Diskwedhyans 14:2 - An Bibel Kernewek 20234 (Kernewek Kemmyn)

² Ha my a glewas son dhiworth nev kepar ha son lies dowr, ha son taran vras, ha'n son a glewis o kepar ha telynnyoryon ow telynnya gans aga thelynnow.

Diskwedhyans 14:2 Iomraidhean Croise

2 Samuel 6:5

Davydh hag oll chi Ysrael a lowenhas dherag an Arloedh gans oll aga nerth, gans kanow, ha sowtris, telynnow, tabourigow, sistrennow, ha gans symbalys.

2 Kroniklys 20:28

I a dheuth dhe Yerusalem, gans telynnow ha gans sowtris ha gans hirgern, dhe ji an Arloedh.

Salmow 147:7

Kenewgh dhe'n Arloedh gans grasyans; kenewgh gormola war an sowtri dh'agan Duw;

Salmow 149:3

Gormelens i y hanow y'n dons, kanens gormola dhodho gans tabourik ha sowtri.

Salmow 33:2

Gormelewgh an Arloedh gans sowtri; kenewgh gormola dhodho gans telynn a dheg kordenn.

Salmow 43:4

Ena yth av vy dhe alter Duw, dhe Dhuw joy ow lowender; ha war an sowtri my a'th wormel, A Dhuw, ow Duw.

Salmow 57:8

Difun, ow gordhyans; difunewgh, telynn ha sowtri; my a dhifun orth dydh-tardh.

Salmow 92:3

War dhaffar a dheg kordenn ha war an delynn, war an sowtri hweg y don.

Salmow 93:4

Kreffa ages dowrow meur, kreffa ages an mordonnow, yw an Arloedh, galloesek y'n ughelder.

Salmow 98:5

Kenewgh gormola dhe'n Arloedh gans an sowtri, gans an sowtri ha lev salm.

Eksodus 19:16

Dhe vyttin an tressa dydh yth esa taran ha lughes, ha kommolenn dew war an menydh, ha son pur ughel an hirgorn may krenas oll an bobel esa y'n kamp.

Eksodus 20:18

Lemmyn pan glewas oll an bobel an tarenna ha'n lughes ha son an hirgorn ha'n menydh ow tyllo mog, an bobel a's teva own hag a grenas; hag i a sevis a-bell,

Ysay 17:13

Kenedhlow a darenn avel tarennans dowrow pals, mes ev a's keredh hag y fions pell, helghys avel us war an menydhyow a-rag an gwyns, hag avel has askall a-rag an awel.

Ezekiel 43:2

hag otta, glori Duw Ysrael ow tos dhiworth an est; y lev o kepar ha son dowrow meur, ha'n nor a splannas gans y glori.

Zekaria 9:14

Ena an Arloedh a omdhiskwedh a-ughta; y seth a yn-mes avel lughes. An Arloedh Duw a hwyth an hirgorn, ha mos yn-rag yn korwynsow an dyghow,

1 Korinthianys 13:1

Mar lavarren yn tavosow a dus hag a eledh, ha my heb kerensa, brest ughel y son po symbal ow tynkyal y fien.

Diskwedhyans 1:10

Yth esen y'n Spyrys yn dydh an Arloedh, ha klewes a-dryv dhymm lev bras, kepar ha hirgorn,

Diskwedhyans 1:15

ha'y dreys o kepar ha brest fin purhes kepar hag yn fornes, ha'y lev kepar ha son lies dowr.

Diskwedhyans 11:12

Hag i a glewas lev bras dhiworth nev ow leverel dhedha, ‘Dewgh yn-bann omma.’ Hag i a yskynnas dhe nev yn kommolenn; ha'ga eskerens a's gwelas.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 15:2

Ha my a welas kepar ha pan ve mor gwedrek kemmyskys gans tan: ha'n re a wrussa fetha an best ha'y imaj, ha niver y hanow, ow sevel war an mor gwedrek, ha gansa telynnow Duw.

Diskwedhyans 18:22

Ha son telynnyoryon, ha mynstrals, ha piboryon, ha trompours ny vydh klewys ynnos namoy, ha krefter vyth ynnos pypynag a vo y greft, ny vydh kevys ynnos namoy, ha son melin ny vydh klewys ynnos namoy;

Diskwedhyans 5:8

Ha pan gemmeras an rol, an peswar kreatur bew, ha'n peswar henavek warn ugens a goedhas dhe'n dor a-dherag an Oen, pubonan gans telynn ha fiolyow owrek leun a ynkys, yw pysadow an syns.

Diskwedhyans 6:1

Ha my a welas pan igoras an Oen onan a'n seyth sel, ha my a glewas onan a'n peswar kreatur bew ow leverel, kepar dell veu gans son taran, ‘Deus!’

Diskwedhyans 8:7

Ha'n kynsa a hwythas hag y siwyas keser ha tan kemmyskys gans goes hag a veu tewlys dhe'n dor, ha'n tressa rann a'n norvys a veu leskys, ha'n tressa rann a'n gwydh a veu leskys hag oll an gwyrwels a veu leskys.