Diskwedhyans 18:9 - An Bibel Kernewek 20234 (Kernewek Kemmyn)

⁹ Ha myghternedh an norvys neb re wrug fornikasyon ha triga gensi gans pythow dres musur, a vynn oela ha kyni rygdhi pan welons an mog a'y leski.

Diskwedhyans 18:9 Iomraidhean Croise

Jenesis 19:28

Hag ev a viras war-woeles troha Sodom ha Gomorra ha trohag oll an plen a-dro, ha gweles, hag otta, yth esa mog an pow ow mos yn-bann kepar ha mog fornes.

Salmow 58:10

An den gwiryon a lowenha pan wel dial; ev a wolgh y dreys yn goes an tebelwas.

Ysay 13:19

Babylon, splannder gwlaskordhow, glori a woeth an Kaldeanys, a vydh avel Sodom ha Gomorra pan wrug Duw aga domhwel.

Ysay 30:33

Rag Tofeth re beu ordenys a hirneth, ynwedh parys yw rag an myghtern. Re beu gwrys down ha ledan, gans tan ha palster a brenn. Anall an Arloedh avel gover a loskven a wra y enowi.

Yeremia 50:40

Par dell dhomhwelas Duw Sodom ha Gomorra ha'ga hentrevogyon, yn-medh an Arloedh, yndellma ny vydh denvyth trigys ena, na ny vydh denvyth ena avel alyon.

Yeremia 50:46

An nor a gren orth an galow ‘Kemmerys yw Babylon!’ ha'n kri a vydh klewys yn mysk an kenedhlow.

Yeremia 51:8

Distowgh Babylon yw koedhys ha brewys; kynewgh rygdhi! Kemmerewgh balsam rag hy goli; may fo martesen yaghhes.

Ezekiel 27:35

Oll trigoryon an arvoryow a gemmer skruth orthis, ha'ga myghternedh yw pur dhyegrys, ha'ga fasow yw troblys.

Daniel 4:14

Ev a armas yn fen, ow leverel, “Hakkyewgh an wydhenn dhe'n leur, ha treghewgh hy skorrow dhe-ves; kryghyllewgh hy delyow kwit ha skoellewgh hy frut; fies an bestes a-dhanno, ha'n ydhyn mes a'y skorrow.

Dewteronomi 29:23

Oll hy thir a vydh loskven ha hoelan, ynyal leskys; ny vydh has hesys, ha ny skyll travyth, ha ny dyv gwels vytholl ynno. Y fydh avel domhwelyans Sodom ha Gomorra, Adma ha Seboyim, a wrug an Arloedh aga domhwel yn y sorr hag yn y gonnar.

1 Timothi 5:11

Mes skon gwedhwesow yowynka; rag pan wra aga hwansow aga thenna dhiworth Krist, demmedhi a vynnons,

Diskwedhyans 14:11

Ha mog aga thorment a wra yskynna trank heb worfenn ha nyns eus powes dydh ha nos dhe neb a wordh an best ha'y imaj ha pypynag a dhegemmerro merk y hanow.’

Diskwedhyans 17:2

ha gensi myghternedh an norvys re wrug fornikasyon, ha trigoryon an nor re omvedhwis dre win hy fornikasyon.’

Diskwedhyans 18:18

hag a armas pan welsons mog hy leski, ow leverel, ‘Py sita yw kepar ha'n sita vras?’

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 18:3

Rag pub kenedhel re evas a'n gwin a ewl hy fornikasyon ha myghternedh an norvys re wrug fornikasyon gensi, ha gwikoryon an norvys yw devedhys ha bos rych dre alloes hy fythow dres musur.’

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”

Diskwedhyans 19:3

Hag arta i a leveris, ‘Alleluya; ha'y mog a yskynn trank heb worfenn.’

Diskwedhyans 2:22

Otta, my a's tewl yn gweli, ha'n re na a wra avoutri gensi yn galar meur, mar ny gemmerons edrek a'ga gwriansow.