Diskwedhyans 17:8 - An Bibel Kernewek 20234 (Kernewek Kemmyn)

⁸ An best a welsys a veu, ha nyns yw; hag ev a vydh owth yskynna yn-mes a'n pytt diwoeles, ha mos a wra dhe dhiswrians. Hag y fydh marth dhe drigoryon an norvys, na veu skrifys aga hanow y'n lyver a vewnans dhiworth gwrians an bys, pan welons an best, rag yth o, ha nyns yw, hag y fydh.

Diskwedhyans 17:8 Iomraidhean Croise

Salmow 69:28

Bedhens i defendys dhe-ves a lyver an re vew, ha na vedhens i skrifys yn mysk an re wiryon.

Daniel 11:45

Ev a worr tyldow y balys ynter an moryow, ha menydh sans an splannder. Mes ev a dheu dh'y dhiwedh, heb denvyth orth y weres.

Daniel 7:11

Ena my a besyas mires, drefenn lev an geryow meur a leveri an korn. My a viras bys pan veu ledhys an best, ha'y gorf distruys ha res dhe flammow an tan.

Daniel 7:26

An vreuslys a wra esedha, ha'y vestrynses a vydh kemmerys dhe-ves, rag bos treghys ha distruys bys y'n diwedh.

Daniel 7:3

hag a-ves a'n mor y teuth yn-bann peswar best bras, pub huni dihaval an eyl dh'y gila.

Daniel 7:7

Wosa henna my a welas yn gwelesigethow an nos, hag ottena peswora best, euthyk ha vil ha krev dres eghenn; yth esa dhodho dyns bras a horn; ev a dhybris ha terri. An remenant ev a stankyas gans y dhewdroes. Dihaval o ev dhe oll an bestes kyns, ha deg korn a'n jevo.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Luk 10:20

Byttegyns na lowenhewgh yn henna, an spyrysyon dhe vos gorrys yn-dannowgh, mes lowenhewgh rag agas henwyn dhe vos skrifys y'n nevow.’

Luk 8:31

Hag i a'n pysis, na wrella erghi dhedha mos y'n islonk.

Yowann 17:24

A Das, my a vynn an re a resys dhymm i ynwedh dhe vos genev vy le mayth esov, rag may hwellons ow glori a resys dhymm, rag ty a'm karas kyns gwrians an bys.

Oberow 15:18

godhvedhys a-dhia dermyn pell.”

Efesianys 1:4

dell y'gan dewisas ynno kyns gwrians an bys, may fen ni sans ha divlam a-dheragdho yn kerensa,

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

1 Peder 1:20

Ragaswonnys ova kyns selyans an bys, mes diskwedhys y'n termynyow diwettha ragowgh hwi,

Diskwedhyans 11:7

Ha pan worfennons aga dustuni, an best a yskynn a'n pytt diwoeles a wra gwerrya er aga fynn ha'ga fetha ha'ga ladha.

Diskwedhyans 17:11

Ha'n best hag a veu, ha nyns yw, ev ynwedh yw an ethves, hag yw avel onan a'n seyth; hag yth a dhe dhiswrians.

Diskwedhyans 17:2

ha gensi myghternedh an norvys re wrug fornikasyon, ha trigoryon an nor re omvedhwis dre win hy fornikasyon.’

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.

Diskwedhyans 20:12

Ha my a welas an re varow, bras ha byghan, ow sevel a-dherag an tron; ha rolyow-skrifa a veu igerys; ha ken rol a veu igerys, yw an lyver a vewnans: ha'n re varow a veu breusys der an pyth o skrifys y'n rolyow, war-lergh aga gwriansow.

Diskwedhyans 20:15

Ha seul na veu kevys skrifys y'n lyver a vewnans a veu tewlys y'n lynn a dan.

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.

Diskwedhyans 3:5

Neb a fettho a vydh gwiskys yndella yn dillas gwynn, ha ny wrav defendya y hanow yn-mes a'n lyver a vewnans, mes yth aswonnav y hanow a-dherag ow Thas hag a-dherag y eledh.