Diskwedhyans 14:6 - An Bibel Kernewek 20234 (Kernewek Kemmyn)

⁶ Ha my a welas ken el ow nija yn kres nev gans an aweyl heb hedhi dhe bregoth dhe neb a drig war an norvys, ha dhe bub kenedhel ha loeth ha taves ha pobel,

Diskwedhyans 14:6 Iomraidhean Croise

Jenesis 1:6

Hag yn-medh Duw, ‘Bedhes fyrmament yn mysk an dowrow, ow kul dibarth ynter an dowrow ha'n dowrow.’

2 Samuel 23:5

A nyns yw ow chi yndella gans Duw? Rag ev a wrug genev kevambos bys vykken, ordenys yn pup-tra ha sur. A ny wra ev gul dhe skylla oll ow selwyans, ha'm desir?

Salmow 119:142

Dha ewnder yw ewnder nevra a bes, ha dha lagha yw gwirder.

Salmow 139:24

ha gwel mars eus fordh a sherewneth ynnov, ha hembronk vy y'n fordh nevra a bes.

Salmow 145:13

Dha wlaskor yw gwlaskor nevra a bes, ha'th vestrynses a dhur a unn henedh dhe'n nessa. An Arloedh yw len yn oll y eryow, ha grassyes yn oll y oberow.

Ysay 40:8

An gwels a wedher, gyllys krin yw an vleujenn, mes ger agan Duw a sev bys vykken.

Ysay 45:17

Mes Ysrael a vydh selwys y'n Arloedh gans selwyans heb diwedh, ny'gas bydh meth na ny vydhowgh konfondys bys vykken.

Ysay 51:6

Drehevewgh agas dewlagas war-vann dhe'n nevow ha mirewgh orth an nor a-woeles; rag an nevow a deudh dhe-ves avel mog, an nor a vydh usys avel kweth, ha'n re usi trigys warnodho a verow avel gwibes; mes ow selwyans a vydh bys vykken, ha ny vydh diwedh dhe'm ewnder.

Ysay 51:8

Rag an goedhan a wra aga dybri avel kweth, ha'n pryv a wra aga dybri avel gwlan; mes ow ewnder a vydh heb diwedh, ha'm selwyans a unn henedh dhe'n nessa.

Ysay 6:2

Yth esa serafyn ow sevel a-ughto, hwegh askell dhe bubonan anedha: gans diw ev a gudha y fas, ha gans diw ev a gudha y dreys, ha gans diw ev a nija.

Ezekiel 1:14

An kreaturs bew a boenya ha dehweles kepar ha lughesenn.

Daniel 4:1

Nebukadnessar an myghtern, dhe oll an poblow, an kenedhlow ha'n tavosow trigys y'n norvys oll: Pals re bo agas kres!

Daniel 9:21

pan esen ow leverel ow fysadow, an gour Gabriel, neb re welsen kyns y'n welesigeth, a dheuth dhymm ow nija uskis orth prys offrynn an gorthugher.

Matthew 10:27

An dra a dherivav dhywgh y'n tewlder henna leverewgh y'n golow, ha'n dra a glewowgh hwystrys y'n skovarn gwrewgh y arma war bennow an chiow.

Mark 16:15

Hag ev a leveris dhedha, ‘Ewgh hwi yn oll an bys, ha pregewthewgh an aweyl dhe bub kreatur.

Romanyon 16:25

Lemmyn dhodho ev neb a yll agas krevhe herwydh ow aweyl ha pregoth Yesu Krist, herwydh diskwedhyans an kevrin a vedha gwithys taw der an oesow

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

2 Thessalonianys 2:16

Ha'gan Arloedh Yesu Krist y honan, ha Duw agan Tas, a wrug agan kara ha ri dhyn konfort heb worfenn ha govenek da dre ras,

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

1 Peder 1:25

mes lavar an Arloedh a dhur bys vykken.’ Ha hemm yw an lavar a veu pregewthys dhywgh hwi y'n aweyl.

Diskwedhyans 10:11

Hag i a leveris dhymm, ‘Y koedh dhis profoesa arta a-dro dhe lies pobel ha kenedhel, ha taves, ha myghtern.’

Diskwedhyans 10:7

mes yn dydhyow lev an seythves el, pan ombareus dhe hwytha an hirgorn, kevrin Duw a vydh kowlwrys kepar dell dherivas ev dh'y wesyon an brofoesi.’

Diskwedhyans 13:7

Hag y feu res dhodho dhe werrya gans an syns, ha'ga fetha: ha galloes a veu res dhodho war bub loeth ha pobel ha taves ha kenedhel.

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;

Diskwedhyans 8:13

Ha my a welas ha klewes er ow nija yn kres an nev, ow leverel, ughel y lev, ‘Tru, tru, tru, dhe drigoryon an norvys dhiworth sonyow erell a hirgorn an tri el neb a vydh ow hwytha.’