Diskwedhyans 18:2 - An Bibel Kernewek 20234 (Kernewek Kemmyn)

² Hag ev a armas, nerthek y lev, ow leverel, ‘Koedhys, koedhys yw Babylon vras, ha devedhys yw trigva dywolow ha menowghva pub spyrys avlan, ha menowghva pub edhen avlan, ha menowghva pub best avlan ha kasadow.

Diskwedhyans 18:2 Iomraidhean Croise

Ysay 14:23

My a's gwra yn perghennogeth rag sort, ha pollow dowr, ha'y skuba dhe-ves gans an skubell a gollva, yn-medh Arloedh an luyow.

Yeremia 25:30

Ty, ytho, profoes er aga fynn oll an geryow ma, ha leverel dhedha: An Arloedh a us a'n ughelder, hag a'y drigva sans ev a re y lev; ev a us yn krev erbynn y annedh, ha garma, avel an re a drett an grappys, erbynn oll annedhysi an nor.

Yeremia 51:37

ha Babylon a vydh karnedhow, trigva owrgeun, tra euth ha hwibana, heb annedhyas.

Yeremia 51:8

Distowgh Babylon yw koedhys ha brewys; kynewgh rygdhi! Kemmerewgh balsam rag hy goli; may fo martesen yaghhes.

Yoel 3:16

An Arloedh a vedhygel dhiworth Sion, ha dhiworth Yerusalem ev a ri y lev; ha'n nevow ha'n norvys a gren, mes an Arloedh yw skovva rag y bobel ha kastell rag mebyon Ysrael.

Sefania 2:14

Ha greow a wrowedh y'n kres anedhi, oll bestes an kenedhlow: an oula kornek ha'n klabytter a annedh yn pennow hy filars; aga lev a gan y'n fenestri; diswrians a vydh y'n treudhowyow: rag ev a lommha an parosweyth keder.

Diskwedhyans 1:15

ha'y dreys o kepar ha brest fin purhes kepar hag yn fornes, ha'y lev kepar ha son lies dowr.

Diskwedhyans 10:3

Hag ev a armas ughel y lev kepar dell wra lew usa, ha pan armas, an seyth taran a gewsis gans aga lev.

Diskwedhyans 11:8

Ha'ga horfow a wra growedha yn plen an sita vras yw gelwys yn spyrysel Sodom hag Ejyp, may feu aga Arloedh krowsys ynwedh.

Diskwedhyans 14:15

Ha ken el a dheuth yn-mes a'n tempel ow karma, ughel y lev, dhe neb o esedhys war an gommolenn, ‘Gwra gorra dha gromman ha mysi, rag bos devedhys an eur dhe vysi rag bos adhves trevas an dor.’

Diskwedhyans 14:8

Ha ken el, an nessa anedha, a holyas, ow leverel, ‘Koedha, koedha a wrug Babylon vras, hag a wrug dhe oll kenedhlow eva a'n gwin a sorr hy fornikasyon.’

Diskwedhyans 16:13

Ha my a welas tri spyrys avlan kepar ha kwilkynyow ow tos yn-mes dhiworth ganow an dhragon, ha dhiworth ganow an best, ha dhiworth ganow an fals profoes.

Diskwedhyans 16:19

Ha'n sita vras a veu rynnys yn teyr rann, ha'n sitys a'n kenedhlow a goedhas: ha Babylon vras a veu kovhes a-dherag Duw, dhe ri dhedhi hanaf an gwin a gonnar y sorr.

Diskwedhyans 17:18

Ha'n venyn a welsys yw an sita vras, a's teves galloes war vyghternedh an norvys.’

Diskwedhyans 17:5

Ha war hy thal o skrifys hanow, yw mysteri, ‘Babylon vras, mamm oll horys ha taklow kasadow an nor.’

Diskwedhyans 18:10

I a sev a-bell der own a'y fayn, ow leverel, ‘Tru, tru, an sita vras, Babylon, an sita grev! rag yn unn our re dheuth dha vreus.’

Diskwedhyans 18:21

Hag unn el galloesek a gemmeras men kepar ha men-melin bras, ha'y dewlel y'n mor, ow leverel, ‘Yndella, gans garowder, Babylon an sita vras a vydh tewlys war-nans, ha ny vydh kevys namoy.

Diskwedhyans 5:2

Ha my welas el nerthek ow karma, ughel y lev, ‘Piw yw gwiw dhe igeri an rol ha terri hy selyow?’