wordhya.

Eksodus 34:14

rag ny wordhydh ken Duw, rag an Arloedh, neb yw y hanow Avius, yw Duw avius;

Daniel 2:46

Ena myghtern Nebukadnessar a goedhas war y fas, hag omblegya a-rag Daniel; hag erghi may fe res dhodho offrynn hag ynkys.

Daniel 7:10

Liv a dan a resa ha tardha dhiworto; milvil a'n servya, hag yth esa ow sevel dheragdho deg milweyth deg mil. An vreuslys a esedhas, ha'n lyvrow a veu igerys.

Matthew 4:10

Ena yn-medh Yesu dhodho, ‘Voyd alemma, Satnas; rag skrifys yw, “Ty a wra gordhya an Arloedh dha Dhuw hag ev yn unnsel ty a wra servya.” ’

Mark 5:22

Hag y teuth onan a rewloryon an synaga, Yairus henwys; ha pan y'n gwelas, ev a goedhas orth y dreys,

Mark 7:25

rag dison unn venyn, ma's teva hy myrgh vyghan spyrys avlan, a glewas son anodho, hag a dheuth ha koedha orth y dreys.

Luk 1:19

Ha'n el a worthybis dhodho, ‘Gabriel ov vy, neb a sev a-rag Duw, ha dannvenys veuv dhe gewsel orthis, ha dhe dhri dhis an nowodhow da a hemma.

Luk 24:44

Hag yn-medh ev dhedha, ‘An re ma yw ow geryow a gewsis orthowgh ha my hwath genowgh, bos res pup-tra skrifys a-dro dhymm yn lagha Moyses hag y'n brofoesi hag y'n salmow dhe vos kollenwys.’

Yowann 5:39

‘Hwi a hwila an skryptors, rag ynna y tybowgh hwi dhe gavoes bewnans heb diwedh. Hag i aga honan yw an re a dheg dustuni ahanav;

Oberow 10:43

Dhe hemma, oll an brofoesi a dhustuni, kemmys a grysso ynno dhe dhegemmeres dehwelyans peghosow der y hanow.’

Oberow 13:27

Rag an re trigys yn Yerusalem ha'ga rewloryon, drefenn na'n aswonnsons, na konvedhes lavarow an brofoesi yw redys pub sabot, orth y vreusi re's kollenwis.

2 Korinthianys 8:7

Mes, yn pup-tra dell balshowgh, yn fydh hag yn kows hag yn godhvos hag yn pub diwysygneth hag yn agas kerensa dhyn ni, gwaytyewgh may palshahowgh y'n gras ma ynwedh.

Efesianys 5:15

Gwaytyewgh dour ytho fatell gerdhowgh, avel tus fur, a-der anfur,

Efesianys 5:33

Byttegyns, hwi ynwedh, pubonan, kares ev y wreg kepar ha'y honan, ha'n wreg, kemmeres hi own a'y gour.

Filippianys 3:3

Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –

1 Thessalonianys 5:15

Gwaytyewgh nag attallo denvyth drog rag drog, mes pup-prys siwyewgh an pyth yw da, an eyl rag y gila, ha rag pub den oll.

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

1 Yowann 5:10

Neb a grys yn Mab Duw a'n jeves an dustuni ynno y honan. Neb na grys yn Duw, re'n gwrug gowleveryas; rag na grysis an dustuni re ros a-dro dh'y Vab.

1 Yowann 5:21

A fleghigyow, omwithewgh rag idolys.

Diskwedhyans 1:1

Diskwedhyans Yesu Krist, a ros Duw dhodho rag diskwedhes dh'y wesyon an taklow a goedh hwarvos yn skon; ow tannvon derivadow der y el dh'y was Yowann,

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.

Diskwedhyans 12:11

Hag i a'n fethas dre woes an Oen ha dre er aga dustuni, ha ny garsons aga bewnans bys yn ankow.

Diskwedhyans 12:17

Ha'n dhragon a sorras orth an venyn, hag yth eth dhe werrya gans remenant hy has neb a with gorhemmynnow Duw, ha dustuni Yesu yma gansa i.

Diskwedhyans 14:7

ow leverel, ughel y lev, ‘Porth own a Dhuw, ha ro glori dhodho, rag bos eur y vreus devedhys, ha gwra gormel neb a wrug nev ha nor ha'n mor ha'n fentynyow a dhowrow.’

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’

Diskwedhyans 19:9

Hag ev a leveris dhymm, ‘Skrif: Gwynn aga bys an re gelwys dhe woel demmedhyans an Oen.’ Hag ev a leveris dhymm, ‘An re ma yw gwir lavarow Duw.’

Diskwedhyans 4:10

an peswar henavek warn ugens a wra koedha dhe'n dor a-dherag neb yw esedhys war an tron, hag omblegya dhe neb a vew trank heb worfenn, ha tewlel aga hurunyow a-dherag an tron, ow leverel,