Diskwedhyans 18:7 - An Bibel Kernewek 20234 (Kernewek Kemmyn)

⁷ Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”

Diskwedhyans 18:7 Iomraidhean Croise

Ester 6:10

Ena yn-medh an myghtern dhe Haman, ‘Gwra fistena, ha kemmeres an dillas ha'n margh, dell leversysta, ha gul yndella dhe Mordekay an Yedhow, usi owth esedha yn yet an myghtern. Na vedhes fowt mann a oll may kewssysta.’

Salmow 10:6

Ev re leveris yn y golonn, ‘Ny drebuchyav; a unn henedh dhe'n nessa ny vydhav yn anken.’

Salmow 45:9

Yma myrghes myghternedh yn mysk dha wragedh bryntin; orth dha leuv dhyghow y sev an vyghternes gwiskys yn owr a Ofir.

Yeremia 13:18

Lavar dhe'n myghtern ha dhe vamm an myghtern, ‘Omuvelhewgh, esedhewgh: rag kurun agas golewder re dhiyskynnas a-dhiwar agas penn.’

Kynvannow 1:1

1 Ass yw an sita owth esedha digoweth hag o leun a dus! Ass yw hi gyllys kepar ha gwedhwes, hag o meur y'n kenedhlow! Neb o pennseviges y'n powyow re beu gorrys yn keth dhe hwel krev.

Ezekiel 23:34

Ty a'n yv, ha'y waska yn-mes; ty a'n brew yn darnow, ha ty a skward dha dhiwvronn; rag my re gewsis, yn-medh an Arloedh Duw.

Obadia 1:3

Goeth dha golonn re'th toellas, ty neb eus trigys ughel yn savnow an garrek, y drigva y'n ughelder, ow leverel y'th kolonn, ‘Piw a'm dre yn-nans dhe'n dor?’

Sefania 2:15

Hemm yw an sita heudh a vewa gans diagha, a leveris yn hy holonn, ‘Ottavy, ha nyns eus denvyth marnas my.’ Ass yw hi gyllys yn difeyth, growedhva rag bestes! Pubonan a dremen dresti a hwiban ha shakya y leuv.

1 Timothi 5:11

Mes skon gwedhwesow yowynka; rag pan wra aga hwansow aga thenna dhiworth Krist, demmedhi a vynnons,

Diskwedhyans 18:3

Rag pub kenedhel re evas a'n gwin a ewl hy fornikasyon ha myghternedh an norvys re wrug fornikasyon gensi, ha gwikoryon an norvys yw devedhys ha bos rych dre alloes hy fythow dres musur.’

Diskwedhyans 18:9

Ha myghternedh an norvys neb re wrug fornikasyon ha triga gensi gans pythow dres musur, a vynn oela ha kyni rygdhi pan welons an mog a'y leski.