Diskwedhyans 18:19 - An Bibel Kernewek 20234 (Kernewek Kemmyn)

¹⁹ Hag i a dewlis doust war aga fenn, hag a armas, owth oela, hag ow kyni, ow leverel, ‘Tru, tru, an sita vras, may feu seul a'n jevo lestri y'n mor gwrys rych dre hy hevoeth! rag yn unn our hi re beu gwrys difeyth.’

Diskwedhyans 18:19 Iomraidhean Croise

2 Samuel 13:19

Tamar a worras lusu war hy fenn, ha skwardya an bows liesliw esa warnedhi, ha gorra hy leuv war hy fenn, ha mones dhe-ves ow kria.

Nehemia 9:1

Lemmyn y'n peswora dydh warn ugens a'n mis ma mebyon Ysrael a veu kuntellys war-barth gans penys, hag yn yskar ha gans pri war aga fenn.

Job 2:12

Ha pan y'n gwelsons a-dhiworth pell, ny'n aswonnis hag i a ughelhas aga lev hag oela, hag i a skwardyas aga fows ha skattra doust war aga fenn troha nev.

Ysay 13:19

Babylon, splannder gwlaskordhow, glori a woeth an Kaldeanys, a vydh avel Sodom ha Gomorra pan wrug Duw aga domhwel.

Kynvannow 2:10

Yma henavogyon myrgh Sion owth esedha war an dor yn tawesek; i re dewlis doust war aga fenn hag omwrogysa gans yskar; gwyrghesow Yerusalem a blegyas aga fenn dhe'n dor.

Ezekiel 27:30

I a dhrehav aga lev er dha bynn, hag i a gri yn hwerow; i a dewl doust war aga fennow ha rolya yn lusu.

Yoshua 7:6

Yoshua a skwardyas y vantell ha koedha dhe'n dor war y fas a-dherag argh Arloedh bys y'n gorthugher, ev ha henavogyon Ysrael; i a dewlis doust war aga fenn.

Diskwedhyans 17:16

Ha'n deg korn a welsys ha'n best: an re ma a wra kasa an hora ha'y gul gwastys ha noeth hag a wra dybri hy hig ha'y leski gans tan.

Diskwedhyans 18:10

I a sev a-bell der own a'y fayn, ow leverel, ‘Tru, tru, an sita vras, Babylon, an sita grev! rag yn unn our re dheuth dha vreus.’

Diskwedhyans 18:3

Rag pub kenedhel re evas a'n gwin a ewl hy fornikasyon ha myghternedh an norvys re wrug fornikasyon gensi, ha gwikoryon an norvys yw devedhys ha bos rych dre alloes hy fythow dres musur.’

Diskwedhyans 18:8

Rakhenna, yn unn jydh y teu hy flaow, ankow, hag ahwer, ha divoetter, ha gans tan hi a vydh leskys, rag bos krev an Arloedh Duw neb a's breus.’

1 Samuel 4:12

Gour a Benyamin a boenyas mes a'n linenn vatel, ha dos dhe Shilo an keth jydh, gans y dhillas skwardys ha gans dor war y benn.