Diskwedhyans 18:22 - An Bibel Kernewek 20234 (Kernewek Kemmyn)

²² Ha son telynnyoryon, ha mynstrals, ha piboryon, ha trompours ny vydh klewys ynnos namoy, ha krefter vyth ynnos pypynag a vo y greft, ny vydh kevys ynnos namoy, ha son melin ny vydh klewys ynnos namoy;

Diskwedhyans 18:22 Iomraidhean Croise

Job 3:7

Devri, bedhes an nos na anvap; na vedhes garm heudh klewys ynni.

Ekklesiastes 12:4

ha deges yw an darasow y'n stret, pan yw isel tros an melyas, hag ev a sev yn-bann orth son an edhen, hag iselhes yw oll myrghes an gan;

Ysay 23:12

Ev a leveris, Ny lowenhydh byth moy, a wyrghes arweskys myrgh Sidon; sav, treus dhe Kyprus; ynwedh ena ny vydh powes dhis.

Yeremia 16:9

Rag yndellma y lever Arloedh an luyow, Duw Ysrael: Otta, my a bellha dhiworth an tyller ma, yn agas dydhyow hag a-rag agas lagasow, lev lowender ha lev heudhder, lev an gour pries ha lev an venyn bries.

Yeremia 25:10

Ynwedh my a gemmer a-dhiworta lev lowender ha lev lowena, lev an gour pries ha lev an venyn bries, son an meyn melin ha golow an gantol.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Yeremia 7:34

Ena my a wra dhe hedhi a-dhiworth sitys Yuda, ha dhiworth stretow Yerusalem, lev lowender, ha lev heudhder, lev an gour pries, ha lev an venyn bries: rag an tir a vydh ynyal.

Ezekiel 26:13

My a wra dhe dros dha gana tewel, ha son dha sowtris ny vydh klewys arta.

Matthew 9:23

Ha pan veu Yesu devedhys dhe ji an rewler ha gweles an biboryon, ha'n routh ow kul tros,