Diskwedhyans 18:3 - An Bibel Kernewek 20234 (Kernewek Kemmyn)

³ Rag pub kenedhel re evas a'n gwin a ewl hy fornikasyon ha myghternedh an norvys re wrug fornikasyon gensi, ha gwikoryon an norvys yw devedhys ha bos rych dre alloes hy fythow dres musur.’

Diskwedhyans 18:3 Iomraidhean Croise

Ysay 47:15

Yndella dhis yw an re may lavursys gansa, neb re genwerthas genes a-dhia'th yowynkneth. I oll a wander yn aga hynsyow aga honan; nyns eus denvyth dhe'th sawya.

Yeremia 51:34

‘Nebukadnessar myghtern Babylon re'm kollonkas, ev re'm desyghas, ev a wrug dhymm bos lester gwag, ev re'm lonkas avel dragon; ev re lenwis y dorr gans ow taklow denteth, ev re'm trewas y'n mes.

Yeremia 51:7

Babylon o hanaf owr yn leuv an Arloedh, ow kul medhow oll an nor; an kenedhlow a evas a'y gwin; rakhenna an kenedhlow eth yn fuskok.

Kynvannow 4:5

Myns a'n jevo sandow denti seuladhydh a dhe goll y'n stretys, myns a veu meythrys war goghlin a len orth teylegi.

Nahum 3:4

Drefenn myns fornikasyon an hora teg hy semlans, mestres pystri, neb a werth kenedhlow gans hy fornikasyon, ha teyluyow gans hy fystri, –

Luk 7:25

Mes pandra ethewgh dhe-ves dh'y weles? Den gwiskys yn dillas medhel? Otta, tus gwiskys yn dillas splann hag ow pewa attes, ymons yn chiow myghternedh.

1 Timothi 5:11

Mes skon gwedhwesow yowynka; rag pan wra aga hwansow aga thenna dhiworth Krist, demmedhi a vynnons,

Diskwedhyans 14:8

Ha ken el, an nessa anedha, a holyas, ow leverel, ‘Koedha, koedha a wrug Babylon vras, hag a wrug dhe oll kenedhlow eva a'n gwin a sorr hy fornikasyon.’

Diskwedhyans 17:2

ha gensi myghternedh an norvys re wrug fornikasyon, ha trigoryon an nor re omvedhwis dre win hy fornikasyon.’

Diskwedhyans 18:19

Hag i a dewlis doust war aga fenn, hag a armas, owth oela, hag ow kyni, ow leverel, ‘Tru, tru, an sita vras, may feu seul a'n jevo lestri y'n mor gwrys rych dre hy hevoeth! rag yn unn our hi re beu gwrys difeyth.’

Diskwedhyans 18:23

ha golow kantol ny splann ynnos namoy; ha lev an gour pries ha'n venyn bries ny vydh klewys ynnos namoy, rag dha wikoryon a veu tus meur aga bri y'n norvys, rag oll kenedhlow a veu toellys gans dha bystri.

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”

Diskwedhyans 18:9

Ha myghternedh an norvys neb re wrug fornikasyon ha triga gensi gans pythow dres musur, a vynn oela ha kyni rygdhi pan welons an mog a'y leski.