Diskwedhyans 15:4 - An Bibel Kernewek 20234 (Kernewek Kemmyn)

⁴ Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’

Diskwedhyans 15:4 Iomraidhean Croise

Salmow 105:7

Ev yw an Arloedh agan Duw; yma y vreusow yn oll an nor.

Salmow 111:9

Ev re dhannvonas daspren dh'y bobel; ev re worhemmynnis y gevambos bynitha; sans hag ownys yw y hanow.

Salmow 22:23

Hwi neb a berth own a'n Arloedh, gormelewgh ev! Hwi oll, has Yakob, gordhyewgh ev, ha hwi oll, has Ysrael, perthewgh euth anodho

Salmow 22:27

Oll pennow an norvys a berth kov ha treylya dhe'n Arloedh; hag oll teyluyow an kenedhlow a wordh a-dheragos.

Salmow 22:3

Mes ty yw sans, prest ow triga yn gologhas Ysrael.

Salmow 86:9

Oll an kenedhlow a wrussys a dheu hag omblegya a-dheragos, A Arloedh, ha gordhya dha hanow.

Salmow 89:7

Ownys yw Duw yn kuntelles an syns; pur euthyk a-ugh oll an re usi yn y gyrghynn.

Salmow 97:8

Sion a glewas hag a lowenha, ha heudhik o myrghes Yuda, drefenn dha vreusow, A Arloedh.

Salmow 99:5

Ughelhewgh an Arloedh agan Duw, hag omblegyewgh a-dherag y skavell-droes, rag sans yw ev.

Salmow 99:9

Ughelhewgh an Arloedh agan Duw, ha gordhyewgh ev war y venydh sans; rag sans yw an Arloedh agan Duw.

Ysay 24:15

Rakhenna y'n howldrevel ri glori dhe'n Arloedh; hanow an Arloedh, Duw Ysrael, yn ynysow an mor.

Ysay 25:3

Rakhenna pobel grev a wra dha lorifia, ha sitys kenedhlow garow a berth own ahanas.

Ysay 26:9

Ow enev a yeun war dha lergh y'n nos; ow spyrys ynnov a'th hwila. Rag pan vydh dha vreusow y'n wlas, annedhysi an bys a dhysk ewnder.

Ysay 45:23

My re dos ren ow honan, dhiworth ow ganow gallas yn ewnder ger na dhehwel: ‘Dhymmo vy y hwra plegya pub glin, pub taves a wra ti.’

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 6:3

An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

Ysay 60:5

Ena ty a wel ha splanna; dha golonn a gren gans joy hag efani, rag palster an mor a vydh dres dhis, ha rychys an kenedhlow a dheu dhis.

Yeremia 10:7

Piw ny berth own ahanas, A Vyghtern an kenedhlow? Rag henn yw an pyth a dhegoedh dhis: yn mysk tus fur an kenedhlow, hag yn oll aga gwlaskordhow, nyns eus nagonan haval dhis.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Yeremia 5:22

A ny berthowgh own ahanav? yn-medh an Arloedh: a ny grenowgh a-ragov? My re worras an tewes avel or dhe'n mor, ordenans bys vykken, ma na yll y dremena: an tonnow a sev yn trosek, mes ny's teves an galloes; kyn tarennons, ny yllons tremena dresto.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Habakkuk 1:12

A ny veus a'n dalleth, A Arloedh, ow Duw sans? Ny verwyn. A Arloedh, ty re's ordenas rag breus; A Garrek, ty re's fondyas rag keredh.

Zekaria 14:16

Pubonan a vo gesys dhiworth oll an kenedhlow neb a dheuth erbynn Yerusalem a wra mos yn-bann a vlydhen dhe vlydhen dhe wordhya an Myghtern, Arloedh an luyow, ha dhe solempnya goel an skovvaow.

Zekaria 2:11

Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Romanyon 15:9

ha rag may hwormolla an kenedhlow Duw rag y dregeredh. Dell yw skrifys, ‘Rakhenna my a vynn dha wormel yn mysk an kenedhlow ha kana dhe'th hanow jy’;

1 Peder 1:16

rag skrifys yw, ‘Sans vydhowgh hwi, rag my yw sans.’

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 14:7

ow leverel, ughel y lev, ‘Porth own a Dhuw, ha ro glori dhodho, rag bos eur y vreus devedhys, ha gwra gormel neb a wrug nev ha nor ha'n mor ha'n fentynyow a dhowrow.’

Diskwedhyans 16:5

Ha my a glewas el an dowrow ow leverel, ‘Gwiryon osta jy, ty sans, neb yw, ha neb o, rag ty dhe vreusi an taklow ma.

Diskwedhyans 16:7

Ha my a glewas an alter ow leverel, ‘Dhe wir, A Arloedh Duw Ollgalloesek, gwir hag ewn yw dha vreusow.’

Diskwedhyans 19:2

rag gwir hag ewn yw y vreusow; rag ev re vreusis an hora vras a legris an nor gans hy fornikasyon, hag ev re dhiallas goes y wesyon warnedhi.’

Diskwedhyans 19:8

Ha res veu dhedhi hi bos gwiskys yn sendal, splann ha pur’ – rag an sendal yw oberow gwiryon an syns.

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger:

Diskwedhyans 4:8

Ha'n peswar kreatur bew, pubonan gans hwegh askell, yw leun a lagasow a-derdro hag a-ji, ha nyns eus powes dhedha dydh ha nos hag i ow leverel, ‘Sans, Sans, Sans, Arloedh Duw an Ollgalloesek, neb o, neb yw, ha neb a dheu.’

Diskwedhyans 6:10

Hag i a armas, ughel aga lev, ow leverel, ‘Pygemmys prys, A Arloedh sans ha gwir, na vreusydh na diella agan goes war an re a drig war an norvys?’

1 Samuel 2:2

‘Nyns eus Sans kepar ha'n Arloedh, nyns eus nagonan marnas ty; nyns eus karrek kepar ha'gan Duw.