Diskwedhyans 14:11 - An Bibel Kernewek 20234 (Kernewek Kemmyn)

¹¹ Ha mog aga thorment a wra yskynna trank heb worfenn ha nyns eus powes dydh ha nos dhe neb a wordh an best ha'y imaj ha pypynag a dhegemmerro merk y hanow.’

Diskwedhyans 14:11 Iomraidhean Croise

Jenesis 19:28

Hag ev a viras war-woeles troha Sodom ha Gomorra ha trohag oll an plen a-dro, ha gweles, hag otta, yth esa mog an pow ow mos yn-bann kepar ha mog fornes.

Salmow 10:16

An Arloedh yw Myghtern bys vykken ha bynnari; an kenedhlow res eth dhe goll yn-mes a'y dir ev.

Salmow 145:1

My a'th ughelha, A Dhuw an Myghtern, ha my a vennik dha hanow bys vykken ha bynnari.

Eksodus 15:18

An Arloedh a reyn bys vykken ha bynnari.’

Ysay 33:14

An beghadoryon yn Sion a berth own; kren a dhalghenn an re dhidhuw: ‘Piw ahanan a yll triga gans an tan a dhevor? Piw ahanan a yll triga gans flammow a dhur bys vykken?’

Ysay 34:10

Ny vydh difeudhys nos na dydh; hy mog a yskynn bys vykken. Hi a vydh magor a henedh dhe henedh; nagonan ny dremen dresti trank heb worfenn.

Ysay 34:8

Ytho yma dhe'n Arloedh dydh dial, blydhen attal rag mentena ken Sion.

Ysay 57:20

Mes an debeles yw avel mor ow hwythfia, rag ny yll bos kosel, ha'y dhowrow a dewl yn-bann leys ha stag.

Daniel 3:6

Ha piwpynag na goettho dhe'n leur ha gul gologhas a vydh y'n keth eur na tewlys yn kres fornes a dan ow flammya.’

Yoel 2:30

My a dhiskwa marthusyon y'n nevow hag y'n norvys, goes ha tan ha kolovenyow a vog.

Matthew 11:28

Dewgh dhymmo vy oll hwi yw skwithys ha beghys poes, ha my a re powes dhywgh.

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Dewteronomi 28:65

Hag yn mysk an kenedhlow ma ny' fydh powes, ha ny vydh powesva dhe wodhen dha droes. Ena an Arloedh a re dhis kolonn a gren, ha dewlagas a fyll, hag enev ydhil.

Ebrowyon 1:8

Mes a-dro dhe'n Mab y lever, ‘Dha dron, a Dhuw, yw bys vykken ha bynnari; gwelenn wiryon yw gwelenn dha wlaskor.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 13:12

Hag ev a ober gans oll an galloes a'n kynsa best a-dheragdho, hag ev a wra dhe'n dor ha dhe'n re a drig ynno gordhya an kynsa best hag a veu sawys y woli marwel.

Diskwedhyans 13:15

Hag y feu grontys dhodho dhe ri bewnans dhe imaj an best may kowssa imaj an best, ha may hwrella, kemmys na vynnens gordhya imaj an best dhe vos ledhys.

Diskwedhyans 13:17

ha ma na alla denvyth na prena na gwertha, marnas neb a'n jevo an merk, hanow an best, po niver y hanow.

Diskwedhyans 14:9

Ha ken el, an tressa anedha, a'ga holyas, ow leverel, ughel y lev, ‘Den mar kordh an best ha'y imaj, ha degemmeres y verk war y dal po war y dhorn,

Diskwedhyans 18:18

hag a armas pan welsons mog hy leski, ow leverel, ‘Py sita yw kepar ha'n sita vras?’

Diskwedhyans 18:9

Ha myghternedh an norvys neb re wrug fornikasyon ha triga gensi gans pythow dres musur, a vynn oela ha kyni rygdhi pan welons an mog a'y leski.

Diskwedhyans 19:3

Hag arta i a leveris, ‘Alleluya; ha'y mog a yskynn trank heb worfenn.’

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.

Diskwedhyans 22:5

Ha ny vydh nos namoy; ha nyns eus edhomm a wolow lugarn po golow howl; drefenn an Arloedh Duw dhe wolowi warnedha: hag i a wra reynya trank heb worfenn.

Diskwedhyans 7:12

ow leverel, ‘Amen. Bennath, ha gordhyans, ha furneth, ha grasyans, hag enor, ha nerth, ha galloes re bo dh'agan Duw trank heb worfenn. Amen.’